Hemen zaude: Hasiera Albisteak "Irudimena" sormen-lehiaketan parte hartzeko azken egunak!

"Irudimena" sormen-lehiaketan parte hartzeko azken egunak!

2013/04/30

Hirugarren aldiz, Euskal kultur erakundeak eta Azkue Fundazioak "Irudimena" sormen-lehiaketa antolatu dute. Gure baitako sormenaren bultzatzaile izan nahi duen lehiaketa hau maiatzaren 15ean bururatuko da. Parte hartu lotsarik gabe!

Aitzineko edizioetan parte-hartzaileek argazki batzuetan oinarritu behar bazuten ere (ikus 2011ko eta 2012ko lehiaketen emaitzak) sormen lan baten ontzeko, aurten, lehen aldiz, soinu bat hautatu beharko dute antolatzaileek proposatu zerrendan. Aukeran diren 8 soinu horiek soinumapa.net Euskal Herriko soinu mapa egitasmotik datoz

Hautatzen duen soinuan oinarrituz hiru aukera ditu parte-hartzaileak :

  • soinu berri bat sortzea (edozoin motakoa, musika, kantua, arrabotsa, nahasketa...),
  • euskarazko testu bat idaztea (edozoin generotan, poesia, narrazioa, deskripzioa, bertsoak...)
  • irudi berri bat egitea (argazki, marrazki edo margo bat eginez...).

Parte hartu! Sari frango bada irabazteko.

"Irudimena" sormen lehiaketa Euskal kultur erakundeak antolatu "Hogei'ta" programaren karietara antolatua da.

Gehiago jakin