Bilaka & Kukai Dantza

Ikusgarria eta dantzari tradizionala

 Udaberria iragartzen duen negu-besta aukera ezin hobea da ametsak betetzeko eta sekula ikusi gabeko topaketak sortzeko. Horrela, Bilaka kolektiboak Kukai Dantzarekin partekatutako gau bat irudikatu du, bi konpainien nortasun artistikoak markatu dituzten errepertorio koreografikoen inguruan.

Kukai dantza konpainia 2001ean sortu zen, Errenterian (Gipuzkoa). Euskal dantza tradizionala oinarri hartuta, sorkuntza garaikidearen arloan aitzindari izan da, eta nazioarteko eszenan bira ugari eman ditu, eta bere ikuskizun franko sari ospetsuekin sarituak izan dira. Bestalde, Baionako Bilaka kolektiboa gaualdi berezi batean itzuliko da, urte batez erreferentziazko eszenatoki anitzetan ibili ondoan. Berriki, Huescako (Espainia) dantza eta antzerki festibalaren saria eskuratu du.

Ikusgarriaren ondotik, publikoa gonbidatua izanen da dantzaldi parte hartzaile baten inguruan dantzatzera.