Usopop festibalaren 5. edizioa Saran
2014ko maiatzaren 31n, Usopop festibalaren bosgarren edizioa ospatuko da Saran. Urtero bezala, antolatzaileek biziki egitarau erakargarria osatu dute, bertzeak bertze itxura ezin hobea duen Anari eta Aguxtin Alkhat-en arteko kolaborazio bat proposatuz. Aurten gainera, festibala hasierako tokira itzuliko da : Lizarrietako oihanera.
Aldaketa nagusi bezala, azpimarratzekoa da Usopop festibalaren edizio berri hau usaian baino goizago hasiko dela. Alabainan, Philippe Albor eta Patrick Fisher-ek sortu Musikolore ikusgarria 15:30etan hasiko da. Ondotik, Anari Alberdi kantari Azkoitiarraren eta Aguxtin Alkhat Heletarraren arteko emanaldi bereziaren aldi izanen da.
18:00etatik goiti aldiz, Mobydick Band (Amerikana - Getxo), Kid Wise (Okzitaniako Tolosa - Pop progresiboa) edota Sebastien Schuller (Pop-Elektro - Filadelfia) bezalako artistak preziatzeko parada izanen da.
Usopop festibala, Euskal kultur erakundearen laguntzarekin antolatua da.
Xehetasunak
- Usopop #5 - Prentsa Txostena
- Tfnoa : +33 (0) 610 752 171 / +33 (0) 670 077 656
- Usopop festibala
Harpidetu doan gure buletinera
Euskal kultur erakundearen berripapera (Hilabetean behin)
