Hizkuntza gaitasuna adinaren arabera azken urteotako inkesta soziolinguistikoetan

Azken lau inkestetan zehar, euskaldunen ehunekoak banatu ditugu adin-taldeen arabera, hizkuntza gaitasunaren bilakaera neurtzeko. Ipar Euskal Herria osotasunean hartuz, euskaldunen kopurua gainbehera doa, 2 pundu galduz inkesta batetik bestera, haatik pundu bat bakarrik azken inkestan.

Azken bi inkestek erakusten dute, adin-talde gazteenek euskararen petik gora abiatua dutela.

Taula irakurtzen badugu adin talde zaharrenetik gazteeneraino,

• 1996ko kurba gainbehera doa burutik buru, %27tik %11 arte,
• 2001ekoa jautsi da 35. urteraino eta gero gelditu adinarte gazteenean, %25, %12, %12,
• 2006 eta 2011ko kurbetan petik gora hasi da 16-24 urtekoekin : %12tik %16ra 2006an, %14tik %18ra 2011n.

Grafikoaren arabera, inkesta batetik bestera,

• 3 adin talde zaharrenak gain behera doaz orain arte.
• 25-34 urtekoak petik gora abiatzekotan dira %14, %12, %12, %14.
• Aldiz 16-24 urtekoen euskalduntasuna petik gora doa, gero eta lasterrago eta molde iraunkorrean: %11, %12, %16, %18.

Konparaketa egin dezagun Euskal Erkidegoko gazteekin : 1991n %25 euskaldun ziren, 2001n %50 eta 2011n %60. Iparraldean bai Hegoaldean eskola bidezko transmisioa nabari da.