EUSKAL KULTUR ERAKUNDEAREN AGERKARIA
Emile Larre
Zatia
Dantzan ikasten seminarioan
1945-46 urteetan ibili zen Emile Larre (1926-2015), apaizgai zelarik, Barkoxeko plazan dantzan sotanarekin. Apaizgaiak zituzten irakasle, garaztarrak batez ere. Baionako seminarioan jolas orduan ikasgelan bertan aritzen ziren 120 lagunetik gora, berotze aldera, hotz handia egiten baitzuen.
Emile Larre (2010) © Ahotsak.eus
Gehiago jakin
Hamaika urte zituelarik Uztaritzeko Seminario ttipira igorri zuten Emile Larre (Baigorri, 1926-2015) eta Piarres Lafitteren ikaslea izan zen han (eragin handia izan zuen honek Emile eta garaiko beste hainbatengan : "Lafitten umeak" deitzen ziren). Batikano II. kontzilioaren ondotik, Elizak ezagutu duen berritze mugimenduan, liturgia euskaratzearen eragileetariko bat izan da. Herria astekariko zuzendaria izendatua izan zen 1969an eta editorialista izan da. Euskaltzaindiako partaide eta Ahozko Literatura batzordeko kidea, Euskaltzain oso izendatu zuten 1975an. Euskal ohiduren sustatzailea izanki, euskarazko adierazpideak eta pilota izan dira bere zaletasunak.
Biarritzeko estreinalditik landa, 2015eko irailetik 2019ko udazkenera 20 toki desberdinetan erakutsi izan da SOKA. Ibilbide hortan 25.000 bisitarik preziatu ahal izan dituzte bere altxorrak.
SOKAn aurkeztuak ziren dokumentuen zerrenda (testuak, bideoak, irudiak, argazkiak...) osatu dugu. Katalogoa erakusketaren planoaren arabera antolatua da. Lau gai nagusitan banatua da. 400 dokumentu baino gehiago biltzen ditu.
Euskal kultur erakundeak galdeginik Radiokultura web-irratiko kazetariak eta Johan Morin argazkilaria Ipar Euskal Herriko sei dantza eskoletako erakasle eta ikasleen gana joan ziren 2015eko neguan. Bildutako lekukotasunak, irudiak eta soinuak, web-dokumental batean argitaratuak izan dira.
