Patxi Beltzaiz - "La danza de los diablos"

Mexikon, Guerreron. Urtero, la danza de los diablos egiten dute Cuajinicuilapa izeneko herrixkan «hilen besta» ospatzeko. Besta hutsaz haratago, mendetako tradizioa da hori, non beltz-tratularitzaren iragana berriz sartzen den ezkutatu nahi dutenen gogoetan: Mexikoko alde horretako biztanle gehienak afrikar jatorrikoak dira, esklabuen ondorengoak. Arbasoen ondarea aldarrikatzen duen dantza da, atzoko esklabuei afromexikarrak direla goraki errateko aukera ematen diena.
Patxi Beltzaiz argazkilari-kazetaria da Mediabask komunikabidean, eta dokumental-argazkilaria.