Hemen zaude: Hasiera Euskal kultura Ondarea

Ondarea

Ondarea ez da bakarrik monumentuak eta baliozko gauzak, ez eta ere gure arbasoek eman diguten eraikuntzei, lurrari edo diruari lotu kapitala.

Ahozko memoriaren bilketa
Ahozko memoriaren bilketa Zuberoan (EKE-2009)
Jestuari (ezagutzak, teknikak, eguneroko lanak) edo hitzari lotu jakitateak (hizkuntza, mitoak, kondairak, toponimia eta beste ahozko ohitura guziak), praktika sozialak (jokoak eta kirolak, bestak, sukaldaritza), bai eta ekoizpen artistikoak ere (kantuak, antzerkia, dantzak, arte plastikoak, literatura) sartzen dira ondarean.

Berezitasun geologikoak eta paisaiak, ekosistemak, klima, animaliak, landaretza, itsas jakinduria, lurraren eta lurpearen aberastasunak ere, belaunaldi bakoitzak kudeatu behar duen ondarearen parte dira.

Ondarea, jendarte baten nortasuna oinarritzen eta jendarte hori besteetatik bereizten duten osagai material eta inmaterial guziez osatua da.

Ondoko orrialdeek horietarik batzuen ezagutza sakonago bat eskaintzen dizuete.

Euskal ondarea interneten aipagai
Inaxio Lopez de Aranaren hitzaldi eta proiekzioa: Euskal soinu-grabazio zaharrak | 2018-11-14, dantzan.eus

Herrien arteko XXII. Folklore jaialdian lehen ekitaldia: hitzaldi eta proiekzioa "Euskal soinu-grabazio zaharrak" gaiaren inguruan. Bertan, Inaxio Lopez de Arana izango da hizlari, Rudolf Trebitschen 1913ko grabazioei buruz mintzatzeko. Aurretik, "Maitia nun zira" film laburra emango da, Lehen Mundu Gerrako euskal presoen grabazioak oinarri dituena. Azaroak 29, osteguna, 19:30ean, Ibarra-kaldiu elkartean. Euskaraz egingo da ekitaldia.

Tags:

Askatu dituzte Lehen Munduko gerlako euskal presoen kantak | 2018-11-07, dantzan.eus

Orain, Euskal Kultura Erakundearen webgunean entzungai daude euskal presoei orain ehun urte grabatu zizkieten kantak.

Tags:

Lehen Munduko gerlako euskal presoen grabaketak argitara emanak | 2018-10-12, Mintzoak - Ipar Euskal Herriko ahozko memoriaren ataria

Alemaniako preso-esparruetan, Prusiako Komisio fonografikoak grabatu zituen presoak hizkuntzen eta musiken ikertzeko asmoz. Horien artean, 10 euskaldun. Gaur, Euskal kultur erakundean pausatuak izan diren euskal artxibo arraroak Mintzoak atarian aurkeztuak dira eta EKEren egoitzan konsultagarri.

Tags:

Gehiago…