Hemen zaude: Hasiera Albisteak "Nundik nora ?", Xiberoko dantzak ohoretan

"Nundik nora ?", Xiberoko dantzak ohoretan

2015/09/21

2015eko irailaren 27an, igande arratsaldeko 17:00etan, Maritzuli konpainiak Nundik nora ? ikusgarria aurkeztuko du Biarritzeko Colisée aretoan. Euskal kultur erakundeak eta Iparraldeko dantza Federazioak proposatu ikusgarri hau, Soka erakusketaren oihartzun gisa antolatua da. 

Maritzuli konpainiaren baitan Xiberoko dantzetaz egin ikasketa lan luzearen ondorioz, Jon Iruretagoyena dantzariak ulertu du dantza forma eta genero horren iturrietara joanez, interpretazioa bera aldatuko zuela. Ikusminez eta pasioz beterik, Jonek bide egin du, euskal kulturaren dantza-sortak diren Xiberoko dantzak eta maskaradak bereganatzeko.

Ikusgarria Biarritzeko Maritzuli Konpainiako hamar bat dantzari burutsuk eskainiko dute, Jon eta Claude Iruretagoyena koreografoek adore handiz taula zuzendaritza egin dutelarik.

Sartzea : 10 euro – IDB-ko kideentzat : 8 euro

Xehetasunak

Maritzuli: Nundik Nora. Hendaia, 2014-06-20. Argazkia: Iñaki Zugasti / dantzan.com CC-BY-SA