EUSKAL KULTUR ERAKUNDEAREN AGERKARIA
Kaiet Indaburu
Zatia
Besta Berriko pabillunketariak Iholdin
Kaiet Indaburu bere garaiko lau pabillunketariak izendatzen ditu, lauak etxeko jaun handiak, luzaz elizako harat-hunat guzietan arduratu direnak, konduetaz ere Fabrikan.
Kaiet Indaburu. "Eleketa" programa. 2013 © Pirinio Atlantikoetako Departamenduko Artxiboak - 19AV740
Gehiago jakin
Gehiago jakin
Kaiet 1921eko azaroaren 10ean sortua da, Iholdi Haixtogaraian ("Hariztogarai" hitzetik heldu den izena). Zazpi haurreko familia batean hazi zen. Haren ama lehen mundu gerlako alarguna zen (alaba bat bazuen ordukotz), berriz ezkondurik, beste sei haur ukan zituen, Kaiet barne. Herriko eskolan ibili zen, 11 urteetan zertifikata erdietsi arte. Gero, laborantza formakuntza segitu zuen, postaz, herriko apezak, Héguy erretoreak, lanak igande arratsaldeetan zuzendurik. Kaiet dantza jauzien ematen hasi zen, 14 urteetan hasirik, Antsoinia ostatuan (Garatenean), Poxuluberria etxeko Arñorekin, bai eta Fernand Franchisteguyren osabarekin. Lehen Besta Berria ezagutu zuen, 1932an Héguy erretoreak antolaturik. Erretorea klikaren sortzaile ere izan zen (1937).
Kaietek Besta Berrin eta klikan parte hartu zuen, 1957 arte. Herriko apezak eta familia handiek elizako bestetan zuten eginkizuna aipatzen du. 1957an ezkondu zen eta bost haur izan ditu. Gaur egun oraino, Haixtogaraian bizi da.
Biarritzeko estreinalditik landa, 2015eko irailetik 2019ko udazkenera 20 toki desberdinetan erakutsi izan da SOKA. Ibilbide hortan 25.000 bisitarik preziatu ahal izan dituzte bere altxorrak.
SOKAn aurkeztuak ziren dokumentuen zerrenda (testuak, bideoak, irudiak, argazkiak...) osatu dugu. Katalogoa erakusketaren planoaren arabera antolatua da. Lau gai nagusitan banatua da. 400 dokumentu baino gehiago biltzen ditu.
Euskal kultur erakundeak galdeginik Radiokultura web-irratiko kazetariak eta Johan Morin argazkilaria Ipar Euskal Herriko sei dantza eskoletako erakasle eta ikasleen gana joan ziren 2015eko neguan. Bildutako lekukotasunak, irudiak eta soinuak, web-dokumental batean argitaratuak izan dira.
