Gertaldi latzean, gertura laztan
1813ko azaroaren 10ean Urxuriko gudaldi odoltsua irabazi eta, uholdeek bortxatzen dute Wellington Senpereko apezetxean zenbeit egunez aiduru egoiterat. Estimuzko harremanetan sartzen dira, gero eta gehiago, lorda eta herriko erretore erregezalea.
Margaita deitu neskatxa euskaldun batek gordetzen du Arroxaeneko bordan Napoleonen armadako soldadu gazte zauritu bat. Etxaldeko biztanle baten erailketaz, Howard, ingeles markesaren ordenantzak kudeatzen du inkesta bat eta delako gomita ustekabekoa susmatzen Soult marexalaren espioi bat izaitea. Erretoreak erabakitzen du soldadua gordetzea eta Margaitak, amoratua, ez du entzun ere nahi atzerritar gaztea abandonatzea. Historiaren eta Euskal Herriko aldaketa sozialen zirimolan, Margaitaren eta Wellingtonen biziak gurutzatuz doatzi, ustekabeko topaketa batean.
Gehiago jakin
Jean Sauvaire. Mundu zabalean zehar ibili ondo, Euskal Herri bere andere esposaren sorterrian lekukotu da Jean Sauvaire, duela hamar urte. Bertako Historiaren eta Kulturaren zaletasunek sustatu dute euskararen ikasterat, AEK-k arduratu gau eskolen medioz.
Joxet Lahetjuzan. Azkaine – Sara – Senpere hirukotearra, bai sortzez, bihotzez ala izaitez, Joxet Lahetjuzan, gehienik bere amatxiek hitz egiten zuten euskaran haurretik trebatua, auzotar guziek arruntean erabiltzen zuten garai batean. Helduaroan, Baionako Euskal Unibertsitatean eginikako estudioek hezia. Artxiboen ustiatzen usatua.
Iparraldeko euskal literatura munduko eragileen errepertorioa kategoriatan sailkatuak (idazleak, argitaletxeak, programatzaileak, formatzaileak, baliabide zentroak...).
