Euskal kultura udatiarrei ezagutarazi nahian

Bigarren urtea da CCAS enpresa komiteak Euskal kultur erakundeari, kultura baliabide-zentro gisa, halako programa baten antolatzeko proposamena luzatzen diola.

EKE-k finkatu eta adostu egitarauaren haritik ondoko gaiak jorratuak izanen dira Hendaian, Donibane Lohizunen, Senperen, Donibane Garazin edo Irisarrin iraganen diren animazio desberdin horietan:

• euskara: EKE-ko Pantxoa Etchegoin-en hitzaldiak;
• euskal mitologia: Claude Labat-en hitzaldiak;
• euskal marinelen memoria: Donibane Lohizune / Ziburuko portuaren bisita Christian Ondicola-rekin eta "Itsasturiak" erakusketaren bisita Irisarrin EKE-ko Terexa Lekumberri-rekin;
• txalaparta, Jean-Claude Enrique txalapartariarekin.

Animazio horiek CCAS enpresa komiteak kudeatzen dituen opor zentroetako egoiliarriei baizik ez dira idekiak.