Kultura proiektua
- euskal kulturaren alorrean, erabakitzaile instituzionalak kultura politika publikoen zehazten laguntzea;
- euskal kultur ondarearen zaintzea, transmititzea eta baloratzea;
- kultura eragileak laguntzea sorkuntzaren, formakuntzaren eta hedapenaren alorretan;
- euskal kulturari buruzko informazio osagai guziak hedatzea, komunikazio sare modernoen bidez.
Gaur egun, EKE erakunde egituratzailea bilakatu da euskal kulturaren garapen iraunkorrarentzat, Estatuak, Akitania-Berria Eskualdeak, Pirinio-Atlantikoetako Departamenduak eta 158 herri biltzen dituen Euskal Hirigune Elkargoak eman misio orokor baten karietara.
Sortu zenetik Uztaritzen kokatua izanik, EKE euskal kulturaren zainketan, transmisioan eta hedapenean ari da beraz, sorkuntza sustatzen duen ber. Alor anitzetan esperientzia duen talde profesional inplikatu bati esker, gaur egun EKE baliabide-zentro ezagutua da, bai eta ezinbesteko partaidea euskal kulturari doakionez.
EKE-ren kultura proiektua zazpi norabide estrategikoren inguruan egituratzen da:
- Kultura politiketan euskal kulturaren integrazioaren eta garapenaren laguntzea
- Publiko guzien informatzea eta sentsibilizatzea
- Kultura alor batzuen egituraketa eta garapena laguntzea
- Kultura ondare immaterialari buruzko ikerketaren eta ezagutzaren aberastea
- Mugaz gaineko kultura lankidetzaren eta euskal kulturaren ospearen azkartzea
- Estrategia numeriko bat garatzea
- Kultura elkarteen sostengatzea
Gehiago jakin
Euskal kultur erakundeko egoitzara etor daiteke publikoa - hitzordua hartuz gero haatik - astelehenetik ostiralera. 
Euskal kultur erakundeak bere lan sail ezberdinak aurkezten dituen dokumentua argitaratu du 2016ko irailean. Kartografia baten bidez, bere ekintzen banaketa erakusten du, eguneroko lan eremu guzietan.