Featured image
Frank Suarez
Egitasmo arduraduna - Ikusgarrigintza, zinema & mugazgaindiko proiektuak

Euskal antzerkia Iparraldean ibilki

2019/04/06
Featured image
Frank Suarez

2019/04/06

Seigarren urtez segidan, Ibilki dispositiboaren bitartez, Euskal kultur erakundeak euskarazko antzerkiaren hedapena sustatzen du ipar Euskal Herrian. Programatutako hamar antzezlanen bidez, ikusleek euskal antzerkiaren kalitatea eta aniztasuna deskubritzeko parada badute. Datozen asteetan ere hainbat antzezlan ikusteko parada izanen da, hala nola, Bidarten, Donibane Lohizunen eta Hendaian.

Euskal antzerkia Iparraldean ibilki

Ibilki dipositiboaren seigarren edizioaren lehen emankizunarentzat, Axut! konpainia igo zen taula gainera Zazpi senideko antzezlana aurkeztera, martxoaren 3an, Hiriburuko La Perle gelan.

Martxoaz geroz, hamar bat konpainia ari dira Iparraldeko toki ezberdinetan. Aurten, publiko gazteari zuzendu emanaldiak dira, besteak beste, Ilargi arrantza antzezlana, 5 urtetik goitiko haurrentzat eta Behin bazen internet, 7 urtetik goitiko haurrentzak.

Euskal kultur erakundeak lekuko programatzaileen ekintzak koordinatzen ditu eta dispositiboaren komunikazioaz arduratzen da. Ibilki dispositiboaren karietara biltzen den sare aktiboa, euskarazko antzerkiaren alde engaiatzen da, Mauletik Hendaiara, Senperetik, Bastidatik, Hiriburutik, Donibane Lohizunetik, Bidartetik, Miarritzetik, Angelutik eta Baionatik pasatuz.

Egitaraua elkarrekin egiten da, bakoitzaren ahalak eta gaitasunak elkartuz, euskal antzerkiaren bizitasuna, ahalik eta publiko zabalenari ezagutarazteko asmoz.

Egitaraua

  • 2019ko martxoaren 3a, 17:30, La Perle gela (Hiriburu): Zazpi Senideko, Axut!
  • 2019ko martxoaren 24a, 16:30, Larreko gela (Senpere): Euskal musikaren benetako istorioa, Ez dok hiru
  • 2019ko martxoaren 24a, 18:00, Miarritzeko Gaztetxea: Zazpi senideko, Axut!
  • 2019ko apirilaren 10a, 15:30, Beheria antzokia (Bidarte): Ilargi arrantza, Banakike konpainia
  • 2019ko apirilaren 17a, 20:30, Ravel entzutegia (Donibane Lohizune): Zazpi senideko, Axut!
  • 2019ko apirilaren 19a, 20:30, Mendi Zolan gela (Hendaia): Anton Abbadia, Metrokoadroka - Chimères - Loraldia
  • 2019ko maiatzaren 4a, 16:00, Bastidako plaza: Bidea, Jour de fête compagnie
  • 2019ko maiatzaren 17a, Mai en scène festibala (Maule): Oxido, Pez Limbo
  • 2019ko maiatzaren 18a, 16:30, Mai du théâtre festibala (Hendaia) : Muxua, Ttanttaka Konpainia
  • 2019ko urriaren 7a, 14:30, La Perle gela (Hiriburu): Behin bazen internet, 13R3P - Itzuli konpainia
  • 2019ko urriaren 8an, 14:30, Michel Portal antzokia (Baiona): Ghero, Tartean teatroa
  • 2019ko urriaren 13a, 16:00, Bidarteko plaza: Bidea, Jour de fête compagnie
  • 2019ko urriaren 15etik 19ra, Quintaou antzokia (Angelu): Zaldi Urdina, Artedrama - Debaju Panpin Laborategia - Axut!
  • 2019ko abenduaren 13a, 20:30, Mendi Zolan gela (Hendaia): Zaldi urdina, Artedrama -Dejabu Panpin Laborategia - Axut!

Xehetasunak

Harpidetu doan gure buletinera

Euskal kultur erakundearen berripapera (Hilabetean behin)