Hemen zaude: Hasiera Agenda Agendaren irizpideak

Agendaren irizpideak

Gure agenda Iparraldeko euskal kulturaren agenda da. Iparraldean antolatuak diren euskal kulturaren inguruko gertakariak plazaratzen ditu. Gertakariak argitaratzerakoan bi irizpide nagusi hartzen ditugu kondutan: kokapena eta euskal kulturarekilako lotura.

Kokapena: onartuak dira Ipar Euskal Herrian gertatzen diren ekitaldiak edo Euskal Herrian antolatuak direnak baldin eta Iparraldeko euskal artistak ari badira karia horretara.

Euskal Herritik kanpo ibiltzen diren Iparraldeko euskal artisten berri ematen ahal dugu ere agendako atal berezi batean baldin eta proposatzen dituzten ikuskizunek euskal kulturarekin zerikusirik badute.

Gaia: onartuak dira euskal kulturarekin zerikusia duten gertakariak.
Hobetsiak dira:

  • Euskal kantua eta musika
  • Euskal dantza
  • Bertsolaritza
  • Euskarazko antzerkia
  • Ahozko eta idatzizko euskarazko literatura

Onartuak dira:

  • Arte erakusketak baldin eta Euskal Herriko artisten obrak baloratzen badituzte hobetsiz bisitarien eta artelanen arteko euskarazko mediazio bat segurtatzen duten erakusketak.
  • Euskara, euskal kultur ondarea edo euskal kultur adierazpenekin lotura bat duten dantza, antzerki eta musika ikuskizunak.
  • Euskal kultur ondaregintzako gaiekin (historia, etnologia, arkitektura, mitologia...) lotura duten hitzaldiak bezalako gertakariak
Oharrak

Gertakariaren eta euskal kulturaren arteko lotura ez delarik begi bistakoa beste kriterio batzu aztertzen ditugu ere, eta bereziki euskarari egiten zaion tokia, bai komunikazio arloan (afitxak, webgunea...), bai animazio arloan (haurrekilako lanak...).

Euskal kulturarekin loturarik ez duen ekitaldi baten barnean antolatua den euskal talde baten kontzertua adibidez agenda sar daiteke. Aldiz, kasu honetan taldearen izena emana izanen da agerian eta ez ekitaldiarena. ".. ekitaldiaren kari" bezalako erranaldiarekin emanen da antolatzailearen berri.

Besteak beste onartzen ez ditugunak agendan:

  • Biltzar nagusien iragarpenak
  • Prentsaurrekoak
  • Kirol hitz-orduak edo euskal jokoei lotu gertakariak (mus lehiaketak...)
  • Herriko Bestak (gertakari gisa)
  • Deialdiak
  • Natura ingurumenari lotu gertakariak

Oroit agenda ez dela euskal kultur aktualitatearen berri emateko dugun tresna bakarra. Albiste laburrak ere hor daude. Liburu edo disko baten argitaratzea albiste labur batez aipa ditzakegu adibidez. Gurekin harremanetan jarri edo zure informazioa bidal xehetasun gehiagorentzat.

Kasu guzietan Euskal kultur erakundea gertakari batzuren ez argitaratzeko eskubidea atxikitzen du www.eke.org atariaren edukien erantzule izanik.

« Abuztua 2019 »
Abuztua
AlAsAzOgOrLrIg
1234
567891011
12131415161718
19202122232425
262728293031
Kultura agenda zure e-postara

Emaila

 Euskal kultur erakundearen berripaperari harpidetzen naiz ere.

Zure helbide elektronikoan atari honetako albisteak eta datozen gertakariak astero eskuratuko dituzu. Zure gustokoa ez bada edozein unetan harpidetza eten dezakezu, nehori azalpenik eman gabe.
Harpidetzaz gehiago jakin [+]

Gertakari bat proposatu!

Agenda hau gaur egun ditugun informazioen arabera eguneratua da. Gertakari bat ahantzi dugu? Horren berri eman iezaguzu! Bete ondoko formularioa.