"Ziklikoa" eszenatokian bizirik

Nor hobe Maskak taldea bera baino, disko berri honi buruz hitz egiteko? "Ziklikoa-k bizitzaren eta gizartearen arteko harremanak aztertzen ditu, existitzen dela etengabeko ziklo baten bidez, non dena errepikatzen den kontuan hartuta. Jaiotzetik heriotzara doan bidea aztertzen du, hainbat gai jorratuz, eta soinu elektronikoen bidez, taldearen izaera esperimental eta bere eboluzioa erakusten ditu. "

Kontzertua Ezpeletako merkatu estalian izan zen, eta tokia kutxa ilun batean bihurtu zuten, ikusleak argien artean murgiltzeko aukera izan zezan. Han sartzea, burbuila batean sartzea bezalakoa izan zen, erritmoek eta koloreek norbera liluratzen uztea, eta Maskak-en unibertsoan arrunt murgiltzeko aukera izatea. Taldeak disko berriko kantuak eta bere errepertorioko ezagunenak txandakatu zituen, ikusleari bere unibertso musikalaren eboluzioan bidaia bat eskaintzeko.

Iduri zuen kantu bakoitzak istorio bat kontatzen zuela, albumaren hari nagusia indartuz eta Maskak-ek Ziklikoa-rekin transmititu nahi dituen ideiei eta emozioei bizia emanez.

Bai taldearen zaleentzat, bai haren unibertsoa ezagutzen ari zirenentzat, kontzertua momentu garrantzitsu eta ahaztezina izan zen, Maskak-ek segitzen duen norabide artistikoa eta bere etengabeko bilakaera modu ezin hobean erakutsi baitzuen.

• Euskal kultur erakundearen partaidetzarekin