Hemen zaude: Hasiera Albisteak

Albisteak

Gaia: Zinema
Baigorriko Kulturaldia 2019

Baigorriko Kulturaldia 2019

Urte guziz bezala, Basaizea elkarteak Baigorriko kulturaldia antolatzen du apiril honetan ere. Tokiko elkarte dinamikan oinarrituz, kultur egitarau honek lehentasuna ematen die euskarazko edo euskal kulturarekin zerikusia duten ekimenei. Aurten antolatuak diren ekitaldien artean, besteak beste, "Haurra" izeneko zine-kontzertua eta Oier Araolazaren mintzaldi bat "Emazteak euskal dantzetan: gezur baten historia" gaiaren inguruan, 28an ospatuko den Nafarroaren Eguna ahantzi gabe.

Gehiago irakurri

Euskal zinemari buruzko gaualdi berezia

Euskal zinemari buruzko gaualdi berezia

2019/04/08

"Euskal zinema : zinemagileen hiru belaunaldi" liburuaren frantses bertsioaren argitalpena kari, Euskal kultur kultur erakundeak euskal zinemari buruzko gaualdi berezi bat proposatzen du 2019ko apirilaren 12an, Baionako Atalante zinegela berrian. Joxean Fernandez Euskal Filmategiaren zuzendariak eta Santos Zunzunegui Euskal Herriko Unibertsitateko erakaslea, historialaria, zine kritikoa eta hainbat zine aldizkarien kolaboratzaileak, euskal zinearen nondik norakoak aipatuko dituzte. Gaualdiak Paul Urkijoren "Errementari" filmaren proiekzioarekin segituko du, hau Iparraldeko emanaldi bakarra izanen delarik. Ondotik, topaketa bat izanen da  Paul Urquijorekin.

Gehiago irakurri

"Cinéma basque : trois générations de cinéastes" liburua salgai

"Cinéma basque : trois générations de cinéastes" liburua salgai

2019/03/22

Zinemagileen hiru belaunaldiren ibilbideak segituz, idazlan honek euskal zinemaren inguruko hausnarketa bat eskaintzen du. Oinarrizko testu hau lehen aldiz salgai da Iparraldeko liburu-dendetan.

Gehiago irakurri

"Oreina" filmaren banaketa ipar Euskal Herrian

"Oreina" filmaren banaketa ipar Euskal Herrian

Euskal kultur erakundeak gure lurraldeko zinemaren banaketa sustengatzen segitzen du. Oraingoan, Gabarra Films-en banaketari esker, Koldo Almandozen "Oreina" filma da 2019ko urtarrilaren 23tik goiti ipar Euskal Herriko hainbat zinema gelatan ikusteko parada izanen duguna. Bestalde, egilearekin mintzatzeko parada eskainiko duten hainbat gaualdi berezi proposatuak izanen dira eta Gabarra Films-ek Euskal Herritik kanpoko zinegela eta festibala desberdinetan ere hainbat emanaldi aurreikusiak ditu.

Gehiago irakurri

ZINESKOLA, Irudi heziketa dispositiboa martxan!

ZINESKOLA, Irudi heziketa dispositiboa martxan!

Zineskola dispositiboaren helburu nagusia da euskarazko animazio filma interesgarriak proposatzea euskara irakasleei eta beren lehen mailako ikasleei. Hortarako laguntza pedagogiko egoki bat proposatua zaie erakasleei. Ekimen honekin euskara eskolatik kanpo erabiltzeko parada eman nahi da ere. Euskal kultur erakundeak eramaten du egitasmoa Gabarra Films (operadore teknikoa), Ikas Pedagogia zentroa, Cinévasion (Iparraldeko zinegela taldeen elkartea) eta Uda Leku (aisialdi sektorean berezitua den elkartea) partaideen laguntzarekin.

Gehiago irakurri

Zinegin 2018

Zinegin 2018

Zinegin festibalaren 7. edizioa 2018ko azaroaren 22tik 25ra iraganen da. Aurtengoa, edizio berezia izanen da, Hazparnen ez ezik, Donapaleun eta Urruñan iraganen baita. Usaian bezala, euskarazko hainbat film ikusteko parada izan da. Euskal kultur erakundea partaide da.

Gehiago irakurri

Euskal Kultur Erakundea "948 Merkatua–Nafarroako arteen Merkatua"-ren bigarren edizioan

Euskal Kultur Erakundea "948 Merkatua–Nafarroako arteen Merkatua"-ren bigarren edizioan

Mugaz gaindiko kultura lankidetza sailaren kari, Euskal kultur erakundeak 2018ko azaroaren 21, 22 eta 23an Iruñan iraganen den 948 Merkatua-Nafarroako arteen Merkatuan parte hartuko du, hainbat proposamen artistikoren bidez. Horrez gain, hitzaldi bat eskainiko du Etxepare Institutuarekin batera Aquitaine.eus programaren aurkezteko. EKEk ekitaldi horretan parte hartzen du Aquitaine.eus programaren karietara eta Akitania Berria eskualdeko kultura agentzia bezala.

Gehiago irakurri

ITO filmarentzat pertsonaiak eta figuranteak xerkatzen dituzte

ITO filmarentzat pertsonaiak eta figuranteak xerkatzen dituzte

2018/03/24

Kanaldude eta Prima Luce-k antolatu bideo tailer baten karietara, gazte talde bat bildu da "Hiru Uhinak" itsas kondairan oinarrituz, ITO izeneko euskarazko film labur baten egiteko. Lau pertsonaia nagusi eta hamar bat figurante xerkatzen dituzte hortarako. Hautagaitzen igortzeko azken epea martxoaren 29an finkatua da eta aktoreen hautaketa martxoaren 31n eginen dute.

Gehiago irakurri

Gaualdi berezia "Rencontres sur les Docks" festibalaren karietara

Gaualdi berezia "Rencontres sur les Docks" festibalaren karietara

2018/03/06

2018ko martxoaren 8an, gaualdi berezi bat antolatua izanen da "Rencontres sur les Docks" festibalaren karietara. Alde batetik, Elsa Oliarj-Ines-en Basahaideak filma ikusteko parada izanen da, eta bestetik, Oihaneko zühainetan kontzertuaz gozatzen ahalko da. Euskal kultur erakundea partaide da.

Gehiago irakurri

"Handia" filma Ipar Euskal Herriko eta Frantziako zinema-geletan 2018ko urtarrilaren 24tik goiti

"Handia" filma Ipar Euskal Herriko eta Frantziako zinema-geletan 2018ko urtarrilaren 24tik goiti

2018ko urtarrilaren 24tik goiti, "Handia" filma ipar Euskal Herriko eta Frantziako zinema aretoan ikusteko parada izanen da. Baionako Atalante zinegelak Euskal kultur erakundearen partaidetzarekin sortu Gabarra Films egitura arduratuko da banaketaz. Aurrestreinaldi bira bat antolatua da ere.

Gehiago irakurri

Zinegin 2017

Zinegin 2017

2017/11/13

2017ko azaroaren 16tik 19ra, Zinegin festibalaren 6. edizioa iraganen da Hazparnen. Dokumentalak, animazioak, fikzioak... Lau egunez, euskarazko hainbat film ikusteko parada izan da. Euskal kultur erakundea partaide da.

Gehiago irakurri

Laburmetraia tailerra

Laburmetraia tailerra

2017/08/16

2017-2018ko ikasturtean zehar, Aldudarrak Bideo eta Prima Luce ekoizpen etxeek filma tailerrak antolatuko dituzte, Hiru Uhinak kondairan oinarrituz, labur-metraia kolektibo baten egiteko helburuarekin. Tailerrak urririk eta profesionalek animaturik izanen dira. Taldea osatzeko eta ezagutzeko hitzordua urriaren 26an finkatua da, Bidarraiko Kanaldude-ren egoitzan.

Gehiago irakurri

Müsikaren Egüna 2017

Müsikaren Egüna 2017

2017ko ekainaren 2, 3 eta 4an, Bil Xokoa elkarteak Müsikaren Egünaren edizio berri bat antolatzen du Urdiñarben. Zinema, dantza, musika... Denetarik izanen da euskal kultura eta munduko beste herrien kulturak elgarretaratu nahi dituen festibal honetan. Euskal kultur erakundea partaide da.

Gehiago irakurri

"Zineskola" dispositiboa : ikasleak euskarazko zinemara

"Zineskola" dispositiboa : ikasleak euskarazko zinemara

 2017ko maiatzaren 2tik 21a arte, Ipar Euskal Herriko 50 eskoleko 3000 haurrek izena emana dute, "Zineskola" dispositiboaren karietara Udalekuk eta Euskal kultur erakundeak antolatu zine emanaldietara joateko. Bi filma ikusgai izanen dira hamar zine gelatan : Benjamin Renner eta Vincent Patar-en «Ernest eta Célestine» (3-7 urte) eta Alain Gagnol eta Jean-Loup Felicioli-ren «Phantom Boy» (8-12 urte).

Gehiago irakurri

"Chez les Basques #2" gaualdia

"Chez les Basques #2" gaualdia

2017/03/20

2017ko martxoaren 24an, "Chez les Basques #2" izeneko gaualdia iraganen da Baionako l'Atalante zinegelan. 2015ean ipar Euskal Herriko herri desberdinetan antolatu Euskal Herriari buruzko dokumental zikloaren haritik, Euskal Herriko Unibertsitateko ikertzaile batzuek berriki aurkitu hiru film berri aukeztuak izanen dira bertan. Euskal kultur erakundea partaide da. 

Gehiago irakurri

"Chez les Basques" zikloko filmak Donostiako Tabakaleran

"Chez les Basques" zikloko filmak Donostiako Tabakaleran

2017/03/12

Martxo honetan, Euskal kultur erakundearekin elkarlanean, Euskal Filmategiak begirada Ipar Euskal Herrira zuzenduko du. Alabaina,  Punto de Vista festibalarekin eraikitako Chez les Basques zikloan 2015ean erakutsiak izan ziren film gehienak Donostiako Tabakalerako pantailara iritsiko dira. Proiekzioak martxoaren 9, 16, 23 eta 30ean iraganen dira arratseko 7etan.

Gehiago irakurri

Euskal zinea "Rencontres sur les Docks" festibalean

Euskal zinea "Rencontres sur les Docks" festibalean

2017/03/03

Euskal zineak toki berezia ukanen du 2017ko martxoaren 8tik 11ra Baionako Atalante zinegelan ospatuko den Rencontres sur les Docks festibalaren 13. edizioan. Bi gaualdi izanen dira : martxoaren 9an Sagardoa bidegile filmaz eta "Sîpo Phantasma" zine-kontzertuaz gozatzen ahalko da. Martxoaren 10ean aldiz, hainbat euskal laburmetraia ikusteko parada izanen da. Euskal kultur erakundea partaide da.

Gehiago irakurri

Zinegin 2016

Zinegin 2016

2016/11/14

2016ko azaroaren 17tik 20ra, Zinegin festibalaren edizio berri bat iraganen da Hazparnen. Fikzioak, dokumentalak, laburrak ala luzeak... Lau egunez, euskarazko hainbat film ikusteko parada izan da. Euskal kultur erakundea partaide da.

Gehiago irakurri

Euskal zinea ohoretan Baionako Atalante gelan

Euskal zinea ohoretan Baionako Atalante gelan

2016/11/12

2016ko azaroaren 18an, euskal zinearen inguruko gaualdi bat iraganen da Baionako Atalante zinegelan. Amama film arrakastatsua ikusteko parada berri bat izanen da eta horrez gain, Kalebegiak filma lehen aldiz erakutsia izanen da Lapurdin. Bi proiekzioen artean, Amama filmaren soinu-bandaren egilea den Mursegok kontzertu bat eskainiko du gainera. Bestalde, Amama filmaren inguruko Erroak, enborra, adarrak erakusketa ere estreinatua izanen da. Euskal kultur erakundea partaide da.

Gehiago irakurri

Zineuskadi eta EKE-ren arteko hitzarmena euskal zinearen banaketaren sustatzeko

Zineuskadi eta EKE-ren arteko hitzarmena euskal zinearen banaketaren sustatzeko

2016/09/17

Euskal kultur erakundeak Zineuskadi elkarteari euskal zinearen aldeko egitasmo garapen bat aurkeztu dio uda hasieran. Partaidetza-hitzarmen bat gauzatu da bi egituren artean euskal zinearen hedapena Frantzian eta Iparraldean sustatzeko. 

Gehiago irakurri

Harpidetu kultura agendari

Zure emaila:

Zure helbide elektronikoan atari honetako albisteak eta datozen gertakariak astero eskuratuko dituzu. Zure gustokoa ez bada edozein unetan harpidetza eten dezakezu, nehori azalpenik eman gabe.
Harpidetzaz gehiago jakin [+]