Data
2012-07-27
Herria
Baiona (La Collégiale eliza - Santa Izpiritu (trein geltokiaren parean))
Tenorea

17:00

Prezioa
Sartzea urririk

Euskal kultur erakundeak antolaturik

Philippe de Ezcurra eta Aitor Furundarena, Bi eskusoinulari, bekoz-beko

Data
2012-07-27
Herria
Baiona (La Collégiale eliza - Santa Izpiritu (trein geltokiaren parean))
Tenorea

17:00

Prezioa
Sartzea urririk

Euskal kultur erakundeak antolaturik

Philippe de Ezcurra eta Aitor Furundarena, Bi eskusoinulari, bekoz-beko
Philippe de Ezcurra

Bi eskusoinulari, bekoz-beko : Philippe de Ezcurra eta Aitor Furundarena eskusoinulariekin. Ohiko Euskal musika eta musika garaikidearen bi artista famatuen topaketa.

 

  • Philippe de Ezcurra
Interpretatzaile, ereslari eta musika moldatzailea dugu Philippe de Ezcurra. Bederatzi urteetan hasten da akordeoiaren ikasten, eta hamahiru urte ditueneko jadanik taulagainean agertzen da ! Musika ikasketak egiten ditu Baionako eta Orsay auzoko kontserbatorietan. Hainbat sari eskuratzen ditu (analisiaren saria, konposaketarakoa, ganbara musika eta Myriam Bonninen eskolakoa,…). Ofizioa hobetzen du nazioartean goi maila daukaten akordeoilariekin, hala nola Friedrich Lips, Wadislav Semionov, Matti Rantanen eta Yugoslaviako maisua den Wladimir Tomic handiarekin. Pedagogia lantzen du Frantzian, Tolosako CESMD zentroan eta erakasle izaiteko Estatu diploma eskuratzen 2002an, eta ondotik Gaitasun egiaztagiria 2007an. Egun, Baionako Maurice Ravel kontserbatorioko erakasle da. Philippe de Ezcurra bakarka ari da, errepertorio zabal bat eskainiz, J.S. Bachetik Luciano Beriorainokoa. Bainan, beste anitz egitasmotan ere parte hartzen du, adibidez Maitane Sebastian biolontxelo-joilearekin, Beñat Achiary eta Ramon Lopez perkusio-joilearekin, eta azkenik Sendrez laukotearekin ere. Hamar bat urte hauetan, Philippe de Ezcurra joaiten da festibala ospetsu batzuetara, Frantzian eta Europan, kontzertu klasikoen, jazzaren edo munduko musiken alorretan.
  • Aitor Furundarena
Ordizian (Gipuzkoan) sortua, akordeoia ikasten du Carlos Iturralde, Max Bonnay eta Morgens Ellegaard-ekin, eta konposaketa F. Escudero et C. Ballif-ekin. Eskaintzen dituen obrek lengoaia moderno eta garaikide bat dakarte, oso “barnakorra eta psikologikoa”. Entzuleak gogoa ongi bildu behar du, soinu ilustrazio bakoitzaren sentsazioak ongi bereganatzeko. Helburu horrekin, musikariak musika tresnak dauzkan eginahal guziak miatzen ditu, soinu aberastasun oro jalgiarazteko gisan. Akordeoia erakasten du, ganbara musika (oroz gainetik tradiziozkoa eta herritarra) bai eta ere Transkripzioa, Euskal Herriko Goi mailako Musika Zentroan (Musikene). Baionako kontzertu honetan, bi maisu horiek elgarretaratuko dira, bekoz beko, akordeoien soinu bakoitzean, batak besteari ihardetsiz. Euskal musika, atzokoa eta gaurkoa…

Xehetasunak

  • Euskal kultur erakundeak eta Baionako Hiriak antolatu Kontzertu (A)tipikoak zikloaren karietara
  • Tfnoa : 05.59.93.25.25.

Kultura eragileak

Kultura agenda eskuratu emailez

Euskal kulturaren agenda (Astero)

Euskal kultur erakundeak (EKE) bere agendako edukiak edozein momentutan aldatzeko edo eguneratzeko eskubidea du.

Agendan argitaratuak diren informazioak ekitaldien antolatzaileek helarazi dizkigute, edo hainbat komunikazio kanalen bidez bilduak izan dira, hala nola, kultur eragile eta operadoreen sare sozialen bidez. EKEk ezin du zabaldutako informazioaren izaeraren, edota informazio oker edo osatu gabearen erantzule izan. Halaber, agendako ekitaldien azalpen-testuak ekitaldi horien antolatzaile eta egile diren eragileen ardura dira bakarrik.

Ahal den neurrian, antolatzaileek beren ekitaldien komunikazioa egiteko erabiltzen dituzten ilustrazio-irudiak agendan baliatuak dira, irudi horien egilearen kreditua edo, halakorik ezean, antolatzailearen izena aipatuz. Kasu honetan ere, EKE ez da eduki horien izaeraren eta hedapenaren erantzule izanen. Ilustraziorik ez bada, EKEk agendako ekitaldiak berak hautatu irudi kreditatuekin ilustratzeko eskubidea du.