Albisteak
"Belako Zaldüna" pastorala Maulen
2018ko uztailaren 29an eta agorrilaren 5ean "Belako Zaldüna" pastorala ikusten ahalko da Maulen. Jean Bordaxar-ek idatzi sorkuntza honek "Belako Zaldüna" bezala ezagutua zen Jean-Philippe de Bela (1709-1796) mauletarraren bizia kontatzen du. Euskal kultur erakundea partaide da.
Sarean dira "Euskararen munduak" kolokioaren hainbat bideo
Joan den ekainaren 29an Euskal Etnopoloaren labelaren baitan, EKE-k eta EHESS-ek euskararen indar-guneen inguruko gogoetaldi bat antolatu zuten IKER eta Euskaltzaindiaren partaidetzarekin, Baionako Fakultatean. Egunean zehar mintzatu ziren hainbat eragileren hitzartzeak sarean ikus daitezke.
Kontzertu Atipikoak 2018ko Baionako bestetan
Bederatzigarren urtez, Baionako besten denboran, Euskal kultur erakundeak eta Baionako Herriko Etxeak kontzertu atipikoak antolatuko dituzte elkarrekin. Aurten, bi kontzertu izanen dira. Lehena uztailaren 27an iraganen da, San Izpirituko "Collègiale" elizan, Julen Achiary musikariaren inguruan. Bigarrena aldiz, uztailaren 28an ospatuko da, toki berean, Bilboko Jatorki emazte otxotearen emanaldiarekin.
"Dantza Izpiak" erakusketa Hendaian
2018ko uztailaren 11tik abuztuaren 4a arte, Gabrielle Duplantier-en "Dantza Izpiak / Eclat de danses" erakusketa Hendaiako Mendi Zolan aretoan izanen da ikusgai. Bisitariak, artista honen talentua eta sentsibilitatea agerian utziko duten zuri-beltzezko hogeitamar bat argazki deskubritzen ahalko ditu. Erakusketa Hendaiako Herriko Etxeak eta Euskal kultur erakundeak antolatzen dute elkarrekin.
Iñaki Martiarena "Mattin"-ek Nekatoeneako idazle egonaldia eginen du 2018ko udazkenean
"Nekatoenea" euskal idazle egonaldiaren zortzigarren edizioaren karietara, Iñaki Martiarena "Mattin" hautatua izan da. 2018ko azaroaren 5ean hasi eta hilabete batez, idazlea Hendaiako etxe famatuan egonen da Kamishibai ipuin bat idatzi eta marrazteko. Euskal kultur erakundea partaide da.
"Azken itzulia" antzezlana Uztaritzen
2018ko uztailaren 22an, 18:00etan, Chimères antzerki taldeak "Azken itzulia" antzezlana aurkeztuko du Uztaritzeko Lota plazan. Transmisioari buruzko alegi hunkigarri hau, Txomin Heguy-k egin Joël Jouanneau idazlearen "Dernier rayon" obraren euskarazko egokitzapena da.
Euskal dantzaren transmisioari buruzko web-dokumentala
Euskal kultur erakundeak galdeginik Radiokultura web-irratiko kazetariak eta Johan Morin argazkilaria Ipar Euskal Herriko sei dantza eskoletako erakasle eta ikasleengana joan ziren 2015eko neguan. Bildu zituzten lekukotasunak, irudiak eta soinuak, "Lehen urratsa" izeneko web-dokumentalean argitaratu ditu EKE-k.
Errobiko Festibala 2018
2018ko uztailaren 19tik 22ra, Ezkandrai elkarteak 23. Errobiko Festibala antolatuko du Itsasun. Populuen kantuak ardatz harturik, lau egunez, edizio berri honek Euskal Herriko eta kanpoko hainbat artisten emanaldiez gozatzeko parada eskainiko du. Euskal kultur erakundea partaide da.
"SOKA, euskal dantzaren urratsetan" erakusketa Angelun
2018ko uztailaren 9tik 19a arte, Euskal kultur erakundeak ekoizturiko "Soka, euskal dantzaren urratsetan" erakusketa ibiltaria Angeluko BAB2 saltegian izanen da ikusgai. Lau hizkuntzatan, euskal dantzaren inguruko eduki aberats anitz eskaintzen ditu multimedian oinarritutako erakusketa honek. Sartzea urririk izanen da.
Gazteluma literatur sorkuntzarako burtsa 2018
Baionako Elkar liburudendak, Elkar fundazioaren eta Euskal kultur erakundearen laguntzarekin, Iparraldeko idazle gazteak euskaraz idaztera lehiatzeko asmoz, Gazteluma X. literatur sorkuntzarako burtsa antolatzen du. Deialdian edonork parte har dezake, 40 urtez petiko adina izanez gero. Egitasmoen aurkezteko azken epea: 2018ko urriaren 15a.
Euskarazko arte eta kultura heziketa: bizi eta eginarazi
Departamenduak, Euskal kultur erakundeak eta beste anitz egiturek (Euskararen erakunde publikoa, Ikas, Canopé, Seaska...) euskarazko arte eta kultura heziketari buruzko tailerrak antolatuko zituzten 2017ko azaroaren 29an, arratsaldez, Baionako Marracq kolegioan. Euskarazko erakaskuntzako 3 sailetako lehen mailako et kolegioetako erakasleei zuzenduak ziren. Topaketa interesgarri horiek laburbildu dituen bideoa sarean da.
Frédéric Sorhaitz partitura fondoa sarean
Frédéric Sorhaitz, Biarritzeko Itsasoa koruko zuzendaria, euskal kantuak eskuratzen, moldatzen eta egokitzen ari izana da. Partitura guzi horiek abesbatzen esku uzten ditu Euskal kultur erakundearen webgunean. Denborarekin aberastuko den funtsa.
"Nola egin laguntzaileak biltzeko, mobilizatzeko eta atxikitzeko?" informazio gaualdia
2018ko uztailaren 3an, 18:00etan, Euskal kultur erakundeak eta DLA dispositiboak elkarteei zuzendu informazio gaualdi berri bat proposatzen dute Donapaleuko Lagunt Etxean. Gaia : "Nola egin laguntzaileak biltzeko, mobilizatzeko eta atxikitzeko?" gaiaren inguruan. Parte hartzea urririk izanen da, baina izenak ekainaren 30eko eman behar dira, berantenik.
"Laida pilota" sorkuntzaren aurkezpena Donapaleun
2018ko ekainaren 30ean, Lilia elkarteak kantuak, dantzak eta bertsuak uztartuko dituen "Laida pilota" ikusgarria aurkeztuko du Donapaleuko Airetik gelan. Pier Paul Berzaitz-en sorkuntza honek pilota eta pilotarien mundua goraipatzen ditu, 7 historien bidez. Euskal kultur erakundea partaide da.
Pauline & Juliette Baionako La Luna Negra aretoan
2018ko ekainaren 29 eta 30ean, Pauline & Juliette bikotea Baionako La Luna Negra aretoan arituko da 20:15etatik goiti. Bi gaualdi horietan, iaz Agorila disketxearekin atera duten "Hegaldaka" izeneko lehen diskoko kantuak aurkeztuko dituzte. Euskal kultur erakundea partaide da.
EHZ Nomada
2018. urtea, transizio urte bat da Euskal Herria Zuzenean elkartearentzat. Elkartekideak proiektu berri bati buruzko gogoeta batean murgilduak direlarik, ekain bukaerako ohiko asteburuak formatu berezi bat hartuko du aurten, Lekorne utzi eta ipar Euskal Herriko xoko ezberdinetara jauzi eginez. Festibal ibiltari baten itxura hartuz, ekainaren 29tik uztailaren 1.a arte, hiru hitzordu proposatuak dira Baigorrin, Baionan eta Itsasun. Euskal kultur erakundea partaide da.
Bilakak "Saio zero" ikusgarria aurkezten du Baionan
2018ko ekainaren 22an, 20:30etan, Bilaka koreografia zentroak "Saio zero" izeneko sorkuntza berria aurkeztuko du Baionako Antzokian. Ikusgarriak zuzenezko musika eta bideo muntaketak uztartzen ditu, euskal dantza herrikoiaren ikuspegi berritzaile bat eskainiz. Tokiak Baionako Antzokian eta Angeluko Quintaou Antzokian erosten ahal dira. Euskal kultur erakundea partaide da.
Euskal idazle egonaldia Abbadiako eremuan: 2018ko deialdia
Zortzigarren aldikoz, Euskal Kultur Erakundeak, CPIE Euskal Itsasbazterrak eta Euskal Idazleen Elkarteak (EIE) beren baliabideak eta gaitasunak bateratzen dituzte gazte literatura egonaldi baten antolatzeko Hendaian. Egonaldia euskal idazle guziei zuzendua da. Hautagaitza aurkezteko epea: 2018ko ekainaren 19a.
Euskararen munduak : indar-guneak eta erronkak - Euskal Etnopoloaren 2. jardunaldiak
Euskal Etnopoloaren labelaren baitan, EKE-k eta EHESS-ek euskararen indar-guneen inguruko gogoetaldi baten eramatea proposatzen dizuete. Kolokio hau, IKER eta Euskaltzaindiaren partaidetzarekin antolatua da heldu den ekainaren 29an, Baionako Fakultatean, administrazioaren eraikinean, 41 anfiteatroan (sartzea Sainte-Claire aparkalekutik).
"Euskal komikigintza" - Liburuzainendako formakuntza
Euskal kultur erakundeak, Departamenduko Liburutegiak (BDPA) eta BILKETA sareak - Baionako Mediatekak irakurketa publikoaren sareko eragile desberdinei eta dokumentazio zentroetako arduradunei zuzendu formakuntza profesionala antolatzen dute ekainaren 7an, Donibane Garaziko mediatekan. Gaia: euskal komikigintza.
