EUSKAL KULTUR ERAKUNDEAREN AGERKARIA
Zohardia
Gau huntan zohardia
Hor dugu Ilargia
Jentilarriak zaintzen dituen beilegia
Gau huntan zohardia
Hor dugu Ilargia
Jentilen baratzak eman digu abegia
Hezurra eta lurra
Beldurraren gailurra
Harri arotik batzen gaitu katebegiak
Goazen erantzun bila
Borobilak
Baitira bai dantza eta bai egia
Egurra eta ikurra
Haitzaren arraildura
Harri mamian datza asaben hiztegia
Goazen erantzun bila
Borobila
Baita misterioaren gordegia
Gau huntan zohardia
Izarren belardian
Denbora gelditu da harrespilen erdian
Gau huntan zohardia
Izarren belardian
Mairuk margotu digu zilarrez Hartz Handia
Laztura eta samurra
Hartokan urradura
Harlauzaren negarra ez al da zilegia ?
Goazen erantzun bila
Borobilak
Baitira bai dantza eta bai egia
Aitzinari agurra
Biharrari joskura
Egungo aizkorari betiko sutegia
Goazen elkarren bila
Borobilak
baitira bai dantza eta bai egia
Biarritzeko estreinalditik landa, 2015eko irailetik 2019ko udazkenera 20 toki desberdinetan erakutsi izan da SOKA. Ibilbide hortan 25.000 bisitarik preziatu ahal izan dituzte bere altxorrak.
SOKAn aurkeztuak ziren dokumentuen zerrenda (testuak, bideoak, irudiak, argazkiak...) osatu dugu. Katalogoa erakusketaren planoaren arabera antolatua da. Lau gai nagusitan banatua da. 400 dokumentu baino gehiago biltzen ditu.
Euskal kultur erakundeak galdeginik Radiokultura web-irratiko kazetariak eta Johan Morin argazkilaria Ipar Euskal Herriko sei dantza eskoletako erakasle eta ikasleen gana joan ziren 2015eko neguan. Bildutako lekukotasunak, irudiak eta soinuak, web-dokumental batean argitaratuak izan dira.
