Hemen zaude: Hasiera Euskal kultura Euskal antzerkigintza Barneko antzerkia Idazleak Piarres Larzabal

Piarres Larzabal

Piarres Larzabal Azkainen sortu zen eta « Irri eta nigar » lehen antzerki-lana 1934ean idatzi zuen. Jende anitzek urteetan negar eta irri egin dute bere antzerkien ikustean, eta gaurregun oraino gehien antzeztua den idazlea da.

Piarres Larzabal (1915-1988)
Piarres Larzabal (1915-1988)
Hastapenean, antzerki dibertigarriak idatzi zituen – « Kontrabandistak », « Eiherazainaren astoa », « Okilamendi Jaun Mera » -, baina laster ulertu zuen euskal antzerkiak "heldutasuna" lortu behar zuela eta gai guziak aipatzeko gai izan behar zuela, hots konzientzia, gizarte, nortasun arazoak. Konzientzia arazoak aipatuak dira beraz, « Etxahun », « Berterretx », « Bordaxuri » lanetan ; gizarte gaiak « Hiru ziren », « Lana eri »-n, euskal nortasunaren konzientzia hartzea « Matalas », « Ibañeta », « Mugari tiro »-n, etabar. Bere erranetan, ehun bat esketx eta antzerki idatzi ditu. Esketx batzu galduak izan dira, hala nola "Lurraren besta" kari orga loreztatuetan antzezturikoak.

Deneri konfiantza egiten zuen eta esku-izkribuak edozeini uzten zuen fotokopiarik egin gabe. Zendu zelarik, Piarres Charritton euskaltzainak Piarres Larzabalen 42 antzerki bildu eta argitaratu zituen Elkar argitaletxearekin.

Baliabideak

Iparraldeko euskal antzerki munduko eragileak

Iparraldeko euskal antzerkigintzako eragileen errepertorioa kategoriatan sailkatuak (artistak, programatzaileak, formatzaileak, baliabide zentroak...).