Tartaro

3. zikloko (+9 urte) haurrendako pentsatua den liburu honetan, besteak beste, jazarpena eta desberdintasuna gaiak landuak dira, Tartaro ikasle begibakarraren egunerokoan murgilduz.

Tartaro haur begibakarra da. Eskolako ikaskideak ez dira beti atseginak harekin, pilotan eta futbolean nekeziak baititu begibakar izanki. Haatik, ikasle ona da eta langilea. Ingurukoen sostenguari esker, eta gogor lan eginez, gaindituko ditu bere bidearen aurkitzeko zailtasun guziak.
Xantal Barnetxe irakasle eta autoreak, Ikas argitaletxearekin obratzen duen hirugarren albuma da. Duela hamabost bat urte jada, Hartxoa baratzean gaindi eta Beldartxo lagunkina albumak sortu zituen, ama eskolako haurrendako.
Ilustrazioak berriz, Leire Perret artistak egin ditu. Lehen kolaborazioa dugu marrazkilari gaztearekin.