Gure aktualitatea
EKE-ko aktibitateen berri ematen duten berriak.
Ikusgarri biziduna, Hogei’ta programaren bigarren deialdi artistikoaren alorra
2011n arte bisualen alorrean “Hogei’ta” labelaren kari eraman ekimen arrakastatsuari segida bat emanez, Euskal kultur erakundeak egitasmo artistikoetarako deialdi bat abian ezartzen du datorren urteko, antzerkiaren, dantzaren eta zirkoaren alorretan. Baiona Akitania Hegoaldeko Eszena nazionalarekin elkartuz karia hortara. Hautagaitzen epea 2012ko martxoaren 20rako finkatua da. Egitasmoen hautaketak aldiz 2012ko apirilean iragan behar luke.
“Hogei’ta” deialdiko irabazleen sormen lanak Baionan ikusgai
2012ko urtarrilaren 15era arte bisualen alorrean Euskal kultur erakundeak abiatu “Hogei’ta” proiektu deialdi kari hautatuak izan ziren bi artista gazteen sorkuntzak ikusgai egonen dira Baionan. Bertrand Dezoteux-ek 3Da eta errealitatea nahasten dituen “Txerri” bideoa ezagutzeko parada izango da “Le Carré” aretoan eta Nader Koochaki Etxeberria-k irudiz eta bideoz osatu “Scènes” instalazioa aldiz Euskal Museoan aurkeztuko da. Irabazle bakoitzak 5000 euroko dirulaguntza bat eskuratu du EKE-ren ganik bere proiektuaren gauzatzeko, bai eta ere laguntza teknikoa sorkuntza prozesuaren urrats guzietan.
Bertsu-eskolen sormen lana entzungai
Bertsu-eskoletan 2010-2011 ikasturtean egindako lana bistaratzeko eta haurrek kantu bat sortzen gozatzeko, bertso-eskolek disko bat osatu dute. Bertsu-eskoletako kide guziei banatuko zaie.
Euskal idazle egonaldia
Euskal Idazleen Elkarteak, Euskal Itsasbazterreko Ingurumen Aldeko Ekimen Zentro Iraunkorrak eta Euskal Kultur Erakundeak beren baliabideak bateratu dituzte euskal idazle gazte batek literatura egonaldi bat egin dezan Abbadia eremuan.
Logo soinudun bat
Moï Moï artista kolektiboko Manu Matthys musikariak sortu du “Hogei’ta” programaren logo soinuduna. Irratietan bereziki hedatua izanen dena.
Hogei’ta deialdia: korapiloak deseginez
Bertrand Dezoteux eta Nader Koochaki irabazle atera dira, azken finean, Hogeita arte bisualak proiektu deialdian eta beren sorkuntzak 2011ko abendu hastapenean aurkeztuko dituzte Baionan. Orenak eta orenak eztabaidan, hautaketan, kritiketan iragan ondoan, epaimahaikideek beren lekukotasuna luzatu digute hemen, bizi izan duten esperientzia berezi hori kontatzeko. Iritzi anitzen artetik, puntu bakarrak elkartzen ditu : gazteria hor dago, goseak, sortzailea, berritzailea.
“Hogei’ta” kronikak
EKE-rekin partaidetzan France Bleu Pays Basque irratiak gazte batzuen lekukotasunak hedatzen ditu egunero, gizartean eta kultura arloan bereziki daramaten lana ezagutaraziz.
GazteArtea erakusketa
Zaloa Ipiñak irabazi du 2011ko Itzal Aktiboa saria. Bere lanak eta beste lau finalista gazteen obrak erakusgai dira Donibane Garazin azaroaren 1a arte.
Kliklap bideo lehiaketa
Aldudarrak bideok antolatu lehiaketaren bigarren edizioak gazteak bultzatu ditu euskal gaien galdezkatzera, bideoak eginez.
Euskal kulturaren transmisioaz eskolan
Arteen Historia, Garapen Iraunkorra, Euskal Herria irakatsi… Berriki, irakasgai eta dispositibo berri batzu sartu dira ikastetxeetako egitarauetan. Euskal kultura ere saiatzen da ipar Euskal Herriko ikastetxe eta kolegioetan sartzen. Estelle Carricondo, Geografia-Lurralde Antolaketa ikasleak bere proposamenak egiten dizkigu, Euskal kultur erakundean egin lau hilabeteko ikastaldiaren ondotik.
Euskal kultura eta ondarea arte bisualen ikuspegitik
Bertrand Dezoteux eta Nader Koochaki artista gazteen bi proiektuak dira hautatuak izan Euskal kultur erakundeak antolatu “Hogei’ta” deialdia kari (2011ko otsailaren 15etik apirilaren 30era). Epaimahaiak 31 proposamen artistiko aztertu ditu bere erabakia hartzeko. Irabazle bakoitzak bere ibilbidea eta egitasmoa azaltzen ditu elkarrizketa batean…
Itzal Aktiboa Saria 2011
Itzal Aktiboa elkarteak, Hogei’ta programarekin bat eginez, Gazte Sorkuntza Garaikidearen sari bat eskaintzen du.
Kultur agenda eskura
Euskal kultura eskaintzaren zabaltzeko xedearekin, EKE-k telefono mugikorrendako egokitu kultur agenda bat jarri du sarean.
Soinu paisaiak entzuteko eta ikusteko
Biarritzeko eta Donostiako 18 gaztetxok egindako lanen emaitza biltzen duen “Soinu paisaiak” erakusketaren edukiak sarean daude.
Abbadiako gazteluko sekretua asmatuko duen idazlea
« Hogei’ta » programaren barnean, 2011ko urrian, Hendaiako Abbadiako eremuan literatura egonaldi bat eginen duen euskal idazlea hautatua izan da. Fernando Morillo azpeitiarrak Antton Abbadiaren gaztelua eta ingurumena bertze molde batez biziaraziko ditu karia hortara, gazteei zuzendutako fikziozko idazlan baten bidez. Ikastetxe batzuetako ikasleekin ere bilduko da Abbadian egonen den bitartean.
Irudimena, irudiz eta testuz
“Irudimena” testu eta irudi sormen lehiaketa kari 74 egilek ekoiztutako 119 obrak eskuratu dituzte EKE-k eta Azkue Fundazioak.
Euskal kultura, gazte kultura
Euskal kultur erakundeak hasiera ofiziala eman dio otsail honetan bere urte anitzetako “Hogei’ta” programa berriari. Datozen hiru urteetan, gazteek eraman egitasmo artistiko berritzaileak gehiago lagundu nahi ditu ekintza labela horren bitartez. Ahantzi gabe, haurrei begira, euskal kultur nortasuna osatzen duten osagaien transmisioa.
Irudimena, irudiz eta hitzez jantzia
"Irudimena" literatur eta grafismo sorkuntza lehiaketa bat da. Euskal kulturarekin zerikusia duten argazki batzuetatik abiatuz, internauta gazteen sareko ekarpena sustatuko da. Testu bat (deskribapen bat, narrazio bat, olerki bat…) idatzi edo irudia berrasmatu (irudia landu, margotu, itsatsi…) beharko dute. Xedea, euskaldun eta erdaldun gazteak euskal kulturari interesatzea da. Halaber, helburua da kultura hori hitzaren eta irudiaren bitartez interpreta dezaten.
Paisaia soinudunak
"Paisaia soinudunak" mugaz gaineko tailer bat da, gazteei zuzendua, irudiak eta/edo soinuak gustukoak dituztenentzat.
Idazle gazteei hitza
Apirilaren 2an iraganen den euskarazko diktaketaren 6. edizioko testuen idazleak Baionako Etxepare lizeoko ikasleak dira.
Harpidetu Euskal kultur erakundearen emailezko berripaperari: gure aktualitatea, deialdiak, formakuntza proposamenak, esteka interesgarriak...hilabetean behin zure e-postan.
