Albisteak
Sormen beka DA - Bigarren edizioa
Bigarren aldiz, Gerediaga Elkarteak eta Durangoko Udalak sormen beka eskainiko dute. "Sormen beka DA" egitasmoaren helburua euskarazko sorkuntza sustatzea eta sortzaile berriei bidea erraztuz beren lana ezagutzera ematea da. 2019ko edizioan, musika da oinarri. Lanak berantenik irailaren 21ean aurkeztu beharko dira.
"Dantza" filma ipar Euskal Herriko zinema aretoetan
Irailaren 4tik goiti, Telmo Esnal egilearen "Dantza" filma Iparraldeko pantailetan ikusgai izanen da Gabarra Films-ek banaturik. Aitzin, gaualdi berezi eta estrenaldiak antolatuko dira agorrilaren 20an Baionako Atalante gelan eta agorrilaren 30ean Biarritzeko Royal zine gelan "Maitaldia" dantza festibalaren karietara. Euskal kultur erakundea partaide da.
Hitz-Enea erakusketa Donostian
Euskal kultur erakundeak ekoiztu eta Oskar Alegriak asmatu "Hitz-Enea, Iparraldeko etxeak izenetan" argazki erakusketa Donostiako Miramar Jauregian ikusgai da 2019ko irailaren 15a arte.
"Besta bai, euskaraz ere bai!" - Besta munduan euskararen erabilera azkartzeko tresna berria
2012tik, Mintzalasai elkarteak Baiona-Angelu-Miarritze hiri eremuan euskararen aldeko lan bat eramaten du. Urte guziz, besteak beste, 50 eragile biltzen ditu euskararen erabilera, ezagutza eta sustapena lantzen dituen egitaraua antolatzeko. Oraingoan, elkarteak besta munduan euskararen erabilera bultzatzeko kit integral bat sortu berri du.
Domingo Garat pastorala Pagolan
Domingo Garat pastorala 2019ko uztailaren 28an eta agorrilaren 4an emana izanen da Pagolan. Pastoralak Garat anaien historia kontatzen du, zehazkiago Uztaritzeko Domingo Garat-en historia. Euskal kultur erakundea partaide da.
Kontzertu Atipikoak 2019ko Baionako bestetan
Hamargarren urtez, Baionako besten denboran, Euskal kultur erakundeak eta Baionako Herriko Etxeak kontzertu atipikoak antolatuko dituzte elkarrekin. Aurten, bi kontzertu izanen dira. Lehena uztailaren 26an iraganen da, San Izpirituko "Collégiale" elizan, Oñatiko Ganbara abesbatzarekin. Bigarrena aldiz, uztailaren 27an ospatuko da Protestanteen tenpluan, Andoni Aguirre & Maitane Sebastian bikoteak eskainiko duen kontzertu batekin.
Zineskola 2019: ikusle kopuru ezinhobea
Euskal kultur erakundeak koordinatu Zineskola programaren baitan, "Grufaloa", "Harpetarra" eta "Zarafa" filmen ikustera joan dira Iparraldeko 40 herritako 60 bat ikastetxetako 3641 ikasle. 95 film emanaldi ezberdinak antolatuak izan dira, lurraldeko zinema gela guzietan, sekulan baino gehiago!
2019ko idazle egonaldia Nekatoenean: Jokin Mitxelena hautatua izan da
"Nekatoenea" euskal idazle egonaldiaren bederatzigarren edizioaren karietara, Jokin Mitxelena donostiarra hautatua izan da. Heldu den udazkenean, hilabete batez, idazlea Hendaiako etxe famatuan egonen da "Puka" izeneko xakurraren istorio bat osatzeko. Euskal kultur erakundea partaide da.
Durangoko azokaren 54. edizioa prestatzeko bilkura
2019ko abenduaren 5etik 8ra, Durangoko Azokaren 54. edizioa ospatuko da. Aurten ere, EKE-k azokan parte hartu nahi duten egiturak lagunduko ditu.
Errobiko Festibala 2019
2019ko uztailaren 18tik 21era, Ezkandrai elkarteak 24. Errobiko Festibala antolatuko du Itsasun. Lau egunez, edizio berri honek Euskal Herriko eta kanpoko hainbat artisten emanaldiez gozatzeko parada eskainiko du. Euskal kultur erakundea partaide da.
Patxi Laskarai-ren "Bazterrak" erakusketa Donibane Lohizunen
Patxi Laskarai-ren "Bazterrak" argazki erakusketa uztailaren 14a arte ikusgai da Donibane Lohizuneko La Rotonde aretoan. Karia hortara, hainbat hitzordu antolatuak dira gainera. Euskal kultur erakundea partaide da.
2019ko SCAM sari bat Myriam Ayçaguer-entzat
Myriam Ayçaguer-ek SCAM (Multimedia arloko autoreen sozietate zibila) sozietatearen "Soinu aurkikuntza" saria eskuratu du Parisen, 2019ko ekainaren 21ean, "La dramatique impossible" irratirako soinu saiakerarentzat. Euskal kultur erakundeak 2018an lagundu sorkuntza bat.
Nafarroako Arteen Merkatua eta Profesionalen Topagunearen 3.edizioa
948 Merkatua, Nafarroako Arteen Merkatua eta Profesionalen Topagunearen 3.edizioa ospatuko da aurten, azaroaren 20,21 eta 22an, Iruñan. Edizio hau, berriz definitua, berrikuntzez josia alor artistikoan zein profesionalean, eta programazioaren antolakuntzan ere, berritua datorkigu. Besteak diziplina artekoak eta hibridoak diren proposamen artistikoak identifikatzeko eta erakartzeko deialdi bat antolatua da 2019ko agorrilaren 3a arte. Arreta handiz begiratuko zaie Akitania-Berria eskualdetik iritsiko diren proposamenei.
EHZ 2019
2019ko ekainaren 28, 29 eta 30ean, EHZ festibalaren edizio berri bat iraganen da lehen aldikotz Irisarrin. Jaialdiaren itzulerarentzat, antolatzaile talde berriak euskal musika taldeei protagonismo berezia ematen dion programazio bat eraiki du. Euskal kultur erakundea partaide da.
Pauline & Juliette Baionako La Luna Negra aretoan
2019ko ekainaren 28 eta 29an, 20:15etatik goiti, Pauline & Juliette bikoteak bi kontzertu eskainiko ditu Baionako La Luna Negra aretoan. Euskal kultur erakundea partaide da.
CERDO baliabide zentroaren aurkezpena
2019ko ekainaren 25ean, Euskal kultur erakundeak CERDO baliabide zentroaren aurkezpen bat antolatzen du bere Uztaritzeko egoitzan. Zentro honek Poitou-Charentes-Vendée eskualdeko ahozkotasuna ikertzen eta baloratzen du. Parte hartzea urririk da, baina izenak aitzinetik eman behar dira.
Tradizioa eta berrikuntza : identitatea denboran zehar
Kultura beti berrituz baldin badoa, nola iraun dezake beraz kultura-nortasunak denboran? Galdera honi erantzun nahi izan dio Etnopoloaren labelaren baitan 2019ko ekainaren 13 eta 14an, Baionako Euskal Museoan antolatu kolokioak.
Müsikaren Egüna 2019
2019ko ekainaren 7, 8 eta 9an, Bil Xokoa elkarteak "Müsikaren Egüna"-ren 30. edizioa antolatzen du Urdiñarben. Antzerkia, musika, dantza... Aurten ere denetarik izanen da euskal kultura eta munduko beste herrien kulturak elgarretaratu nahi dituen festibal honetako azken edizioan. Euskal kultur erakundea partaide da.
Elkarteen finantzamendua: diru-baliabide publiko eta pribatuen artean
Euskal kultur erakundeak eta DLA dispositiboa eramaten duen Profession Sport et Loisirs egiturak elkarteei zuzendu informazio gaualdi bat proposatzen dute ekainaren 6an, 18:00etan, Uztaritzeko Lota jauregian. Gaia: elkarteen finantzamendua, diru-baliabide publiko eta pribatuen artean.
Jokoz Kanpo festibalaren 10. edizioa Ezpeletan
2019ko ekainaren 1ean, Pinpulka elkarteak "Jokoz Kanpo" festibalaren 10. edizioa antolatzen du Ezpeletan. Aurten ere, karrika arteen inguruko hainbat ikusgarri preziatzeko aukera izanen da. Euskal kultur erakundea partaide da.
