"Mende berria kantuz" kontzertua

Euskaltzaindiaren mendeurrena ospatzeko, kontzertu berezia prestatu dute Bilboko Koral Elkarteko Euskeria Koruak, Paz de Ziganda Helduen Abesbatzak eta Iparraldeko Kontserbatorioko Koralak.

Mendeurrena aitzaki hartuta, guztiok ezagutzen ditugun euskal abestien bertsio koralak entzuteko aukera izango dugu (Ilargia, Gaztelugatxe-Oskorri, Euritan dantzan-Gatibu, Baga biga... eta beste asko). Ehun abeslari gazte, ehun urteak ospatu eta etorkizuna indarberrituta hasteko, euskal musikako talde eta abeslari famatuenen lanak abestuz, laukote instrumental baten laguntzarekin, eta publikoaren parte hartzearekin.