Neguko eta inauterietako tradizioak eta praktikak Euskal Herrian
Euskal Herri guzian, urtero, negu minean, jende anitzek galtzeko bidean ikusten zituzten tradizio andana bat bizitasun harrigarriz berriz indartzen ari dira.
Gaur egun, aktoreek, sortzaileek, pedagogoek eta ikusleek inauterietako errito, besta eta praktika horien kodeak galdezkatzen dituzte, Tradizioa eta Asmamena elkarrekin ongi joaten direlako.
Horrela, Elkar argitaletxeak argitaratu Thierry Truffaut eta Patxi Beltzaiz-en "Ilunpetik argira, Ihauteri" liburua idatzia izan delarik, beste behin ere transmisioaren beharra ardatz nagusietarik bat bezala agertu da, bizitasun horren sustatzeko.
Badu aspaldi Euskal kultur erakundeak ere arrangura bera baduela. Hori dela eta, partaidetza bat bidean ezarri dugu, inauterien inguruko ohiturei buruzko sareko txosten berezi honen sortzearekin gauzatu dena. Txosten honen xedea dokumentazio eta informazio behar ezberdinei erantzutera entseatzea da.
Gaiaren sakontzeko bideak
Denborarekin aberastuak izanen diren bost atal kontsultagarri dira jadanik.
Fokus tematikoak
Inauterien inguruko ohiturei (ipar Euskal Herrikoak bereziki) buruzko ikuspegi ezberdinak eskaintzen dituzten artikuluen galeria eta fokus tematikoak.
Gehiago jakin
Lekukotasunak
Mintzoak.eus ipar Euskal Herriko ahozko memoriaren atarian bilduak diren ikus-entzunezko lekukotasun batzuen hautaketa, ohitura horiek bizi (izan) dituztenak entzuteko parada ematen dutenak.
Gehiago jakin
Baliabide bankua
Urtaroetako errituen gaiari buruzko jakitatea sakontzeko dokumentuak eskaintzen dituen baliabide biltegia.
Gehiago jakin
Gaia landu ikastetxean
Tresna-ontzi pedagogiko bat joanen gara elikatzen, ikastetxeetan errituen gaia lantzeko pistak ematen dituena..
Gehiago jakin
Errituen agenda
Gertakari erritualen datak zerrendatzen dituen Ipar Euskal Herriko agenda.
Gehiago jakin
Thierry Truffaut (1957, Baiona, Lapurdi) antropologoa da, animatzailea, eta batez ere ihauterizale amorratua. Dentsitate handiko lanen autore, Lapurdiko ihauterien XX. mendeko biziberritzean parte hartu du eta berantago ikertu. Atal honen osatzeko urratsetan, hau da neguko errituei eta ihauteriei buruzko baliabideen bilketan laguntza handia ekartzen digu.
