Angeluko Kabalkada

Angeluarrak dantza taldeak 60 urte beteko ditu 2026an, eta urtebetetze horren karietara, kabalkada bat antolatuko du. Dantzariak, musikariak, jostunak, antzezleak eta familiak eskuz esku lanean ari dira, 300 lagun baino gehiago bilduko dituen ikuskizun handi hau oholtzan biziarazteko. “Angeluko Kabalkada” elkarteak sustatua, proiektu hau belaunaldien arteko eta lan kolektibo baten fruitua da, euskal kulturan errotua eta guztiontzat irekia.

Kabalkada data hauetan izanen da :

• 2026ko irailaren 20an Hardoyko frontoian
• 2026ko irailaren 26an Quintaou plazan