Euskal Herriko hiriburuen gidak

Elkar argitaletxeak Euskal Herriko 7 hiribururi buruzko liburu sorta argitaratu du B1 maila errazean, audio-liburu eta guzti. Zazpi hiri, zazpi idazle, zazpi liburu. Liburuxka bakoitzak hirian barrena egiteko ibilbide bat proposatzen du, ikuspegi historikoa, urbanistikoa, kulturala, natura zalea… bilduz. Hirietara kanpotik hurbildutakoei, hiria ezagutzeko proposamen erakargarri eta berria eskaintzen zaie gida hauetan; bertako biztanleek, aldiz, ezezagunak zaizkien bitxikeria eta datuak topatuko dituzte.

Partaideak: Lutxo Egia, Bea Salaberri, Nerea Azurmendi, Patxi Zubizarreta, Enrike Diez de Ultzurrun, Allande Sokarros eta Nora Arbelbide idazleak eta Asisko Urmeneta eta Dom ilustratzaileak