EUSKAL KULTUR ERAKUNDEAREN AGERKARIA
"Soka" erakusketa Baionan
Fred Berruet
2019/08/26
"Soka"erakusketaren oihartzuna Idahoraino heldu da
2015eko uztailaren 28tik agorrilaren 2ra Boise Idahoko hirian (AEB) iragan zen “Jaialdi” festibalaren karietara bertako Euskal Museoak euskal dantzaren inguruko eremu bat estreinatu zuen. SOKA erakusketako zonbait argazki eta bideo artxibo erakutsiak dira "Dantzak" izeneko gune hortan. 2017 arte egonen da zabalik eta 30.000 bisitari igurikatuak dira.
Aurkezpen hori Boiseko Basque Museum-aren, Etxepare Institutuaren eta Euskal kultur erakundearen arteko partaidetza bati esker gauzatua izan da. Boiseko museoak Euskal kultur erakundeak prestatu argazkiak eta multimedia apliazioa txertatu ditu bere eszenografia berrian.
“Jaialdi” denboran ibili ziren bisitariek SOKA erakusketaren gai nagusien berri ukan zuten artxibo lagin bati esker.
Paradaz baliatu bada ere lehen-lehenik bere erakusketa berriaren inguruan komunikatzeko, Euskal kultur erakundeak ez du baztertzen SOKA-ren ibiltaritza transatlantiko baten egingarritasuna aztertzea ondoko hilabeteetan.
Xehetasunak
Argazki galeria
Harpidetu doan gure buletinera
Euskal kultur erakundearen berripapera (Hilabetean behin)
Biarritzeko estreinalditik landa, 2015eko irailetik 2019ko udazkenera 20 toki desberdinetan erakutsi izan da SOKA. Ibilbide hortan 25.000 bisitarik preziatu ahal izan dituzte bere altxorrak.
SOKAn aurkeztuak ziren dokumentuen zerrenda (testuak, bideoak, irudiak, argazkiak...) osatu dugu. Katalogoa erakusketaren planoaren arabera antolatua da. Lau gai nagusitan banatua da. 400 dokumentu baino gehiago biltzen ditu.
Euskal kultur erakundeak galdeginik Radiokultura web-irratiko kazetariak eta Johan Morin argazkilaria Ipar Euskal Herriko sei dantza eskoletako erakasle eta ikasleen gana joan ziren 2015eko neguan. Bildutako lekukotasunak, irudiak eta soinuak, web-dokumental batean argitaratuak izan dira.
