Euskal musika eta kantua
- Gorka Knörr abeslaria (2012 - EKE)
Euskal Herrian jende anitzek jotzen dute ohiko soinu tresna bat edo beste. Horrek erakusten du musika ondare zahar hori oraindik bizi-bizirik dagoela. Gorriti, Guridi, Sarasate edo Ravel bezalako euskal jatorrizko konpositore handien ekarpenek ere aberasten dute.
Musika unibertso honetan, luzaz, a capella kantuak funtsezko tokia izan du.
1960 urteetatik goiti, euskaraz kantatzearen hautua eginez eta beren kantu propioak sortuz, artista batzuek euskal musikaren panorama zeharo aldatu dute.
Gaur egun, beren berezitasuna atxikiz, euskal kantu eta musikak estilo guzietakoak dira.
- Musika eta kantua: albisteak
-
Euskal kantuaren intonazio berezia
Urtarrilaren 17an, arratsaldeko 18:00etan, Agustin Mendizabal etnomusikologoak mintzaldi bat eskainiko du Baionako Euskal Museoan. Euskal kantuaren intonazio berezia izanen du aipagai, Euskal etnopoloaren labelaren karietara antolatu ahozkotasunari buruzko mintegiaren baitan.
-
Mozart eta bere gutunezko harremanak
2018ko azaroaren 18an Hazparnen eta abenduaren 9an Maulen, Mozart-en gutunezko harremanen inguruko bi musika eta literatura hitzordu proposatuak dira. Musika Iparraldeko Orkestraren esku izanen da. Euskarazko testuak aldiz, Txomin Heguy-k irakurriko ditu. Euskal kultur erakundea partaide da.
-
Mikel Laboaren omenez
2018ko abenduaren 1ean, Euskal Herri guzian hainbat ekitaldi antolatuak dira Mikel Laboaren heriotzaren 10. urtemuga kari. Ipar Euskal Herrian ere, omenaldirik ez da faltako. Hala nola, Euskal kultur erakundearen partaidetzarekin, Musikas musika eskolak egun berezi bat antolatuko du Uztaritzen. Halaber, Baionako Euskal Museoan ere omenaldi bat antolatuko da egun berean. Horrez gain, Maialen Alfaro eta Philippe Albor herriz herri dabiltza "Izarren Hautsa" ikusgarria aurkezten.
- Kantua & musika: sarean zer berri ?
-
Musika funtsen eta bildumen mapa digital bat egingo du Eresbilek | 2019-01-16, Berria.eus
Ondarearen Europako Urtea izan zen 2018a, eta, ildo horri jarraituz, Euskal Herrian dauden musika funtsak bilatu eta ezagutu nahi ditu Eresbil musikaren euskal artxiboak. Jon Bagues zuzendariak jakinarazi duenez, erakundearen aurtengo erronketako bat musika funtsen eta bildumen mapa digital bat egitea da; hain zuzen, 2017an Eresbilek egindako gida osatuko du lan horrek. Bandekin hasi dira, baina koruen, txistulari banden, parrokien eta bestelako erakundeen funtsetara ere joko dute.
-
Askotarikoa izan da uzta | 2018-01-08, Berria.eus
Lisaboren 'Eta edertasunaren lorratzetan biluztu ginen' eta Izaki Gardenak-en 'Dena oskol' nabarmendu dituzte BERRIAko kritikariek 2018ko musika eskaintzan. Aukeratu dituzten beste hamaika proposamenek euskal musikaren izaera plurala azpimarratzen dute.
-
Zentro bat musika ikerketari | 2018-10-10, Berria
Baionako Artearen Hirian, Basque Anthropological Research Institute on Music, Emotion and Human Societies (Musika, Emozioak eta Gizarteak Ikertzeko Euskal Antropologia Institutua) estreinatua izan da urriaren 9an. Parisko Georg Simmel laborategiaren adar bat da. Denis Laborde da horgo zuzendaria.
-
Pascal Gaigneren ibilbidea aitortuko du V. Sade sariak | 2018-09-13, Berria
Sade zinema enpresak Pascal Gaigne musikagileari emango dio V. Sade saria, haren ibilbideren aitortza gisa, Donostiako Astoria 7 hotelean irailaren 14an.
-
Ez adiorik, Manex! - Kultura - Berria
Joan zaigu Landibarreko erresiñoleta, «amodioz beterik... berro sasietarik» hainbat kanta kantatu eta sortu dituena! Joan zaigu Manex Pagola! Eta hau erratearekin, sendimentuak nahastu egiten zaizkit: aldi berean pena eta esker ona.
-
«Belaunaldi orok behar du mintzabide propioa» - Kultura - Berria
"Bertsolaritzaren eta rockaren arteko harremana aztertu du Alberto Irazuk 'Rocka puntua!' saiakeran. Euskarak garaian garaiko «artefaktu berriekin» sinkronizatuta egon behar duela dio."
