Hemen zaude: Hasiera Euskal kultura Ondarea Itsas ondarea

Itsas ondarea

Betidanik euskaldunek harreman estua ukan dute itsasoarekin. Bizi hobe baten menturan euskal kostaldetatik urrundu dira mendeetan zehar, lurralde berri batzuetan kokatuz.

Donibane Lohizuneko portua  -  Le port de Saint-Jean-de-Luz
Donibane Lohizuneko portua
Donibane Lohizune eta Ziburu bezalako herrietan, Euskal Herriko portu guzietan bezala funtsean, azken hamar urte hauetako arrantzaren gainbeherak gogoa eman die tokiko eragile batzuei euskal itsas ondarearen alde obratzeko.

Eragile horien artean ondokoak aipa ditzakegu :

  • Itsas Begia elkartea, 30 urtez geroztik euskal itsas kultura baloratzeko ekintzak eramaten dituena ;
  • itsas misioaren tokiko adarra, itsas munduan presentzia iraunkorra segurtatzen duena ;
  • Itsas gazteria elkartea, itsas heziketa mota guziak lantzen dituena.

2010. urtean, elkarte horiekiko partaidetzak indarturik (EKEk 20 urte daramatza Itsas Begia elkartearekin tokiko itsas ondarea baloratzen duten proiektuak lantzen), eta bere "Eleketa" bilketa-proiektua lurraldeko beharren zerbitzura ezarri nahian, Euskal kultur erakundeak erabaki du itsas oroimenari buruzko lan berezi bat eramatea. Ondorioz "Itsasturiak" izeneko multimedia erakusketa ibiltaria sortu du 2011ko irailean.

Txosten bereziak

"Patchiku" ontzia
Monumento historikoa izendatua den ontziaren zaharberritze lanen inguruko txostena...
[+] Gehiago jakin

"Itsasturiak" erakusketa
Euskal Herriko arrantza portu baten eta itsasturien bizitza XX. mendetik gaur egun arte...
[+] Gehiago jakin

Euskal ondarea interneten aipagai
Inaxio Lopez de Aranaren hitzaldi eta proiekzioa: Euskal soinu-grabazio zaharrak | 2018-11-14, dantzan.eus

Herrien arteko XXII. Folklore jaialdian lehen ekitaldia: hitzaldi eta proiekzioa "Euskal soinu-grabazio zaharrak" gaiaren inguruan. Bertan, Inaxio Lopez de Arana izango da hizlari, Rudolf Trebitschen 1913ko grabazioei buruz mintzatzeko. Aurretik, "Maitia nun zira" film laburra emango da, Lehen Mundu Gerrako euskal presoen grabazioak oinarri dituena. Azaroak 29, osteguna, 19:30ean, Ibarra-kaldiu elkartean. Euskaraz egingo da ekitaldia.

Tags:

Askatu dituzte Lehen Munduko gerlako euskal presoen kantak | 2018-11-07, dantzan.eus

Orain, Euskal Kultura Erakundearen webgunean entzungai daude euskal presoei orain ehun urte grabatu zizkieten kantak.

Tags:

Lehen Munduko gerlako euskal presoen grabaketak argitara emanak | 2018-10-12, Mintzoak - Ipar Euskal Herriko ahozko memoriaren ataria

Alemaniako preso-esparruetan, Prusiako Komisio fonografikoak grabatu zituen presoak hizkuntzen eta musiken ikertzeko asmoz. Horien artean, 10 euskaldun. Gaur, Euskal kultur erakundean pausatuak izan diren euskal artxibo arraroak Mintzoak atarian aurkeztuak dira eta EKEren egoitzan konsultagarri.

Tags:

Gehiago…
Itsas munduaren hiztegia

portua.jpg2005ean finkatu partaidetza baten hari Euskal kultur erakundea eta Baionako Merkatal ganbara elkartu dira  itsas munduaren ekonomiari lotu euskarazko hiztegi ttipi baten osatzeko.