Hemen zaude: Hasiera Albisteak Zazpi probintzietako gizon abesbatza kantari

Zazpi probintzietako gizon abesbatza kantari

2012/09/02

Kantuzale guziak kontzertu paregabe batetara gonbidatuak dira heldu den irailaren 8an, 20:30etan Baigorriko elizan. Izan ere Euskal Herriko zazpi probintzietatik jinikako zazpi gizon koru arituko dira kantuz Irulegiko mahastizainen bestaren karietara.

Euskal kultur erakundeak bere laguntza ekarri die Irulegiko mahastizainen bestaren antolatzaileei aparteko kontzertu honetan arituko diren zazpi abesbatzen biltzeko. Hauek dira (ikus ere taldeen aurkezpena) Baigorriko elizan entzuten ahalko direnak:

  • Voces graves (Iruñea - Nafarroa)
  • Ertizka Otxotea (Donostia - Gipuzkoa)
  • Santa Lucia abesbatza (Laudio - Araba)
  • Garaizar'ko Matsorriak (Bilbo - Bizkaia)
  • Nekez Ari (Baxenabarre)
  • Xiberoko Zohardia (Zuberoa)
  • Bihotzez (Lapurdi)

Kontzertua aitzin ere 14:30etatik goiti, talde horien entzuteko parada izanen da Irulegiko sotoen idekitzea alaituko baitute.

Xehetasunak

Kontzertuan arituko den Bihotzez korua (argazkia: Bihotzez)