Hemen zaude: Hasiera Kultur eragileak Kultur eragileentzako baliabideak eta estekak

Kultur eragileentzako baliabideak eta estekak

Kulturgintzako eragileek eta profesionalek balia ditzaketen zonbait informazio iturri.

Esteka errepertorio tematikoak

Euskal kultur erakundeak baliatzen dituen zonbait erreferentzia kultura arloko profesionalei zuzendutako informazio zaintza egiteko orduan (sektoreko prentsa kondutan hartu gabe).

GaiaArloak
Ikusgarrigintza Antzerkia, dantza, karrikako arteak
Estekak ikus
Musika Kantua eta musika
Estekak ikus
Bertsularitza Bertsularitza munduko baliabideak
Estekak ikus
Arte bisualak Margolaritza, zizelkaritza, argazkilaritza, ikus-entzunezkoa, numerikoa
Estekak ikus
Liburua - Irakurketa Literatura, irakurketa publikoa
Estekak ikus
Ondarea Ondare materiala eta inmateriala
Estekak ikus

Informazio zaintza

Webgune desberdinetan hautatu ditugun albisteen aipamenak.
Oharra: esteka guziak Euskal kultur erakundeak www.diigo.com gordegian daukan konduan artxibatuak dira.

Lanbideak eta formakuntza
Zineleku 2018: izena eman

ZINELEKU ikus-entzunezkoen formakuntza, ekoizpena eta emanaldiak ardatz dituen programa da. Euskadi, Nafarroa eta Iparraldeko 18 – 30 urte bitarteko gazteei zuzentzen zaie eta ikus-entzunezkoen sortzaile berriei diziplinarteko formakuntza eskaintzea du helburu, ikuspuntu komunitario batetik abiatuta, betiere. Izena 2018ko ekainaren 8a arte eman daiteke.

Tags:

"Zenbat gara? Nondik jo?" Euskal kultur kontsumoari buruzko jardunaldia

Euskal kulturaren kontsumoaz Siadecok eta Elkarrek osatutako ikerketa aztertuko du Jakinek maiatzaren 22an, Martin Ugalde kultur parkean, Andoainen. Joxean Muñoz, Arantxa Iturbe, Olatz Osa, Gorka Arrese eta Josu Amezaga adituek parte hartuko dute.

Tags:

TAULA, ikusgarrigintza alorreko Ipar Euskal Herriko konpainien federazioa sortu da

Federazioaren baitan bilduak diren konpainien helburua da egitasmoak eta informazioak trukatzea, besteak beste. Lurraldeko kultura politikan eragile izan nahi du ere.

Tags:

Gehiago…
Deialdiak eta finantzaketa baliabideak, hedapena
Egonaldi artistikoak Wroclawen: deialdia zabalik

Beste urtebetez, zabalik da Poloniako Wroclaw hirian egonaldi artistikoak burutzeko euskal artistei zuzendutako deialdia. Etxepare Euskal Institutua eta Wrocław Culture Zone (Strefa Kultury Wrocław) erakundeen arteko lankidetzari esker, bi artistak zortzi asteko egonaldia egiteko aukera izango dute, hiriaren kultura eta nortasun garaikidean oinarritutako proiektua garatzeko. Diziplina anitzeko egitasmoak aurkeztu daitezke uztailaren 10era arte zabalik egongo den deialdi honetara. Hautatutako artistak irailaren 24tik azaroaren 18ra egingo dute egonaldia Wroclawen.

Tags:

Boiseko Jaialdi 2020ak epea zabaldu du bertara joan nahi duten EHko artisten partaidetza bideratzeko

Uztailaren 28tik abuztuaren 2ra izango da 2020ean Boisen Jaialdi nazioarteko euskal festa erraldoia. Euskal Herritik kanpoko munduko euskal festarik handienaren fama du eta bere azkeneko edizioan, 35.000 bat jende inguratu zela iragarri zuten antolatzaileek.

Tags:

"Aterpean" dantza-egonaldian egonen diren hautagaiak

Proyecto Larrua (Gasteiz) “AKULLU” eta Javier Guerrero (Bartzelona) “(B) ASO” hautatu dira 2018ko ATERPEAN dantza-egonaldirako deialdiaren karietara. ATERPEAN mugaren bi aldeetako hiri-paisaietako Dantza Hirian dantza-jaialdiak sortutako artista egoiliarren programa bat da. Gaur egungo dantza-ikuskizunak sortu, ikertu eta hiri-eremuetan ezagutzera ematea du helburu, baita publikoari sorkuntza-prozesua ezagutaraztea ere. Egonaldiak mugaren bi aldeetan garatuko dira: Biarritzeko Malandain koreografia-zentroko Gare de Midi aretoan eta Dantzagunean (Errenteria). Denbora-tarte horretan zehar, konpainiek harreman zuzena izango dute Eurohiriko herritarrekin, bere esperientziak publikoarekin partekatu eta horiei dantzaldien sorkuntza-prozesua ezagutarazteko helburuarekin, zenbait jarduera antolatuz. Irailean,  “AKULLU” eta “(B)ASOA” aurkeztuko dira, hurrengo Dantza Hirian jaialdian.

Tags:

Gehiago…
Kudeaketa, fiskalitatea eta eskubideak
Mezenasgoa eta elkarteak: Opale elkartearen gida

Kulturaren eta arteen alorretan egitasmoak kudeatzen dituzten elkarteak argitu nahi ditu Opale elkarteak argitaratu gidak. Horrelako proiektuak diruztatzen ahal dituzten fundazioak aurkeztuz batez ere, baina ere aholkuak emanez diru-laguntza eskaerak helarazi behar diren unean.

Tags:

Elkarteak eta enplegu lagundua

France Active sareak argitaratutako gida honek enplegu lagunduaren hautua egin duten elkarte ttiki eta ertainen gogoeten lagungarri izan nahi luke. Postuen iraunkortzeko ildoak kondutan hartzen ditu, besteak beste.

Tags:

Egile eskubideen inguruko gida praktikoa aro numerikoan

2015eko uztailean Frantziako APIE agentziak argitaratutako gidak zonbait baliabide eta erantzun juridiko preziagarri eskaintzen ditu eduki numerikoak kudeatzen dituzten administrazio baita elkarteentzat. Egile eta irudi eskubideak jorratuak dira dokumentuan interneteko erabilpenei begira batez ere. Dohainik eskura daiteke gida.

Tags:

Gehiago…
Kultura politikak
L'Atalante zinegela saritua Deauvillen

Baionako L’Atalante zinegelak Sala berritzailearen saria eskuratu du Deauvillen, 2016ko irailaren 28an, euskal zinearen banaketaren inguruan daraman lanarentzat.

Tags:

"Eskualde handia": aukera berriak kultura munduko eragileentzako?

2016ko urtarrilaren 1ean Akitania, Limousin eta Poitou-Charentes eskualdeen batuketatik sortuko da Eskualde handia. Zernolako bide berriak irek ditzake kultur eragileentzako? Poitou-Charentes-eko kultur agentziak gai horren inguruko txosten bat plazaratu du.

Tags:

Frantziako festibalen mapa 2014an

Frantziar estatuan 2014an iragan diren festibalen kartografia bat CNV, IRMA eta SACEM erakundeek egina eta "Printemps de Bourges 2015" festibalaren karietara aurkeztu zena.

Tags:

Gehiago…
Jakintza
Jean Haritschelhar katedraren 2018ko edizioa

2018ko maiatzaren 14 eta 15ean eginen dira Jean Haritschelar katedrako 2018. urteko jardunaldiak. Katedra hau, Etxepare Institutuaren eta Bordeaux-Montaigne Unibertsitatearen arteko hitzarmen baten emaitza da, eta Jean Haritschelharren ikerketa eremu izan ziren euskal ikasketen sustatzea du helburu, Haritschelharren beraren izpiritu izan ziren nazioarteko eta mugaz gaindiko harremanak bereziki zainduz. Katedraren 2018ko edizioa hizkuntzen arteko kontaktuaren, eleaniztasunaren eta kreolizazioaren tematiken inguruan harilkatuko da. Gomita Enoch Aboh irakaslea izanen da (Amsterdamgo Unibertsitatea), Chicagoko Unibertsitateko Salikoko Mufwene irakaslearen partehartzearekin.

Tags:

Azaldu eta ulertu (2006-2017), Kulturaren Euskal Behatokiak hamarkada bat

Kulturaren Euskal Behatokiak (OVC-KEB) hamar urte bete ditu. Urtemugak balantzeak egiteko eta etorkizuneko erronka berriak proposatzeko une egokiak izaten dira. Kulturaren Euskal Planaren (PVC-KEP) barruan sortu zen Behatokia, euskal kultura-sistema egituratzeko elementua izateko asmoz, betiere kultura-arloan zegoen informaziorik eta ezagutzarik ezari erantzutearren. Ibilbide horren bilduma sarean da.

Tags:

Baliabide numerikoak eta Arte eta Kultura Heziketa: zonbait gogoeta

2018ko martxoaren 1ean Bordelen iragan den baliabide numerikoen & Arte eta Kultura Heziketaren inguruko jardunaldien bilduma.

Tags:

Gehiago…