Featured image
Jakes Larre
Transmisio eta Komunikazio poloko egitasmoen koordinatzailea

"Euskal kulturaren eguna" Maurice Ravel Kontserbatorioan

2017/01/11
Featured image
Jakes Larre

2017/01/11

Bostgarren urtearentzat, Maurice Ravel kontserbatorioak eta Euskal kultur erakundeak "Euskal kulturaren eguna" antolatzen dute 2017ko urtarrilaren 25ean, 9:30etatik 17:00ak arte, Herri Soinu elkartearen partaidetzarekin. Aurten, gomitatu dituzte Garikoitz Mendizabal (txistularia) eta Aitor Furundarena (akordeoilaria) bikotea, "Bi poliedro" deitu diskoaren inguruan. Ohizko errepertorioak berrikusiz, bi artista hauek musika perspektiba berriak urratsen dituzte. Mahai-inguru bat antolatua izanen da bi artista hauekin, ohizko musiken erakaskuntzaz, irakasleei idekia eta master-class ekitaldi batek osatuko duena.

"Euskal kulturaren eguna" Maurice Ravel Kontserbatorioan
Argazkia: Séverine Dabadie

Egunaren harat-hunatak

  • 9:30: Ongi etorria
  • 10-12:00: Mahai-ingurua : Zer erakaskuntza ohizko musikentzat gaur egun ? Esperientzien trukaketa, idatziaren eta ahozkoaren arteko errepertorioak, kontserbatorioko ikasleek eman musika zati batzuekin batera.
  • 13 :30-16:00 : Master-Class, kontserbatorioko ikasleekin (akordeoia, txistua)
  • 16:00 : Amaierako musika eskaintza

Parte-hartzaileak: Euskal kultur erakundea, Herri Soinu (Uztaritze), Dantza eta musika elkarteen Federazioa, Philippe de Ezcurra, Garikoitz Mendizabal et Aitor Furundarena musikariak.

2 POLIEDRO

Aitor Furundarenak eta Garikoitz Mendizabalek musikarekin marrazten eta margotzen dute ; kaleidoskopio baten moduko marrazkiak, forma poliedrikoez, koloreak uztartuaz, bolumenak sortuaz, eta guzti honen bitartez, emozio berri eta biziak sentiaraziaz. Txistua eta akordeoia dituzte pintzel: hauspoa, haizea, botoiak, zuloak, partxeak... etengabeko jolasean murgiltzen dira biak, bat eginda, interprete eta tresna bakarra bailira. Erdi aroko musika, berpizkundekoa, barrokokoa, hainbat herritako folklorea, Sarasate, Vivaldi, Guridi... musikan mugak norberak ipintzen ditu, tresnak berak baino askoz gehiago. Akordeoia eta txistuaz edozer adieraz daiteke: arnasa ematen dieten musikariek adierazi nahi duten edozer.

Xehetasunak

 

Harpidetu doan gure buletinera

Euskal kultur erakundearen berripapera (Hilabetean behin)