Albisteak
D’una lenga l’autra - Musika zeharkaldiak Zuberotik Limousinera #2
Lehen sorkuntza egonaldia 2018ko ekainean Marcelle Delpastre idazlearen Limousineko lurretan iragan ondoren, agorrilaren 1etik 3ra, D’una lenga l’autra – Musika zeharkaldiak Zuberotik Limousinera proiektuaren sei artistak Zuberoko Gotaine-Irabarnen berriz elkartu ziren bigarren egonaldi artistiko batentzat.
Helduendako euskara kurtsoen sartzea
AEK denboraldi berri bat hasteko prest da. Iparraldeko 15 gau eskolek osatzen duten sarearen bitartez, Alfabetatze eta Euskalduntze Koordinakundeak urtean zehar modulo eta formakuntza desberdinak proposatuko ditu euskara ikasi edo hobetu nahi duten helduei zuzenduak. Izena emateko permanentziak irailaren 10ean hasiko dira Ipar Euskal Herriko Gau Eskola guzietan eta kurtsoen hasiera urriaren 1ean finkatua da.
Hernandorena bertsu sariketa 2018
2018ko Hernandorena Bertsu Sariketa irailaren 14an hasiko da. Iaz bezala, hiru kanporaketa eta finala izanen dira. Saio guziak arratseko 21:00etan izanen dira eta orotara 18 bertsularik hartuko dute parte. Euskal kultur erakundea partaide da.
Nafarroako arteen merkatuaren bigarren edizioa Iruñean
"948 merkatua" deitu Nafarroako arteen merkatuaren bigarren edizioa Iruñean eginen da 2018ko azaroaren 21, 22 eta 23an. Kulturaren sektoreko feria profesional honek artista eta profesionalak bildu eta diziplina anitzeko proposamen artistikoak programatuko ditu. Bertan parte hartu nahi duten Akitania Berriko eta ipar Euskal Herriko kultura eragileek izenak oraindanik eman ditzakete. Euskal kultur erakundea partaide da.
"Laida pilota" sorkuntzaren aurkezpena Hazparnen
2018ko irailaren 15ean, Lilia elkarteak kantuak, dantzak eta bertsuak uztartzen dituen "Laida pilota" ikusgarria aurkeztuko du Hazparneko Mendeala gelan. Pier Paul Berzaitz-en sorkuntza honek pilota eta pilotarien mundua goraipatzen ditu, 7 historien bidez. Euskal kultur erakundea partaide da.
"Andere Serora Hiriburun" pastoralaren bigarren emanaldia Hiriburun
2018ko irailaren 16an, 15:30etan "Andere Serora Hiriburun" izeneko pastorala bigarren aldiz ikusten ahalko da Hiriburuko Plaza Berrin. Orotara, 130 aktorek parte hartzen dute Guillaume Irigoyen-ek eta Patxi Iriart-ek idatzi sorkuntza honetan. Euskal kultur erakundea partaide da.
Mintzalasai 2018
Irail guzian, Mintzalasai festibalaren 7. edizioa ospatuko da Baionan, Angelun eta Biarritzen. Tailerrak, bisitak, ikusgarriak, ate irekitzeak, besta... Hogeita hamar egunez, bertako elkarteek ekitaldi andana bat antolatuko dituzte euskararen erabilera ardatzat hartuz. Euskal kultur erakundea ere partaide da.
EKE-k euskal kultura ondare immaterialaren 5 inbentario-fitxa plazaratzen ditu
2015ean, Kultura ministerioak, kultura ondare immaterialaren alor batean gaitasunak dituzten laborategi eta elkarteei zuzendu egitasmo deialdi bat abiarazi zuen. Euskal kultur erakundea saridun izan zen eta azken bi urteetan dantza praktikei lotuak diren bost inbentario-fitxa osatu ditu. Sarean ikus daitezke.
D’una lenga l’autra - Musika zeharkaldiak Zuberotik Limousinera #1
Euskal kultur erakundeak eta Gizarte Zientzietako Goi Mailako Ikasketen Eskolak (EHESS), Akitania Berriko kultur ekintzen zuzendaritzarekin partaidetzan (Akitania Berriko DRAC-a), «Musika zeharkaldiak Zuberotik Limousinera» izeneko proiektua eramaten dute. Limousin eta Euskal Herriko artisten arteko topaketa bat da.
Kultura ohituren inkesta Euskal Herrian
Eusko Jaurlaritzak galdeturik, eta Euskal kultur erakundearen laguntzarekin, SIADECO lantegiak herritarren kultura ohiturei buruzko inkesta eginen du Ipar Euskal Herrian ere. Euskal Herri mailako inkesta honek, guti gora behera 5 astez iraunen du irailaren 17tik goiti hasirik. Inkestagileek telefonoz galdezkatuko dituzte herritarrak.
"Amerikanoen jaraunspena" eta "Mugi hitzen musika" erakusketak Hendaian
2018ko agorrilaren 8an irailaren 1.era, Euskal kultur erakundeak bi erakusketa aurkeztuko ditu Hendaiako Mendi Zolan gelan. Alde batetik, Kepa Etchandy-ren "Amerikanoen jaraunspena" argazki erakusketa eta bestetik, euskal kantuari buruzko "Mugi hitzen musikan" ukipen-pantailak. Sartzea urririk izanen da.
"Belako Zaldüna" pastorala Maulen
2018ko uztailaren 29an eta agorrilaren 5ean "Belako Zaldüna" pastorala ikusten ahalko da Maulen. Jean Bordaxar-ek idatzi sorkuntza honek "Belako Zaldüna" bezala ezagutua zen Jean-Philippe de Bela (1709-1796) mauletarraren bizia kontatzen du. Euskal kultur erakundea partaide da.
Sarean dira "Euskararen munduak" kolokioaren hainbat bideo
Joan den ekainaren 29an Euskal Etnopoloaren labelaren baitan, EKE-k eta EHESS-ek euskararen indar-guneen inguruko gogoetaldi bat antolatu zuten IKER eta Euskaltzaindiaren partaidetzarekin, Baionako Fakultatean. Egunean zehar mintzatu ziren hainbat eragileren hitzartzeak sarean ikus daitezke.
Kontzertu Atipikoak 2018ko Baionako bestetan
Bederatzigarren urtez, Baionako besten denboran, Euskal kultur erakundeak eta Baionako Herriko Etxeak kontzertu atipikoak antolatuko dituzte elkarrekin. Aurten, bi kontzertu izanen dira. Lehena uztailaren 27an iraganen da, San Izpirituko "Collègiale" elizan, Julen Achiary musikariaren inguruan. Bigarrena aldiz, uztailaren 28an ospatuko da, toki berean, Bilboko Jatorki emazte otxotearen emanaldiarekin.
"Dantza Izpiak" erakusketa Hendaian
2018ko uztailaren 11tik abuztuaren 4a arte, Gabrielle Duplantier-en "Dantza Izpiak / Eclat de danses" erakusketa Hendaiako Mendi Zolan aretoan izanen da ikusgai. Bisitariak, artista honen talentua eta sentsibilitatea agerian utziko duten zuri-beltzezko hogeitamar bat argazki deskubritzen ahalko ditu. Erakusketa Hendaiako Herriko Etxeak eta Euskal kultur erakundeak antolatzen dute elkarrekin.
Iñaki Martiarena "Mattin"-ek Nekatoeneako idazle egonaldia eginen du 2018ko udazkenean
"Nekatoenea" euskal idazle egonaldiaren zortzigarren edizioaren karietara, Iñaki Martiarena "Mattin" hautatua izan da. 2018ko azaroaren 5ean hasi eta hilabete batez, idazlea Hendaiako etxe famatuan egonen da Kamishibai ipuin bat idatzi eta marrazteko. Euskal kultur erakundea partaide da.
"Azken itzulia" antzezlana Uztaritzen
2018ko uztailaren 22an, 18:00etan, Chimères antzerki taldeak "Azken itzulia" antzezlana aurkeztuko du Uztaritzeko Lota plazan. Transmisioari buruzko alegi hunkigarri hau, Txomin Heguy-k egin Joël Jouanneau idazlearen "Dernier rayon" obraren euskarazko egokitzapena da.
Errobiko Festibala 2018
2018ko uztailaren 19tik 22ra, Ezkandrai elkarteak 23. Errobiko Festibala antolatuko du Itsasun. Populuen kantuak ardatz harturik, lau egunez, edizio berri honek Euskal Herriko eta kanpoko hainbat artisten emanaldiez gozatzeko parada eskainiko du. Euskal kultur erakundea partaide da.
"SOKA, euskal dantzaren urratsetan" erakusketa Angelun
2018ko uztailaren 9tik 19a arte, Euskal kultur erakundeak ekoizturiko "Soka, euskal dantzaren urratsetan" erakusketa ibiltaria Angeluko BAB2 saltegian izanen da ikusgai. Lau hizkuntzatan, euskal dantzaren inguruko eduki aberats anitz eskaintzen ditu multimedian oinarritutako erakusketa honek. Sartzea urririk izanen da.
Gazteluma literatur sorkuntzarako burtsa 2018
Baionako Elkar liburudendak, Elkar fundazioaren eta Euskal kultur erakundearen laguntzarekin, Iparraldeko idazle gazteak euskaraz idaztera lehiatzeko asmoz, Gazteluma X. literatur sorkuntzarako burtsa antolatzen du. Deialdian edonork parte har dezake, 40 urtez petiko adina izanez gero. Egitasmoen aurkezteko azken epea: 2018ko urriaren 15a.
