EUSKAL KULTUR ERAKUNDEAREN AGERKARIA
Amelin aldeko sagua
Enborraren magalean
Eskuaren ferekaz, hatzen laztanaz
Enbor hotsa, zuraren harrabotsa sentitzen duena, bada
erritmo pausatuan, dantzatzen duena, bada
Txistuaren gibeletik airean galtzen den soinua
saguak preso dabiltza, zuriz…
jira-biraka, Durangaldeko Amelin,
Amelin aldeko Berriz eta berriz…
Ibaia arre dator, nahasi, uharraren gatibu
uholdea itotzen da asfaltoaren galipotean
jira-biraka zirkulu infinituan, hunkitua, bihotza urratua
txistuak urratzen ditu guztiak, urak eta basapiztiak
enborraren magalean
Leun nabari da haizearen izate guratsua
Txistuaren barealdi utopikoan galdua
txistulariaren morfina dosiak
nauka baretuta, aitzurraren sagua naiz
zuriz…jira-biraka enborraren magalean
Ospakizun ufada atzematen dut
usaimen zorrotzak hauteman
Entzumena bizkor asaldatu da
ikustea ez da premiazkoa,
Doinuari segika nabil…
zorabioaren muga gaindiezin honetan
Eraman nazazu, Berrizeko txoko urrunetara
Eraman nazazu, flautista biziotsu, fikziozko eszenatokietara
Hatzekin, hatz-mamiekin, amodiozko gezur artean
Igeri naramazu asfaltozko zirkuluan
zure enborraren magalean
Jira-biraka….
Biarritzeko estreinalditik landa, 2015eko irailetik 2019ko udazkenera 20 toki desberdinetan erakutsi izan da SOKA. Ibilbide hortan 25.000 bisitarik preziatu ahal izan dituzte bere altxorrak.
SOKAn aurkeztuak ziren dokumentuen zerrenda (testuak, bideoak, irudiak, argazkiak...) osatu dugu. Katalogoa erakusketaren planoaren arabera antolatua da. Lau gai nagusitan banatua da. 400 dokumentu baino gehiago biltzen ditu.
Euskal kultur erakundeak galdeginik Radiokultura web-irratiko kazetariak eta Johan Morin argazkilaria Ipar Euskal Herriko sei dantza eskoletako erakasle eta ikasleen gana joan ziren 2015eko neguan. Bildutako lekukotasunak, irudiak eta soinuak, web-dokumental batean argitaratuak izan dira.
