Euskal kultur erakundeko Biltzar Nagusia

2006/02/27

Euskal kultur erakundeko ohiko Biltzar Nagusia datorren martxoaren 18an iraganen da, goizeko 10:00etatik goiti, Baigorriko "Plaza Xoko" areto berrian. Joan den urteko bilana egiteko eta norabideetaz eztabaidatzeko parada.

Euskal kultur erakundeko Biltzar Nagusia

Euskal kultur erakundeko Biltzar Nagusia urtero ipar Euskal Herriko herri ezberdin batean egiten da, erakundearen lan eremuaren arabera. Iaz Donapaleun izan ondoren, aurten Baigorrin iraganen da.

Solasgaiak hauek izanen dira :

  • Baigorriko Lambert jaun auzapezaren ongi etorria eta Mikel Erramouspe erakundeburuarena,
  • 2005eko kultura ekintzen eta diru konduen aurkezpena,
  • Michel Fagoaga jauna, kontu ikustatzailearen txostena,
  • Elkarteen urtesariaren finkatzea,
  • Eztabaida eta onarpena,
  • Euskal kultur erakundea eta 2020ko Euskal Herriko lurralde egitasmoa, euskal kulturaren alorrean,
  • Galde erantzunak.

Biltzar hori interesatuak diren pertsona guziei irekia da : elkartei, artistei, hautetsiei baina ere jendarte zibileko pertsonei.

Iazko aktibitateen bilduma egiteaz gain, gogoeta gune bat izan nahi du, Euskal kultur erakundearen inplikazioaz Euskal Herria 2020 lurralde proiektu mailan (solasgaietan aurreikusi bezala) baina ere orokorkiago.

Bozkatua izan ondoren, ekintzen bilduma www.eke.org/eke/helburuak webgunean telekargatzen ahalko da.

Xehetasunak :

  • Euskal kultur erakundea : 05.59.93.25.25.

Harpidetu doan gure buletinera

Euskal kultur erakundearen berripapera (Hilabetean behin)