Hemen zaude: Hasiera Albisteak

Albisteak

Ahozkotasunari buruzko 2018-2019ko mintegia Baionan

Ahozkotasunari buruzko 2018-2019ko mintegia Baionan

2017an emana izan zaien "Etnopolo" labelaren karietara, Euskal kultur erakundea-k eta EHESS eskolak, ahozkotasunari buruzko bigarren mintegia antolatzen dute Baionan, bederatzi hitzorduz osatua. Lehen hiru hitzaldiak 2018an iragan ondoan, 2019an ere hainbat hitzordu proposatuak dira Euskal Museoan. Urririk dira eta deneri irekiak.

Gehiago irakurri

Donibane Lohizuneko herri-memoriaren lekukotasunak mintzoak.eus webgunean

Donibane Lohizuneko herri-memoriaren lekukotasunak mintzoak.eus webgunean

2012an, Donibane Lohizuneko herriko etxeak bilketa bat sustatu zuen hiriaren memoria atxikitzeko, hainbat arlo aztertuz: eskulangintza, bizi ekonomikoa, soziokulturala eta kirola adibidez. Lekukotasun guziak Mintzoak.eus plataforman ikusgai dira orain, herriaren eta Euskal kultur erakundearen arteko partaidetza bati esker.

Gehiago irakurri

Maite Barnetche kazetariaren altxorrak Euskal kultur erakundean ikusgai

Maite Barnetche kazetariaren altxorrak Euskal kultur erakundean ikusgai

Euskal kultur erakundeak eta INA - Frantziako entzun-ikusen erakundeak (Tolosako adarra - INA Délégation Pyrénées) lan amankomuna abiatu zuten 2017an Maite Barnetche (1941-1986) kazetariak 1971 eta 1985 artean zuzendu "Euskal Herria Orai eta Gero" telebista emankizunen baloratzeko. Elkarlan horren ondorioz EKE-ko egoitzan, Uztaritzen, kontsultagarri dago funts paregabe hori.

Gehiago irakurri

Horra, horra, gure Olentzero !

Horra, horra, gure Olentzero !

    2018/12/18

    Urte bukaera eta Eguberriko lilura hor ditugu. Parada ezinhobea Euskal kultur erakundeak "Olentzeroren lagunak" elkartearen partaidetzarekin garatu web atal bereziaren deskubritzeko eta itxaropenezko mezua dakarren pertsonaia mitiko horren egiazko aurpegiaren ezagutzeko.

    Gehiago irakurri

    Lapurdiko, Baxenabarreko eta Zuberoako herri kontakizunen bilketa eta azterketa

    Lapurdiko, Baxenabarreko eta Zuberoako herri kontakizunen bilketa eta azterketa

    Abenduaren 20an, arratsaldeko 18:00etan, Deustuko Unibertsitateko Maialen Moreno Zubeldia Euskal filologia doktoreak mintzaldi bat eskainiko du Baionako Euskal Museoan. Lapurdiko, Baxenabarreko eta Zuberoako herri kontakizunen bilketa eta azterketa izanen du aipagai. Euskal etnopoloaren labelaren karietara antolatu ahozkotasunari buruzko mintegiaren baitan.

    Gehiago irakurri

    Euskal kultur erakundeko 2019ko kultura egitasmoa: elkarte-kideen partaidetza eskaeren inguruko erabakiak

    Euskal kultur erakundeko 2019ko kultura egitasmoa: elkarte-kideen partaidetza eskaeren inguruko erabakiak

    2018/12/10

    120 partaidetza eskaera inguru eskuratu ditu Euskal kultur erakundeak bere elkarte-kideen ganik. Euskal kultur erakundeko lantalde profesionalak txostenak aztertu ditu eta 2019ko urtarrilaren 26an biltzekoa den administrazio kontseiluak deliberoak hartuko ditu.

    Gehiago irakurri

    Artista amaturrak, artista profesionalak: kuadro administratibo eta juridikoa

    Artista amaturrak, artista profesionalak: kuadro administratibo eta juridikoa

    Abenduaren 11n, 18:00etan, Euskal kultur erakundeak, Profession Sport & Loisirs eta Instep Aquitaine egiturek eraman DLA dispositiboak "Artista amaturrak / artista profesionalak: kuadro administratibo eta juridikoa, bakoitzaren lekua, elkarlan molde ezberdinak" gaiaren inguruko informazio gaualdi bat antolatzen dute Ikas pedagogia zerbitzuko egoitzan, Uztaritzen. Parte hartzea urririk da, baina izena eman behar da.

    Gehiago irakurri

    Durangoko Azokaren 53. edizioa

    Durangoko Azokaren 53. edizioa

    2018ko abenduaren 5etik 9ra, Durangoko Azokak bere 53. edizioa ospatuko du Bizkaitar hiriko Landako gunean. Gerediaga elkarte antolatzailearen eta Euskal kultur erakundearen arteko partaidetzaren karietara, Ipar Euskal Herriko argitaratzaileen hainbat ekoizpen deskubritzeko parada izanen da.

    Gehiago irakurri

    Mozart eta bere gutunezko harremanak

    Mozart eta bere gutunezko harremanak

    2018ko azaroaren 18an Hazparnen eta abenduaren 9an Maulen, Mozart-en gutunezko harremanen inguruko bi musika eta literatura hitzordu proposatuak dira. Musika Iparraldeko Orkestraren esku izanen da. Euskarazko testuak aldiz, Txomin Heguy-k irakurriko ditu. Euskal kultur erakundea partaide da.

    Gehiago irakurri

    Xilabaren finala Baigorrin

    Xilabaren finala Baigorrin

    2018/11/27

    Taldekako Xilaba-ren finala abenduaren 1ean jokatuko da Baigorriko Plaza Xoko gelan, "Mattinsalto" eta "Dilindan" taldeen artean. Saioa 18:00etan hasiko da, eta ondotik afaria izanen da Manexenea ostatuan. Euskal kultur erakundea partaide da.

    Gehiago irakurri

    Mikel Laboaren omenez

    Mikel Laboaren omenez

    2018ko abenduaren 1ean, Euskal Herri guzian hainbat ekitaldi antolatuak dira Mikel Laboaren heriotzaren 10. urtemuga kari. Ipar Euskal Herrian ere, omenaldirik ez da faltako. Hala nola, Euskal kultur erakundearen partaidetzarekin, Musikas musika eskolak egun berezi bat antolatuko du Uztaritzen. Halaber, Baionako Euskal Museoan ere omenaldi bat antolatuko da egun berean. Horrez gain, Maialen Alfaro eta Philippe Albor herriz herri dabiltza "Izarren Hautsa" ikusgarria aurkezten.

    Gehiago irakurri

    Egile eskubideak ikusgarrigintzan

    Egile eskubideak ikusgarrigintzan

    Azaroaren 29an, 18:00etan, Euskal kultur erakundeak eta Profession Sport & Loisirs eta Instep Aquitaine egiturek eraman DLA dispositiboak Autore eskubideak ikusgarrigintzan gaiaren inguruko informazio gaualdi bat antolatzen dute Uztaritzeko Lapurdi gelan. Gaualdia, Combustible bulegoko Carine Puyo andereak animatuko du. Parte hartzea urririk da, baina izena eman behar da.

    Gehiago irakurri

    Mintzaldia Alemanian preso egon diren lehen Mundu gerlako 10 euskaldunen  grabaketen inguruan

    Mintzaldia Alemanian preso egon diren lehen Mundu gerlako 10 euskaldunen grabaketen inguruan

    Azaroaren 28an, asteazken arratsaldeko 18:30etan, Maite Deliart-ek mintzaldi bat eskainiko du Uztaritzeko Lapurdi gelan. Euskal kultur erakundeko Ahozko ondarearen balorizazio arduraduna Lehen Mundu gerlan Alemanian preso ziren 10 euskal presoen grabaketen inguruan mintzatuko da. Halaber, Mondragon Unibertsitateko 2 ikaslek egin Maitia nun zira ? dokumentala ikusten ahalko da. Ekitaldia UztaHitzan festibalaren barnean antolatua da.

    Gehiago irakurri

    Feillet ahizpen hobeki ezagutzeko bi mintzaldi Baionan

    Feillet ahizpen hobeki ezagutzeko bi mintzaldi Baionan

    2018ko azaroaren 20 eta 27an, bi mintzaldi antolatuak dira Blanche eta Hélène Feillet emazte margolari aitzindarien obra hobeki ezagutzeko. Azaroaren 20an Florence Calame-Levert frantses ikerlaria eta 27an Maria José Aranzasti euskal historialaria mintzatuko dira. Ziklo hau Euskal kultur erakundeak, Bilketa sareak eta Baionako Mediatekak antolatzen dute.

    Gehiago irakurri

    Zinegin 2018

    Zinegin 2018

    Zinegin festibalaren 7. edizioa 2018ko azaroaren 22tik 25ra iraganen da. Aurtengoa, edizio berezia izanen da, Hazparnen ez ezik, Donapaleun eta Urruñan iraganen baita. Usaian bezala, euskarazko hainbat film ikusteko parada izan da. Euskal kultur erakundea partaide da.

    Gehiago irakurri

    Euskal Kultur Erakundea "948 Merkatua–Nafarroako arteen Merkatua"-ren bigarren edizioan

    Euskal Kultur Erakundea "948 Merkatua–Nafarroako arteen Merkatua"-ren bigarren edizioan

    Mugaz gaindiko kultura lankidetza sailaren kari, Euskal kultur erakundeak 2018ko azaroaren 21, 22 eta 23an Iruñan iraganen den 948 Merkatua-Nafarroako arteen Merkatuan parte hartuko du, hainbat proposamen artistikoren bidez. Horrez gain, hitzaldi bat eskainiko du Etxepare Institutuarekin batera Aquitaine.eus programaren aurkezteko. EKEk ekitaldi horretan parte hartzen du Aquitaine.eus programaren karietara eta Akitania Berria eskualdeko kultura agentzia bezala.

    Gehiago irakurri

    Euskal ipuin tradizionalen berridazketaz

    Euskal ipuin tradizionalen berridazketaz

    Azaroaren 22an, 18:00etan, Baionako Euskal museoan, Errusiako Zientzien Akademiako hizkuntzalaritza Institutuko Natalia Zaika ikertzailea XIX. mendeko euskal ipuin tradizionalen berridazketaren historiaz mintzatuko da. Euskal etnopoloaren labelaren karietara antolatu ahozkotasunari buruzko mintegiaren baitan.

    Gehiago irakurri

    Euskal sorkuntzaren leihoa Bordelen

    Euskal sorkuntzaren leihoa Bordelen

    Udazken honetan ere, Bordele aldeko Le Rocher de Palmer kulturguneak euskal kulturari leihoa zabalduko dio. Aurtengoan, Patxi Laskarai argazkilariaren erakusketa bat izanen da ikusgai azaroan zehar, eta Bilaka eta So.K. konpainien euskal dantza ikuskizunak eskainiko dira azaroaren 16ean. 

    Gehiago irakurri

    Bertsulari ikasleak Arnagan Edmond Rostand idazlea ospatzen

    Bertsulari ikasleak Arnagan Edmond Rostand idazlea ospatzen

    2018/11/07

    Edmond Rostand idazle eta antzerkilaria sortu zen duela 150 urte eta hil duela 100 urte. Urte guzian, Kanboko herriko etxeak ospakizun ezberdinak antolatu ditu : mintzaldiak, erakusketak, kontzertuak, sorkuntza artistikoak, etabar. Euskal kultur erakundearekin eraiki partaidetzari esker, ikuskizun horietan bertsulariek ere toki bat ukanen dute, Kanboko Errobi ikastolako 6 ikasle gaztek bertsu batzu prestatu baitituzte artista handi honen ibilbide ezberdinen inguruan. Egin dituzten bertsuak aurkeztuak izanen dira, 2018ko azaroaren 9an, arratsaldeko 17:30etan, Arnagan (Orangerie gelan). 

    Gehiago irakurri

    Euskal Hitzorduak #3 Biarritzen

    Euskal Hitzorduak #3 Biarritzen

    2018/11/05

    2018ko azaroaren 2tik 11ra, Malandain Ballet Biarritz-ek "Euskal Hitzorduak" izeneko euskal dantzaren inguruko gertakariaren hirugarren edizioa antolatuko du Biarritzen. Lehen bi edizioetan bezala, aniztasun handiko euskal dantzak deskubritzeko parada izanen da, tailer eta ikusgarri ezberdinen bidez. Euskal kultur erakundea partaide da. 

    Gehiago irakurri

    Harpidetu kultura agendari

    Emaila

     Euskal kultur erakundearen berripaperari harpidetzen naiz ere.

    Zure helbide elektronikoan atari honetako albisteak eta datozen gertakariak astero eskuratuko dituzu. Zure gustokoa ez bada edozein unetan harpidetza eten dezakezu, nehori azalpenik eman gabe.
    Harpidetzaz gehiago jakin [+]