Hemen zaude: Hasiera Albisteak

Albisteak

Gaia: Musika
Xiru festibalaren 30. edizioa

Xiru festibalaren 30. edizioa

2019ko apirilaren 19tik 21era, Abotia elkarteak Xiru festibalaren 30. edizioa antolatzen du Gotaine Irabarnen eta Altzürükün. Hiru egunez, hainbat kontzertu eta ikusgarri iraganen dira Xiberuko musika eta sorkuntza festibal ezagunaren karietara. Euskal kultur erakundea partaide da.

Gehiago irakurri

Baigorriko Kulturaldia 2019

Baigorriko Kulturaldia 2019

Urte guziz bezala, Basaizea elkarteak Baigorriko kulturaldia antolatzen du apiril honetan ere. Tokiko elkarte dinamikan oinarrituz, kultur egitarau honek lehentasuna ematen die euskarazko edo euskal kulturarekin zerikusia duten ekimenei. Aurten antolatuak diren ekitaldien artean, besteak beste, "Haurra" izeneko zine-kontzertua eta Oier Araolazaren mintzaldi bat "Emazteak euskal dantzetan: gezur baten historia" gaiaren inguruan, 28an ospatuko den Nafarroaren Eguna ahantzi gabe.

Gehiago irakurri

Ipar Euskal Herriko artistak Bilboko Loraldia jaialdian

Ipar Euskal Herriko artistak Bilboko Loraldia jaialdian

Aurtengo "Loraldia" jaialdia martxoaren 12an hasi eta apirilaren 7an bukatuko da. Euskarazko kultura eskaintzaren erakusleihoa izan nahi duen festibal honetan, ipar Euskal Herriko artistek ere beren tokia badute.  Hala nola, Belatza taldea zuzenean ariko da eta "Hitzenea" erakusketa preziatzen ahalko da. Bestalde, erakusketaren bisita gidatu berezia proposatua izanen da Sustrai Colina bertsulariarekin. Euskal kultur erakundea partaide da.

Gehiago irakurri

"Euskal kulturaren eguna" Baionako Arteen Erdigunean

"Euskal kulturaren eguna" Baionako Arteen Erdigunean

Zazpigarren urtearentzat, Maurice Ravel kontserbatorioak eta Euskal kultur erakundeak "Euskal kulturaren eguna" antolatzen dute Herri Soinu elkartearen partaidetzarekin. Aurten, Mixel Ducau eta Juan Mari Beltran musikariak gomitatu dituzte. Hitzordua  martxoaren 23an finkatua da, 9:00etan Baionako Arteen Erdigunean. 

Gehiago irakurri

Bi Harriz Lau Xori 2019

Bi Harriz Lau Xori 2019

2019ko martxoaren 21etik 24ra, Biarritz Culture-k "Bi Harriz Lau Xori" festibalaren edizio berri bat antolatzen du Biarritzen. Euskal kulturaren aniztasuna ezagutarazi nahiz, hainbat ekitaldi proposatuak izanen dira. Euskal kultur erakundea partaide da.

Gehiago irakurri

Etiopikoak 2019

Etiopikoak 2019

2019ko martxoaren 20tik 23ra, Ezkandrai elkarteak "Etiopikoak" festibalaren 11. edizioa antolatuko du Baionan. Kontzertuak, dantza, eztabaidak, filmak... Kultura ekitaldi andana bat antolatuak izanen dira, hala nola Joseba Sarrionandia idazlea omenduko duen "Kalaportu" izeneko kontzertua. Euskal kultur erakundea partaide da. 

Gehiago irakurri

Hartzaro 2019

Hartzaro 2019

2019ko otsailaren 15etik martxoaren 5a arte, Herri Soinu elkarteak Hartzaro festibalaren 23. edizioa antolatuko du Uztaritzen. Hogei bat egunez, hainbat ekitaldi antolatuak izanen dira udaberriari ongi etorria emateko. Euskal kultur erakundea partaide da. 

Gehiago irakurri

Iñaki Salvador Sextet taldea Baionan

Iñaki Salvador Sextet taldea Baionan

2019/01/30

2019ko otsailaren 8an, 20:30etan, Iñaki Salvador Sextet taldea Baionako Antzokian izanen da Mikel Laboaren omenezko kontzertu berezi baten eskaintzeko. Tokiak oraidanik atxikitzen ahal dira. Euskal kultur erakundea partaide da.

Gehiago irakurri

Hiru Soinu taldea La Luna Negra aretoan

Hiru Soinu taldea La Luna Negra aretoan

2019/01/24

2019ko otsailaren 2an, 20:15etan, Senpereko Hiru Soinu taldeak "Kolorez bizi" disko berria Baiona La Luna Negra aretoan aurkeztuko du. Euskal kultur erakundearen partaidetzarekin.

Gehiago irakurri

Mozart eta bere gutunezko harremanak

Mozart eta bere gutunezko harremanak

2018ko azaroaren 18an Hazparnen eta abenduaren 9an Maulen, Mozart-en gutunezko harremanen inguruko bi musika eta literatura hitzordu proposatuak dira. Musika Iparraldeko Orkestraren esku izanen da. Euskarazko testuak aldiz, Txomin Heguy-k irakurriko ditu. Euskal kultur erakundea partaide da.

Gehiago irakurri

Mikel Laboaren omenez

Mikel Laboaren omenez

2018ko abenduaren 1ean, Euskal Herri guzian hainbat ekitaldi antolatuak dira Mikel Laboaren heriotzaren 10. urtemuga kari. Ipar Euskal Herrian ere, omenaldirik ez da faltako. Hala nola, Euskal kultur erakundearen partaidetzarekin, Musikas musika eskolak egun berezi bat antolatuko du Uztaritzen. Halaber, Baionako Euskal Museoan ere omenaldi bat antolatuko da egun berean. Horrez gain, Maialen Alfaro eta Philippe Albor herriz herri dabiltza "Izarren Hautsa" ikusgarria aurkezten.

Gehiago irakurri

Euskal Kultur Erakundea "948 Merkatua–Nafarroako arteen Merkatua"-ren bigarren edizioan

Euskal Kultur Erakundea "948 Merkatua–Nafarroako arteen Merkatua"-ren bigarren edizioan

Mugaz gaindiko kultura lankidetza sailaren kari, Euskal kultur erakundeak 2018ko azaroaren 21, 22 eta 23an Iruñan iraganen den 948 Merkatua-Nafarroako arteen Merkatuan parte hartuko du, hainbat proposamen artistikoren bidez. Horrez gain, hitzaldi bat eskainiko du Etxepare Institutuarekin batera Aquitaine.eus programaren aurkezteko. EKEk ekitaldi horretan parte hartzen du Aquitaine.eus programaren karietara eta Akitania Berria eskualdeko kultura agentzia bezala.

Gehiago irakurri

Elise Archambault eta Jean-Christian Irigoyen "Galtxetaburu" Kaperan A Kapela

Elise Archambault eta Jean-Christian Irigoyen "Galtxetaburu" Kaperan A Kapela

2018/10/03

2018ko urriaren 6an, larunbat arratsaldeko 7etan, Elise Archambault kantariak eta Jean-Christian Irigoyen "Galtxetaburu" musikariak emanaldi berezi bat eskainiko dute Hendaiako Abbadia Behatoki Jauregian. Kontzertu hau Hendaiako Hiriak, Euskal kultur erakundeak eta Hendaye Tourisme elkarteak antolatzen dute Kaperan A Kapela zikloaren barnean.

Gehiago irakurri

"Amerikanoen jaraunspena" eta "Mugi hitzen musika" erakusketak Hendaian

"Amerikanoen jaraunspena" eta "Mugi hitzen musika" erakusketak Hendaian

2018ko agorrilaren 8an irailaren 1.era, Euskal kultur erakundeak bi erakusketa aurkeztuko ditu Hendaiako Mendi Zolan gelan. Alde batetik, Kepa Etchandy-ren "Amerikanoen jaraunspena" argazki erakusketa eta bestetik, euskal kantuari buruzko "Mugi hitzen musikan" ukipen-pantailak. Sartzea urririk izanen da.

Gehiago irakurri

Kontzertu Atipikoak 2018ko Baionako bestetan

Kontzertu Atipikoak 2018ko Baionako bestetan

Bederatzigarren urtez, Baionako besten denboran, Euskal kultur erakundeak eta Baionako Herriko Etxeak kontzertu atipikoak antolatuko dituzte elkarrekin. Aurten, bi kontzertu izanen dira. Lehena uztailaren 27an iraganen da, San Izpirituko "Collègiale" elizan, Julen Achiary musikariaren inguruan. Bigarrena aldiz, uztailaren 28an ospatuko da, toki berean, Bilboko Jatorki emazte otxotearen emanaldiarekin.

Gehiago irakurri

Errobiko Festibala 2018

Errobiko Festibala 2018

2018/07/14

2018ko uztailaren 19tik 22ra, Ezkandrai elkarteak 23. Errobiko Festibala antolatuko du Itsasun. Populuen kantuak ardatz harturik, lau egunez, edizio berri honek Euskal Herriko eta kanpoko hainbat artisten emanaldiez gozatzeko parada eskainiko du. Euskal kultur erakundea partaide da.

Gehiago irakurri

Frédéric Sorhaitz partitura fondoa sarean

Frédéric Sorhaitz partitura fondoa sarean

2018/07/01

Frédéric Sorhaitz, Biarritzeko Itsasoa koruko zuzendaria, euskal kantuak eskuratzen, moldatzen eta egokitzen ari izana da. Partitura guzi horiek abesbatzen esku uzten ditu Euskal kultur erakundearen webgunean. Denborarekin aberastuko den funtsa.

Gehiago irakurri

Pauline & Juliette Baionako La Luna Negra aretoan

Pauline & Juliette Baionako La Luna Negra aretoan

2018/06/25

2018ko ekainaren 29 eta 30ean, Pauline & Juliette bikotea Baionako La Luna Negra aretoan arituko da 20:15etatik goiti. Bi gaualdi horietan, iaz Agorila disketxearekin atera duten "Hegaldaka" izeneko lehen diskoko kantuak aurkeztuko dituzte. Euskal kultur erakundea partaide da.

Gehiago irakurri

EHZ Nomada

EHZ Nomada

2018. urtea, transizio urte bat da Euskal Herria Zuzenean elkartearentzat. Elkartekideak proiektu berri bati buruzko gogoeta batean murgilduak direlarik, ekain bukaerako ohiko asteburuak formatu berezi bat hartuko du aurten, Lekorne utzi eta ipar Euskal Herriko xoko ezberdinetara jauzi eginez. Festibal ibiltari baten itxura hartuz, ekainaren 29tik uztailaren 1.a arte, hiru hitzordu proposatuak dira Baigorrin, Baionan eta Itsasun. Euskal kultur erakundea partaide da.

Gehiago irakurri

Jokoz Kanpo festibalaren 9. edizioa Ezpeletan

Jokoz Kanpo festibalaren 9. edizioa Ezpeletan

2018ko ekainaren 2an, 15:30etatik goiti, Pinpulka elkarteak "Jokoz Kanpo" festibalaren 9. edizioa antolatzen du Ezpeletan. Aurten ere, Euskal Herriko konpainiak toki berezia ukanen dute. Euskal kultur erakundea partaide da.

Gehiago irakurri

Harpidetu kultura agendari

Zure emaila:

Zure helbide elektronikoan atari honetako albisteak eta datozen gertakariak astero eskuratuko dituzu. Zure gustokoa ez bada edozein unetan harpidetza eten dezakezu, nehori azalpenik eman gabe.
Harpidetzaz gehiago jakin [+]