Hemen zaude: Hasiera Albisteak Euskararen balorapen kulturalaz

Euskararen balorapen kulturalaz

2012/11/15

Euskaltzaindiak Baionan antolatu Jagon jardunaldien karietara, azaroaren 16an, Pantxoa Etchegoinek hitzaldi bat eskaini du Euskal kultur erakundeak 22 urtez eraman lanaz euskararen balorapenari begira.

Bere sorturtearen ondoko hamabost urteetan, Euskararen Erakunde Publikoa abiatu arte, euskalgintzan kulturan bezainbat lan eraman du Euskal kultur erakundeak: Herriko etxeentzat itzulpenak eginez, bide seinalakuntza sailean bereziki, Euskara Agerian liburuxkak argitaratuz, toponimian, etabar.

Euskaltzaindiak antolatu XVII. Jagon jardunaldien karietara (gaia: "Euskararen oraina eta geroa Ipar Euskal Herrian") Pantxoa Etchegoin EKE-ko zuzendariak nahi izan ditu 11 pundutan laburbildu erakundeak urtez urte obratu, lagundu edota kudeatu ekintzak euskararen eta kulturaren bidegurutzean, Iparraldean:

  1. Inkesta soziolinguistikoen jarraipena (1991n eta 1996an)
  2. Euskara agerian argitalpenak
  3. Euskararen hatsa erakusketa
  4. Hizkuntza guttituen topaketak
  5. Xirrixta haurrentzako aldizkaria
  6. Itzulpenak herriko etxeentzat
  7. 1996-97 urteak: bihurgune bat euskalkintzaren kudeaketan (Hizkuntza kontseiluaren eta ondotik Euskararen Erakunde Publikoaren sortzea eraginen zuten eztabaidak)
  8. EKE-k eraman ekintzak euskara toki berrietan sartzeko
  9. Ikusgarrigintzan eta teknologia berrietan egin ahalegin handiak
  10. Eleketa ahozko memoriaren bilketaren abiatzea
  11. Gazteei zuzendu "Hogei'ta" ekintza labela

Bere hitzaldia bururatzean EKE-ko zuzendaria eragile mota guztien arteko zubien eraikitzearen premiaz mintzatu da euskararen kultura balorapenaren geroa bermatzeko.

Xehetasunak