Hemen zaude: Hasiera Euskal kultura Euskal dantza

Euskal dantza

Euskaldunok gure kulturarekiko erakutsi dugun maitasunari esker, ohiturazko dantza errepertorio aberats eta ikusgarria gorde dugu, eta gizarte aldaketei egokitu ahal izateko bere burua berritzen asmatu du.

Beskoitzeko kaskarotak (2012 - Iñaki Zugasti / dantzan.com - CC-BY-SA )
Beskoitzeko kaskarotak (2012 - Iñaki Zugasti / dantzan.com - CC-BY-SA )
Ohiko festa egutegian txertatuta, ikuskizun programazioan integratuta edo gizarte mediatikoaren protokolo beharrei erantzunez, dantza bizi-bizi dago euskal kulturaren egunerokoan.

Kultura guztietan dantzatzen dira emakume eta gizonak, eta euskaldunek ere badute dantzarako sena, gorputza musikarekin astintzeko premia. Gizarte guztietan, ahozko hizkuntzarekin batera, bada beste lengoaia bat komunikatzeko, sentitzeko, adierazteko, konpartitzeko, bizitzeko azken batean, erabiltzen duguna: dantza. Gorputza patroi erritmikoen arabera mugimenduan jarri eta, hitz egiteko beharrik gabe, komunikazioaren txinparta pizten da. Dantzarako zaletasun horrek tokian tokiko festak, ospakizunak eta erritoak dantzaz betetzen ditu gaur egun ere.

 

Oier Araolaza ArrietaOier Araolaza Arrieta dantzariak Euskal kultur erakundeak luzatu dion gomitari erantzun du ohiko euskal dantzaren txosten eder hau osatuz. Eibarko Kezka, Elgoibarko Haritz eta Donostiako Argia dantzari taldeekin aritzen da dantzan azken 20 urteotan. Dantzan.com webgunea sortu zuen 2002an eta izena bera duen elkartearen kudeatzailea da. Dantzaren alorrean komunikazioa, kudeaketa eta formakuntza lanetan aritzen da. Gipuzkoako Foru Aldundiaren Dantza Ikasi formazio programaren zuzendaria da. Kulturaren Euskal Kontseiluko kidea da 2011tik. Dantza tradizionalaren alorrean zenbait lan argitaratu ditu, tartean Gregorio Santa Cruz dantza-maisua (Ego-Ibarra, 1998). 2012an Etxepare Institutuak argitaratutako "Euskal dantza" liburuxkaren egilea da ere (dohainik eskura daiteke PDF formatuan).

 

Txostenaren zati nagusiak

Euskal dantza: interneten zer berri?
"Aterpean" dantza-egonaldian egonen diren hautagaiak

Proyecto Larrua (Gasteiz) “AKULLU” eta Javier Guerrero (Bartzelona) “(B) ASO” hautatu dira 2018ko ATERPEAN dantza-egonaldirako deialdiaren karietara. ATERPEAN mugaren bi aldeetako hiri-paisaietako Dantza Hirian dantza-jaialdiak sortutako artista egoiliarren programa bat da. Gaur egungo dantza-ikuskizunak sortu, ikertu eta hiri-eremuetan ezagutzera ematea du helburu, baita publikoari sorkuntza-prozesua ezagutaraztea ere. Egonaldiak mugaren bi aldeetan garatuko dira: Biarritzeko Malandain koreografia-zentroko Gare de Midi aretoan eta Dantzagunean (Errenteria). Denbora-tarte horretan zehar, konpainiek harreman zuzena izango dute Eurohiriko herritarrekin, bere esperientziak publikoarekin partekatu eta horiei dantzaldien sorkuntza-prozesua ezagutarazteko helburuarekin, zenbait jarduera antolatuz. Irailean,  “AKULLU” eta “(B)ASOA” aurkeztuko dira, hurrengo Dantza Hirian jaialdian.

Tags:

Hogei urte plazan dantzan - Bizigiro - Berria

"Hogei urte bete dituzte Patxi Perez baionarrak abiatutako dantza pikoek. Plazan, jendearen erdian, dantzako urratsak irakasten aritzen da Perez bere taldearekin."

Tags:

Muskildi: maskaradak 2018 Celine Otatxegi txirularia | 2018-03-06, dantzan.eus

Celine Otatxegi txirulari muskildiarra 24 urte ingururekin hasi zen txirula jotzen. Txikitatik dantzaria izan da baina urteekin dantza utzi eta herriko gazteekin lanean jarraitu nahian ekin zion txirulari. Jean Charles Sans-ekin ikasi zuen txirula jotzen eta gaur egun Zuberoan txirula jotzen duen emakume bakarrenetakoa da. Elkarrizketa: Ihitz Iriart. Irudiak: Eire Vila.

Tags:

Lapurdiko inauterien lehenaz eta orainaz Thierry Truffautekin | 2018-02-19, dantzan.eus

Thierry Truffaut antropologoa Lapurdiko inauteriei buruz aritu zitzaigun Dantzan Ikasi programaren bidez Koldo Mitxelena Kulturunean eskainitako hitzaldian. XIX. mendeko inauterien ezaugarriez, horian galeraz eta ondorengo berreskurapenaz aritu zen. Testu zaharretako aipamen eta debekuak ekarri zizkigun hasieran eta ondoren zuzeneko iturriak erabili zituen. Argazkiei, grabatuei, bideoei eta Truffauten azalpenei esker Lapurdiko inauterietara gerturatu ginen.

Tags:

Gehiago…
"SOKA, euskal dantzaren urratsetan" erakusketa

SOKA"SOKA, euskal dantzaren urratsetan" erakusketa ibiltaria, Euskal kultur erakundeak ekoiztua du, Gipuzkoako diputazioarekin eta Donostia 2016 Fundazioaren partaidetzarekin. Euskal dantzaren hobeki ezagutaraztea du helburu. Lau hizkuntzatan (euskara, frantsesa, gaztelera, inglesa), 150 m²-ko eremuan, gaiaren inguruko 400 ilustrazio baino gehiago daude kontsultagarri (argazki eta irudi bildumak, lekukotasun zatiak, soinu zatiak...).
Gehiago jakin: www.soka.eus 

"Euskal dantza" liburuxka

Euskal kultur erakundearekin partaidetzan, Etxepare Institutuak Oier Araolazak idatzitako "Euskal dantza" liburuxka argitaratu du bertsio numeriko hirueledun batean, euskaraz, frantsesez eta inglesez. Edizio berezi hau dohainik deskarga daiteke PDF formatuan. Kattalin Totorikak itzuli du jatorrizko testua euskaratik frantsesera. Oharra: liburuxa beste bertsio hirueledun batean eskura daiteke ere (euskaraz, gazteleraz eta inglesez).

Euskal dantzaren agenda
  • Ekitaldiak & festibalak
  • Dantza
Dantza Hirian 2018 Noiz arte: 2018/09/30
  • Ikuskizunak
  • Dantza
Proyecto Larrua " Akullu" 2018/09/22
  • Ikastaroak
  • Dantza
Zuberoako dantzakera 2018/09/22
  • Ekitaldiak & festibalak
  • Dantza
  • Musika
Euskal Herriko Joaldunen Besta 2018/09/29
  • Erakusketak
  • Dantza
Soka erakusketa Getxon Noiztik: 2018/10/04 Noiz arte: 2018/11/04
Gehiago…
Iparraldeko dantza munduko eragileak

Iparraldeko euskal dantza munduko eragileen errepertorioa kategoriatan sailkatuak (taldeak, koregrafoak, programatzaileak, formatzaileak, baliabide zentroak...).