Hemen zaude: Hasiera Euskal kultura Ondarea Albisteak

Albisteak

"Euskal etnopoloa" hitzarmenaren izenpetzea

"Euskal etnopoloa" hitzarmenaren izenpetzea

"Euskal etnopoloa" hitzarmenaren izenpetze ekitaldia ekainaren 23an iragan da Baionako Arteen hiria izeneko goi-mailako arte eskolan. Arnaud Littardi, Akitania-Berriko kultura ekintzetarako zuzendaria, Mikel Erramouspé, Euskal kultur erakundeko lehendakaria eta Rainer Maria Kiesow jauna, Georg Simmel ikerketa zentroko zuzendaria izan dira izenpetzaileak.

Gehiago irakurri

Euskal etnopoloaren estreinako kolokioaren bideo-bilduma sarean da

Euskal etnopoloaren estreinako kolokioaren bideo-bilduma sarean da

Euskal kultur erakundeak eta Pariseko EHESS Gizarte Zientzietako Goi Mailako Ikasketen Eskolak partaidetzan sortu duten Euskal etnopoloaren estreinako kolokioa maiatzaren 19an iragan zen Baionako Euskal museoan. Kultura baliabide numerikoen erabilpenak aztertu ziren publiko zabalaren eta artisten ikuspundutik. Egunaren bideoak sarean dira.

Gehiago irakurri

Eleketa: Euskal dantzari buruzko lekukotasunak Baionako Artxibotegian ikusgai

Eleketa: Euskal dantzari buruzko lekukotasunak Baionako Artxibotegian ikusgai

Pirinio Atlantikoetako Artxibotegiak, Euskal kultur erakundeak "Eleketa" programaren baitan dantzaz bildu ikus-entzunezko lekukotasunak ikusgai ezarri ditu bere Baionako eta Paueko ordezkaritzetan. Halaber, lekukotasun horien datubasearen errepertorio numerikoa sarean kontsulta daiteke earchives.le64.fr gunean. Albiste ezinhobea euskal dantzaz interesatzen direnentzat edo gaiaren inguruko ikerketak egin nahi dituztenentzat.

Gehiago irakurri

Euskal kultur erakundeak partaidetza hitzarmena izenpetu du Badihardugu elkartearekin

Euskal kultur erakundeak partaidetza hitzarmena izenpetu du Badihardugu elkartearekin

Euskal kultur erakundeko eta Badihardugu elkarteko ordezkariek hitzarmena izenpetu dute otsailaren 17an. Honen bidez, Deba ibarreko euskara elkarteak www.ahotsak.eus webgunean bildurik dituen Ipar Euskal Herriko lekukotasunak katalogatu eta erabiltzeko aukera ematen dio EKE-ri. Trukean, EKE-ren jabegoan diren hainbat testigantza eskuratuko ditu Badiharduguk. 

Gehiago irakurri

Euskal etnopoloa sortu da

Euskal etnopoloa sortu da

Urtarrilaren 12an, Akitania Berriko DRAC erakundeak aurkeztu du arrakastarekin Euskal Etnopoloaren labelaren kandidatura, Euskal Kultur Erakundeak eta EHESS (Ecole des Hautes Études en Sciences Sociales) erakundeek sortu partaidetzaren izenean. Kultura ondare immaterialaren Batzorde Nazionalak aho batez labelaren ematea onartu du. Euskal etnopoloa sortu da.

Gehiago irakurri

"Otsail Ostegunak" zikloa Donapaleun

"Otsail Ostegunak" zikloa Donapaleun

2017ko otsailaren 2tik 23ra, Zabalik elkarteak antolatu Otsail Ostegunak mintzaldi zikloaren edizio berri bat iraganen da Donapaleun. Otsaileko ostegun arrats guziz beraz, hainbat gai jorratuko dituzte euskaraz, Euskal kultur erakundearen partaidetzarekin antolatu hitzaldi horietan.

Gehiago irakurri

Kultura ondare immaterialari buruzko formakuntza

Kultura ondare immaterialari buruzko formakuntza

2017/01/19

Paueko eta Aturri aldeko Unibertsitateko ITEM laborategiak, InOc Aquitaine etnopoloak eta Frantziako kultura ministeritzako ondare zuzendaritzak kultura ondare immaterialari buruzko formakuntza egunak antolatzen dituzte otsailaren 21etik 24ra, Billère herrian (Paue ondoan), Carnaval Biarnés elkartearekin partaidetzan. Dohainik. Izena eman behar da haatik.

Gehiago irakurri

"Maitia nun zira ?" dokumentalaren aurkezpenak Irunen eta Durangon

"Maitia nun zira ?" dokumentalaren aurkezpenak Irunen eta Durangon

Euskal kultur erakundearen eta Mondragon Unibertsitatearen arteko partaidetzaren ondorioz sortu Maitia nun zira ? dokumentala Irunen eta Durangon aurkeztua izanen da abendu hastapen honetan. Aretxabaletako Ikus-entzun komunikazioko Elena Canas eta Ainara Menoyo ikasleek, Lehen Mundu gerla garaiko Alemaniako esparruetako euskal presoen grabaketetan oinarritu dira dokumental honen egiteko. Audio grabazioen historia eta testuingurua transmititu nahi izan dute. 

Gehiago irakurri

Euskal kantagintzaren ondarea aipagai Xenpelar dokumentazio jardunaldietan

Euskal kantagintzaren ondarea aipagai Xenpelar dokumentazio jardunaldietan

2016/10/24

2016ko urriaren 27an, 18:30etan, Xenpelar dokumentazio jardunaldien hirugarren edizioa iragan zen Amasa-Villabonan. Oraingoan, euskal kantagintzaren ondarea landu zuten bertan. Parte-hartzaileen artean, besteak beste Sü Aziako Jean-Mixel Bedaxagar eta Euskal kultur erakundeko Maite Deliart-en lekukotasunak entzuten ahal izan ziren.

Gehiago irakurri

"Maitia nun zira ?", 1914-1918 gerlako euskal presoen grabaketetan oinarritu dokumentala

"Maitia nun zira ?", 1914-1918 gerlako euskal presoen grabaketetan oinarritu dokumentala

Euskal kultur erakundea eta Mondragon Unibertsitatearen arteko partaidetza emankorra izan da. 2015-2016 ikasturteko Gradu Bukaerako Lanarentzat, Aretxabaletako Ikus-entzun komunikazioko Elena Canas eta Ainara Menoyo ikasleek, Lehen Mundu gerla garaiko Alemaniako esparruetako euskal presoen grabaketak ikertu dituzte. Audio grabazioen historia eta testuingurua transmititu nahian, Maitia nun zira ? izeneko bideo dokumentala sortu dute.

Gehiago irakurri

"Tradizioa, egia hutsa?" hitzaldi-eztabaidaren bideoa eskuragarri

"Tradizioa, egia hutsa?" hitzaldi-eztabaidaren bideoa eskuragarri

Euskal kultur erakundeak "Tradizioa & Sorkuntza" lemaren inguruko mintzaldia antolatu zuen 2016ko ekainaren 3an, ostiralez, Baionako fakultatean. Gai horietan adituak diren bost mintzalarik hitza hartu zuten karia hortara. Kanaldude herri telebistak filmatu gaualdiaren bideoa sarean da.

Gehiago irakurri

Ondarea & Sorkuntza: Uztaritzeko gogoetaldiaz

Ondarea & Sorkuntza: Uztaritzeko gogoetaldiaz

Hogei bat kultur eragile bildu ziren 2015eko ekainaren 27an Uztaritzeko Lapurdi gelan «Ondarea eta sorkuntza» gaiaz solastatzeko. Gogoetaldia hasi zen Denis Laborde etnologoaren hitzaldi aberatsarekin. Ondotik, parte hartzaileak hiru tailerretan banatu ziren. Denis Laborden hitzaldia baita taldeen ekarpenen bildumak sarean dira.

Gehiago irakurri

"Argi bila" karrika ikuskizuna

"Argi bila" karrika ikuskizuna

Neguburua hurbiltzearekin batera, Olentzero aurten ere Euskal Herriko bazter guzietan izanen dugu. Karia hortara, hainbat ekitaldi antolatuak izanen dira, horien artean  Argi bila izeneko karrika ikuskizuna, heldu den abenduaren 19an Donibane Lohizunen iraganen dena. Euskal kultur erakundea partaide da. 

Gehiago irakurri

"Euskal emigrazioa : oroitzapena baino gehiago ?" - Eztabaida filmatua Uztaritzen

"Euskal emigrazioa : oroitzapena baino gehiago ?" - Eztabaida filmatua Uztaritzen

2015eko urriaren 16an, Euskal emigrazioa : oroitzapena baino gehiago ? gaiaren inguruko eztabaida filmatua iraganen da Uztaritzeko Lapurdi gelan. Eusko Ikaskuntzak, Euskal kultur erakundeak eta Euskal Diasporak gomitatutik, hainbat aditu mintzatuko dira gai hortaz. Eztabaida Kanaldude telebista parte-hartzailearen webgunean segitzen ahalko da zuzenean.

Gehiago irakurri

"Olhaberri" zentroko bisita gidatuak Bankan

"Olhaberri" zentroko bisita gidatuak Bankan

2015/07/12

Uztail honetan, Bankako "Olhaberri" mehategien interpretazio zentroko bisita gidatuak antolatuak dira. Bisita horiek uztailaren 15a eta 31ren artean antolatuak izanen dira, urririk.

Gehiago irakurri

Ondarea & Sorkuntza: gogoetaren segida Uztaritzen

Ondarea & Sorkuntza: gogoetaren segida Uztaritzen

2015/06/03

Euskal kultur erakundeak gogoetaldi berri batean parte hartzera gomitatzen zaitu. Hitzordua 2015eko ekainaren 27an finkatua da, 9:00etatik 12:30etara, Uztaritzeko Lapurdi gelan. Gaia : « Ondarea eta sorkuntza ». Gogoan atxik !

Gehiago irakurri

Bilketa, atari berri bat euskal funtsentzat

Bilketa, atari berri bat euskal funtsentzat

Bilketa izeneko euskal funtsen web atari berria sarean da. Baionako Hiriak garatu webgune berri honek Euskal Herriari buruz edota euskaraz diren dokumentu andana bat biltzen ditu. Euskal kultur erakundeak modu ezberdinez bat egin du egitasmoarekin, hala nola bitartekari lana eginez publiko zabalari buruz edo euskal kulturari buruzko formakuntza saioak antolatuz profesionalentzat. Atariaren edukian ere zuzenki parte hartu du.

Gehiago irakurri

Ondarea eta sorkuntza: gogoeta aitzina doa

Ondarea eta sorkuntza: gogoeta aitzina doa

Joan den urtarrilaren 24an, Senpereko Larreko gelan, hogeita hamar bat pertsona bildu ditu EKE-k "Sorkuntza & ondarea" gaiaren inguruan antolatu topaketak. Arratsaldea bost sorkuntza eramaileren ekarpenarekin hasi da eta talde lan batekin bururatu. 2015eko ekainaren 27an segida emana izanen zaio gogoetari.

Gehiago irakurri

Ondarea eta sorkuntza: gogoeta arratsalde bat Senperen

Ondarea eta sorkuntza: gogoeta arratsalde bat Senperen

Euskal kultur erakundeak sorkuntza batean engaiatuak diren eragileak (edozein obra edo gertakari sorkuntzan) gomitatzen ditu Senpereko Larreko gelatik hurbiltzera urtarrilaren 24ean, larunbatarekin, arratsaldeko 14etatik 18:30etara, "ondarea eta sorkuntza" gaiaz eztabaidatzeko.

Gehiago irakurri

Horra, horra, gure Olentzero !

Horra, horra, gure Olentzero !

Neguburua hurbiltzearekin batera. Olentzero aurten ere Euskal Herriko bazter guzietan izanen dugu. Baina nor da Olentzero ? "Olentzeroren lagunak" elkartearekin partaidetzan, Euskal kultur erakundeak itxaropenezko mezua dakarren pertsonaia mitiko hori hobeki ezagutzeko parada eskaintzen dizu.

Gehiago irakurri