Kultura ekoizpen andana bat, Itsasuko agiriaren urtebetetze kari

2013/04/12

Fred Berruet

agenda@eke.eus

2013/04/12

60. hamarkadan ipar Euskal Herrian gertatu kultura eta sozial berritzearen urtemugaren ospatzea, oihartzun frango izaten ari da kultura mailan. Berriki argitaratuak izan diren liburuen artean adibidez, Daniel Landart-en Enbataren zirimolan eta Jon Etcheverry-Ainchart eta Peio Etcheverry-Ainchart-en Le mouvement Enbata. Bestalde, Ramuntxo Garbisu-ren Sur les pas de Jakes dokumentala sarean ezarri dute ikusgai.

Kultura ekoizpen andana bat, Itsasuko agiriaren urtebetetze kari — Argazkia: Nicolas Mollo - Kazeta.info

Enbata Zirimolan (Elkar - 2013) deitu bere liburu berrian, Daniel Landart idazle, antzerki zuzendari eta Euskal kultur erakundeko zuzendari-orde ohiak Enbata mugimenduaren historia kontatzen digu, bere oroitzapen pertsonaletan oinarrituz. Halaber, Peio Etcheverry-Ainchart historialariak eta Jon bere aitak elkarrekin idatzi duten Le mouvement Enbata. À la source de l’abertzalisme du Nord (Elkar - 2013) liburuak mugimendu abertzalearen sortzaileak omentzen ditu.

Aipatzekoa da ere 2012an Ramuntxo Garbisu-k egin Sur les pas de Jakes dokumentala berriki sarean ezarria izan dela. Filmak, Enbata-ren sortzaileetarik bat izan den Jakes Abeberry-ren ibilbidea du aipagai.

Xehetasunak

Daniel Landart-en Enbataren zirimolan liburuaren irakurketa Biarritzeko Mediatekan
Jon et Peio Etcheverry Ainchart Le Mouvement Enbata liburuaren aurkezpena Elkar megadendan
Sur les pas de Jakes