Komedien historiaz
- Data
- 2019-12-03
- Herria
- Hazparne (Pierre Espil mediateka)
- Tenorea
18:00
- Hizkuntza
- Euskara
- Prezioa
- Urririk
Euskal kultur erakundearen partaidetzarekin
Hazparnek toki premiatsua ukan zuen euskal teatroaren historian. Herria astekaria urtez urte miatuz, Daniel Landartek egin duen ikerlanak bereziki mende laurdena (1945-1970) hunkitzen baldin badu ere, euskal komedien mogimendua 1920ean hasi zen. Pierre Duhour Hazparneko berriketari zenaren arabera, Haritz-Barnen, komediak urte guziz baziren, bai mutikoek, bai neskatoek emanik. Piarres Larzabal, Hazparnen bikario egon baitzen, haren teatro obrek fama oraino handiagoa bildu zuten, hala nola Etxahun eta Bordaxuri antzerkiek.
“Komediaz komedia Lapurdin eta Baxenabarren” deitzen den delako ikerlana Elkar argitaletxeak berrikitan plazaratu baitu, haren aurkezpena mintzaldi moldean eskainia izanen zaizue. Testua, Daniel Landartek berak idatzia du, eta irakurleak izanen dira: Monika Legarto, Lorentxa Saragueta, Pantxoa Etchegoin eta Frantxua Harriague.
Iraupena: oren bat, sartzea kitorik
Mintzaldiaren ondotik, Herriko Etxeak edateko zerbait eskainiko du. Denbora berean, liburua salgai izanen da, eta idazleak, gogotik, izenpetuko du.
Xehetasunak
- Antolatzailea: Hazparneko Herriko Etxea
- Euskararen Nazioarteko Eguna kari
Kultura eragileak
Kultura agenda eskuratu emailez
Euskal kulturaren agenda (Astero)
Euskal kultur erakundeak (EKE) bere agendako edukiak edozein momentutan aldatzeko edo eguneratzeko eskubidea du.
Agendan argitaratuak diren informazioak ekitaldien antolatzaileek helarazi dizkigute, edo hainbat komunikazio kanalen bidez bilduak izan dira, hala nola, kultur eragile eta operadoreen sare sozialen bidez. EKEk ezin du zabaldutako informazioaren izaeraren, edota informazio oker edo osatu gabearen erantzule izan. Halaber, agendako ekitaldien azalpen-testuak ekitaldi horien antolatzaile eta egile diren eragileen ardura dira bakarrik.
Ahal den neurrian, antolatzaileek beren ekitaldien komunikazioa egiteko erabiltzen dituzten ilustrazio-irudiak agendan baliatuak dira, irudi horien egilearen kreditua edo, halakorik ezean, antolatzailearen izena aipatuz. Kasu honetan ere, EKE ez da eduki horien izaeraren eta hedapenaren erantzule izanen. Ilustraziorik ez bada, EKEk agendako ekitaldiak berak hautatu irudi kreditatuekin ilustratzeko eskubidea du.
