Hemen zaude: Hasiera Euskal kultura Euskara, gure hizkuntza Webografia

Webografia

Euskararen inguruan zerrendatu ditugun azken estekak.
Euskara
Euskal kulturak dauzkan irismen arazoak berretsi ditu Soziometroak | 2018-05-16, Kultura - Berria.eus

Arabako, Bizkaiko eta Gipuzkoako biztanleen kultur ohiturak aztertu ditu Eusko Jaurlaritzaren 66. Soziometroak, eta euskaldunek euskal kulturarekin duten harremana erakusten dute datuek.

Tags:

Jean Haritschelhar katedraren 2018ko edizioa

2018ko maiatzaren 14 eta 15ean eginen dira Jean Haritschelar katedrako 2018. urteko jardunaldiak. Katedra hau, Etxepare Institutuaren eta Bordeaux-Montaigne Unibertsitatearen arteko hitzarmen baten emaitza da, eta Jean Haritschelharren ikerketa eremu izan ziren euskal ikasketen sustatzea du helburu, Haritschelharren beraren izpiritu izan ziren nazioarteko eta mugaz gaindiko harremanak bereziki zainduz. Katedraren 2018ko edizioa hizkuntzen arteko kontaktuaren, eleaniztasunaren eta kreolizazioaren tematiken inguruan harilkatuko da. Gomita Enoch Aboh irakaslea izanen da (Amsterdamgo Unibertsitatea), Chicagoko Unibertsitateko Salikoko Mufwene irakaslearen partehartzearekin.

Tags:

Euskararen erakunde publikoa: 2018an Iparraldeko eragileen laguntzeko dispositiboaren irekitzea

2018ko apirilaren 24ko Biltzar Nagusiak, Iparraldeko eragile pribatuen diruz laguntzeko 2018ko dispositiboa ireki du. Dispositibo hori Euskararen Erakunde Publikoak eta Eusko Jaurlaritzako Hezkuntza, Hizkuntza Politika eta Kultura sailburutzak elkarlanean antolatzen dute. Diru laguntza eskabide txostenak 2018ko maiatzaren 16arako helarazi behar dira.

Tags:

Euskararen Batasunari Ipar Euskal Herritik egindako ekarpena aztertuko du Euskaltzaindia

Bere Mendeurreneko lehen kongresuaren gaia izanen da hain xuxen eta Baionan iraganen da 2018ko irailean.

Tags:

Bai Euskarari Elkarteak 2 langile xerkatzen ditu Ipar Euskal Herrirako

Bai Euskarari Ziurtagiria duten Ipar Euskal Herriko eragileen ebaluazioa egiteko. Curriculumak eta erreferentziak apirilaren 26a baino lehen bidali beharko dira.

Tags:

Euskara eta euskal kultura irakasteko sei irakurle hautatzeko deialdia zabalik | 2018-04-05, Etxepare institutua

Europako zazpi unibertsitatetan Euskara eta Euskal Kultura irakasteko sei irakurle berri hautatzeko prozesua martxan jarri du Etxepare Euskal Institutuak. Eskaerak aurkezteko epea maiatzaren 5ean bukatuko da (barne), eta eskabideak Etxepare Euskal Institutuaren egoitzan edo Eusko Jaurlaritzako ZUZENEAN bulegoetan aurkeztu daitezke. Eskaerak posta zerbitzu bidez Etxepare Institutura bidaltzeko aukera ere badago.

Tags:

"Sarako euskara", Koldo Zuazo-ren liburua

Erabat ezezaguna genuen Lapurdiko mendebaleko euskara eta eremu horretako herri bat hartu du Koldo Zuazok aztergai: Sara. Esangura bereziko herria euskararen historian. 1617an Sarako euskaran idatzi zuen Esteva Materrak Doctrina Christiana liburua, eta harekin hasi zen Lapurdiko literaturaren gorakada. 1643an agertu zen Gero, Sarako erretore zen Axularrek idatzia. Liburu horiei esker, ospea eta izen ona lortu zuen Sarako euskarak.

Tags:

Esteve Materraren 1617ko liburuaren edizio kritikoa argitaratu dute UPV/EHUk eta Euskaltzaindiak | 2018-03-28, Euskaltzaindia

Ikerketa-lanak erakutsi du uste izan dena baino garrantzitsuagoa izan zela Materra, bai euskal literaturaren esparruan, bai hortik kanpo ere. 'Doctrina Christiana'ren lehen edizioak orain dela lau mende ikusi zuen argia, Bordelen.

Tags:

Euskaltzaindiaren Mendeurrena| 2018-03-23, Euskaltzaindia

Euskararekin, euskal kulturarekin eta euskal gizarte osoarekin duen konpromisoa berriztatzeko baliatu nahi du Mendeurrena Euskaltzaindiak.

Tags:

Oskar Alegriaren bilaketa lan berria: Tximeleta, pitxilota... | 2018-01-28, El Diario Vasco

Oskar Alegria beste bilaketa batean ari da eta hitz gakoa 'tximeleta' da. Laburbilduz, herririk herri eta etxerik etxe ibili da Alegria, intsektu honi nola deitu izan zion jaso nahian. Intsektu hegalari hori izendatzeko 41 izen aurkitu ditu bizirik Oskar Alegriak. Louis Lucien Bonapartek, berriz, 117 izen bildu zituen

Tags:

Hiazinto Fernandorena, Marie Jeanne Minaberry, Piarres Charritton eta Luis Mari Mujika omenduko ditu Euskaltzaindiak ostiraleko Ageriko bilkuran| 2018-01-26, Euskaltzaindia

Euren omenezko hilberri-txostenak irakurriko dira Gipuzkoako Foru Aldundian (Iargi Aretoan).

Tags:

Espainiako eta Frantziako Itzulietako antolatzaile eta sustatzaileei euskarari dagokion tokia emateko eskatu die Euskaltzaindiak

Gutunak bidali dizkie, besteak beste, Jean-René Etchegaray Euskal Elkargoko presidenteari, Beñat Arrabit Euskararen Erakunde Publikoko presidenteari eta Frantziako Tour-eko zuzendari nagusiari.

Tags:

Xarles Bidegain «Euskal Herritik kanpo abertzaletu nintzen, gazte anitz bezala» - Berria

"Euskararen Herri Hizkeren Atlasa du Bidegainek «altxor» preziatuena; orain 33 urte inguru hasi zen horretan, hastapen eta traba «zailak» tarteko. Irakasle ere izan da, formakuntza «ona» erronka zuela."

Tags:

«Euskal Herritik kanpo abertzaletu nintzen, gazte anitz bezala» | 2018-01-08, Iparraldeko Hitza

Euskararen Herri Hizkeren Atlasa du Bidegainek «altxor» preziatuena; orain 33 urte inguru hasi zen horretan, hastapen eta traba «zailak» tarteko. Irakasle ere izan da, formakuntza «ona» erronka zuela.

Tags:

"hEskuara Amikuzen", hizkuntzaren galera eta bizi nahiaz dokumentala zabaldu dute

Donapaleuko Zabalik elkarteak "hEskuara Amikuzen" dokumentalean bildu du Nafarroa Behereko eskualde honetan hizkuntzak bi belaunalditan nozitu duen hondamendia eta azken urteotan berriro indar berritzeko herritarrak egiten ari diren ahalegina. Euskal kultur erakundea partaide izan da Eleketa bere ahozko bilketa programa baitan bildu dituen lekukotasun zatiak eskainiz.

Tags:

Euskalkiak.eus

Gaur egungo euskalkien erakus-leihoa.

Tags:

Beristain "euskal idazle fina eta esatari aparta" izan dela nabarmendu du Andres Urrutiak

70 urte zituela zendu da Iñaki Beristain errezildarra, eta Andres Urrutia euskaltzainburuak gogoratu du Beristainek euskararen inguruko edozenbat proiektutan parte hartu zuela,

Tags:

Numéro spécial 3 | 2015 Euskal hizkera eta dialektoak gaur egun

Lapurdumen ale bereziak 3 Revues.org webgunean aurkituko duzue.

Tags:

"EEPk eta Euskaltzaindiak helburu bera partekatzen dute: euskara eta euskal kultura aitzinatu" | 2017-07-25, Euskaltzaindia

017-2022 epealdirako otsailean izenpetu zen hitzarmen-markoaren aurtengo eranskina sinatu dute, gaur, Euskararen Erakunde Publikoak eta Euskaltzaindiak : besteak beste, toponimo arautu bakoei buruzko grafia arautu bat proposatuko du Akademiak eta argitalpen proiektuen hizkuntza kalitatearen azterketa eginen du.

Tags:

Inaki Camino Lertxundi: "Frantses kulturaren indarra makro erakoa da eta horri euskaltasunaren bidez aurre egiteak izugarrizko eginahala eskatzen du" | 2017-07-15, Euskaltzaindia

Euskaltzaindiak 'Amiküze eskualdeko eskuara' ikerlana publikatu berri du, Nafarroako Gobernuaren laguntzaz. Iñaki Camino Lertxundi doktoreak ondu du lan berria, eta, Amiküzeko biztanleen mintzoaz gain, eskualdeko euskal testu historikoak aztertu dira.

Tags:

Gehiago…
Euskararen historia laburra

Euskal kultur erakundearekin partaidetzan, Etxepare Institutuak Iván Igartuak eta Xabier Zabaltzak idatzitako "Euskararen historia laburra" liburuxka argitaratu du bertsio numeriko hirueledun batean, euskaraz, frantsesez eta inglesez.

Euskararen historia

Edizio berezi hau dohainik deskarga daiteke PDF formatuan.
Kattalin Totorikak itzuli du jatorrizko testua euskaratik frantsesera.
Oharra: liburuxka beste bertsio hirueledun batean eskura daiteke ere (euskaraz, gazteleraz eta inglesez).

Euskara arloko eragileen errepertorioa

euskaldunak.jpgIpar Euskal Herriko euskara arloko kultur eragileen harreman datuak eskaintzen dituen errepertorioa, kategoriatan sailkatua (hezkuntza, baliabide tokiak, elkarteak, komunikabideak. Gehiago jakin