Lapurdiko ihauterien biziberritzea
Harremanetarako:
Mathias Olaso
Desagertzekotan egon direlarik XX. mende erdialdean, berpiztuak izan dira Lapurdiko ihauteriak 1970eko hamarkadaren bukaeratik goiti.
Lekukotasun bilduma
Ihauteri horiei buruzko lekukotasun-zati batzuk agerian eman ditugu Mintzoak.eus atariko bilduma baten. Erakusten digute bereziki belaunaldi berriek nola berenganatu duten tradizio hori.
Euskal kultur erakundeak 2007. urteaz geroztik daraman Eleketa ahozko memoriaren bilketaren karietara grabatuak izan dira lekukotasun horiek.
Bildumako pasarte bat
Bideo-irakurgailua ez bazaizu agertzen, otoi onartu estatistika eta marketin-cookieak. Gehiago jakin
Lapurtar ihauterien berpiztea
(Henri Duhau, 2012)
Gehiago jakin
- Lapurdiko ihauterien biziberritzea - Mintzoak.eus
Thierry Truffaut (1957, Baiona, Lapurdi) antropologoa da, animatzailea, eta batez ere ihauterizale amorratua. Dentsitate handiko lanen autore, Lapurdiko ihauterien XX. mendeko biziberritzean parte hartu du eta berantago ikertu. Atal honen osatzeko urratsetan, hau da neguko errituei eta ihauteriei buruzko baliabideen bilketan laguntza handia ekartzen digu.
