Hemen zaude: Hasiera Albisteak "Nekatoenea" euskal idazle egonaldia: 2019ko deialdia

"Nekatoenea" euskal idazle egonaldia: 2019ko deialdia

2019/05/09

Bederatzigarren aldikoz, Euskal Kultur Erakundeak, CPIE Euskal Itsasbazterrak eta Euskal Idazleen Elkarteak (EIE) beren baliabideak eta gaitasunak bateratzen dituzte hilabete bateko gazte literatura egonaldi baten antolatzeko Hendaian. Egonaldia euskal idazle guziei zuzendua da. Hautagaitza aurkezteko epea: 2019ko maiatzaren 27a.

Tokia: Nekatoenea – Abbadia Eremua - 64700 Hendaia
Datak: 2019ko udazkena
Iraupena: Hilabete bat
Artistari eman beka: 1000 euro

Artistaren aterbetzea

Tailer-apartamendu bat artistaren esku ezarria izanen da hilabete baterako Hendaiako Abbadiako Eremuan, « Nekatoenea » deitzen den baserri eraberrituan.

Ekoizpen eta balorazio baldintzak

Egitasmoak bi zati ukanen ditu, eta hauek beharko dira ongi errespetatu :

1-Gazte literatura sorkuntza (hilabete batez), Hendaiako "Nekatoenea" etxean 
Artistaren esku utziko da ekoizpen motaren eta lan gaien hautua, kontuan harturik literatura sorkuntza euskaraz eginen dela.

2- Ikasle gazteekin jarduera bat : ikasle talde batekin 2019-2020 ikasturtean, irakasleen eskaerari segituz. Lan honetan artista tarifak ordainduko izanen dira.

Hautaketa
Epaimahai batek du hautua eginen, hautagaitza txostenak aztertu ondoren. Partaide egitura bakoitzak ordezkari bat izendatuko duelarik epaimahaian parte hartzeko.

Hautagaitza aurkezteko epea: 2019ko maiatzaren 27a arte.

Txostenak (egitasmoa, CVa, erreferentzia literarioak, etabar) egor daitezke hiru helbide hauetara, edo mailez, edo postaz :

  • Euskal Idazleen Elkartea
    Euskal Idazleen Elkartea • Zemoria kalea, 25 • 20013 Donostia (Gipuzkoa)
    www.idazleak.eus - eie@idazleak.org - Tel.: 943 27 69 99
  • Euskal Kultur Erakundea
    etchegoin@eke.eus - Lota jauregia - 64480 Uztaritze Tel. 0033 5 59 93 25 25
  • CPIE Euskal itsasbazterra  (Aintzane Lasarte)
    www.nekatoenea.eu - alasarte@hendaye.com
    CPIE Euskal Itsasbazterra / Larretxea, Abbadiako eremua, rue Armatonde karrika, 64700 Hendaia
    Tel. 0033 5 59 20 37 20

Xehetasunak

Aitzineko idazle egonaldiak:

Argazkia: Jakes Larre (EKE)