NDF & KUARTETO PHILIPERENA.
- Data
- 2026-10-04
- Herria
- Bilbo (Arriaga antzokia)
- Tenorea
19:00
- Hizkuntza
- Euskara
- Prezioa
- 17€-30€
Iturria: Kulturklik.eus ataria
2015eko azaroaren 22an, Oskorrik agur esan zion bere ibilbide luzeari, hemen, Arriaga Antzokian, bi kontzertu gogoangarrirekin. Natxo de Felipek (aurrerantzean, NDF) sortutako taldeak mila bira eman zizkion munduari, 1971ko martxoaren 25eko lehen emanaldi hartatik. 45 urtean, ekoizpen-bolumen izugarri handia eman zuen: 500 kantu baino gehiago, 38 diskotan argitaratuak. Baina, jende askok ez daki oso abesti onak geratu zirela argitaratu gabe, maketetan ahaztuta. Taldea erretiratu zenean, NDFk profezia hau bota zien taldekideei: «Egunen batean, zuen lotsarako, berpiztu egingo ditut kantu abandonatu horiek». Iritsi da une hori.
Natxoren seme eta Euskadiko Orkestrako egungo concertino-laguntzaile Xabier de Felipek, «Philiperenatarren» burugogorkeria famatua arrandiaz erakutsiz, aita-semeen arteko tratu hau egin zuen: semeak moldatzaile bikain bat fitxatzen badu, laukote bikain bat biltzen badu eta operazioaren gidaritza hartzen badu, NDFk berriro abestuko ditu krudelki abandonatutako kantu haiek. Bete egin da profezia. 15 kantu berreskuratu eta grabatu dituzte, eta prest daude NDFrekin batera kontzertuan jotzeko. Horrela sortu zen NDF & KUARTETO PHILIPERENA. «Oskorriarrek», orduan barre egin bazien ere lider zaharraren burutazioei, orain antsiaz, harriduraz eta plazer-puntu batez begiratzen diote abentura berri honi.
Xehetasunak
Kultura agenda eskuratu emailez
Euskal kulturaren agenda (Astero)
Euskal kultur erakundeak (EKE) bere agendako edukiak edozein momentutan aldatzeko edo eguneratzeko eskubidea du.
Agendan argitaratuak diren informazioak ekitaldien antolatzaileek helarazi dizkigute, edo hainbat komunikazio kanalen bidez bilduak izan dira, hala nola, kultur eragile eta operadoreen sare sozialen bidez. EKEk ezin du zabaldutako informazioaren izaeraren, edota informazio oker edo osatu gabearen erantzule izan. Halaber, agendako ekitaldien azalpen-testuak ekitaldi horien antolatzaile eta egile diren eragileen ardura dira bakarrik.
Ahal den neurrian, antolatzaileek beren ekitaldien komunikazioa egiteko erabiltzen dituzten ilustrazio-irudiak agendan baliatuak dira, irudi horien egilearen kreditua edo, halakorik ezean, antolatzailearen izena aipatuz. Kasu honetan ere, EKE ez da eduki horien izaeraren eta hedapenaren erantzule izanen. Ilustraziorik ez bada, EKEk agendako ekitaldiak berak hautatu irudi kreditatuekin ilustratzeko eskubidea du.
