Hemen zaude: Hasiera Albisteak

Albisteak

Xilabaren finala Baigorrin

Xilabaren finala Baigorrin

2018/11/27

Taldekako Xilaba-ren finala abenduaren 1ean jokatuko da Baigorriko Plaza Xoko gelan, "Mattinsalto" eta "Dilindan" taldeen artean. Saioa 18:00etan hasiko da, eta ondotik afaria izanen da Manexenea ostatuan. Euskal kultur erakundea partaide da.

Gehiago irakurri

Mikel Laboaren omenez

Mikel Laboaren omenez

2018ko abenduaren 1ean, Euskal Herri guzian hainbat ekitaldi antolatuak dira Mikel Laboaren heriotzaren 10. urtemuga kari. Ipar Euskal Herrian ere, omenaldirik ez da faltako. Hala nola, Euskal kultur erakundearen partaidetzarekin, Musikas musika eskolak egun berezi bat antolatuko du Uztaritzen. Halaber, Baionako Euskal Museoan ere omenaldi bat antolatuko da egun berean. Horrez gain, Maialen Alfaro eta Philippe Albor herriz herri dabiltza "Izarren Hautsa" ikusgarria aurkezten.

Gehiago irakurri

Egile eskubideak ikusgarrigintzan

Egile eskubideak ikusgarrigintzan

Azaroaren 29an, 18:00etan, Euskal kultur erakundeak eta Profession Sport & Loisirs eta Instep Aquitaine egiturek eraman DLA dispositiboak Autore eskubideak ikusgarrigintzan gaiaren inguruko informazio gaualdi bat antolatzen dute Uztaritzeko Lapurdi gelan. Gaualdia, Combustible bulegoko Carine Puyo andereak animatuko du. Parte hartzea urririk da, baina izena eman behar da.

Gehiago irakurri

Mintzaldia Alemanian preso egon diren lehen Mundu gerlako 10 euskaldunen  grabaketen inguruan

Mintzaldia Alemanian preso egon diren lehen Mundu gerlako 10 euskaldunen grabaketen inguruan

Azaroaren 28an, asteazken arratsaldeko 18:30etan, Maite Deliart-ek mintzaldi bat eskainiko du Uztaritzeko Lapurdi gelan. Euskal kultur erakundeko Ahozko ondarearen balorizazio arduraduna Lehen Mundu gerlan Alemanian preso ziren 10 euskal presoen grabaketen inguruan mintzatuko da. Halaber, Mondragon Unibertsitateko 2 ikaslek egin Maitia nun zira ? dokumentala ikusten ahalko da. Ekitaldia UztaHitzan festibalaren barnean antolatua da.

Gehiago irakurri

Feillet ahizpen hobeki ezagutzeko bi mintzaldi Baionan

Feillet ahizpen hobeki ezagutzeko bi mintzaldi Baionan

2018ko azaroaren 20 eta 27an, bi mintzaldi antolatuak dira Blanche eta Hélène Feillet emazte margolari aitzindarien obra hobeki ezagutzeko. Azaroaren 20an Florence Calame-Levert frantses ikerlaria eta 27an Maria José Aranzasti euskal historialaria mintzatuko dira. Ziklo hau Euskal kultur erakundeak, Bilketa sareak eta Baionako Mediatekak antolatzen dute.

Gehiago irakurri

Zinegin 2018

Zinegin 2018

Zinegin festibalaren 7. edizioa 2018ko azaroaren 22tik 25ra iraganen da. Aurtengoa, edizio berezia izanen da, Hazparnen ez ezik, Donapaleun eta Urruñan iraganen baita. Usaian bezala, euskarazko hainbat film ikusteko parada izan da. Euskal kultur erakundea partaide da.

Gehiago irakurri

Euskal Kultur Erakundea "948 Merkatua–Nafarroako arteen Merkatua"-ren bigarren edizioan

Euskal Kultur Erakundea "948 Merkatua–Nafarroako arteen Merkatua"-ren bigarren edizioan

Mugaz gaindiko kultura lankidetza sailaren kari, Euskal kultur erakundeak 2018ko azaroaren 21, 22 eta 23an Iruñan iraganen den 948 Merkatua-Nafarroako arteen Merkatuan parte hartuko du, hainbat proposamen artistikoren bidez. Horrez gain, hitzaldi bat eskainiko du Etxepare Institutuarekin batera Aquitaine.eus programaren aurkezteko. EKEk ekitaldi horretan parte hartzen du Aquitaine.eus programaren karietara eta Akitania Berria eskualdeko kultura agentzia bezala.

Gehiago irakurri

Euskal ipuin tradizionalen berridazketaz

Euskal ipuin tradizionalen berridazketaz

Azaroaren 22an, 18:00etan, Baionako Euskal museoan, Errusiako Zientzien Akademiako hizkuntzalaritza Institutuko Natalia Zaika ikertzailea XIX. mendeko euskal ipuin tradizionalen berridazketaren historiaz mintzatuko da. Euskal etnopoloaren labelaren karietara antolatu ahozkotasunari buruzko mintegiaren baitan.

Gehiago irakurri

Euskal sorkuntzaren leihoa Bordelen

Euskal sorkuntzaren leihoa Bordelen

Udazken honetan ere, Bordele aldeko Le Rocher de Palmer kulturguneak euskal kulturari leihoa zabalduko dio. Aurtengoan, Patxi Laskarai argazkilariaren erakusketa bat izanen da ikusgai azaroan zehar, eta Bilaka eta So.K. konpainien euskal dantza ikuskizunak eskainiko dira azaroaren 16ean. 

Gehiago irakurri

Bertsulari ikasleak Arnagan Edmond Rostand idazlea ospatzen

Bertsulari ikasleak Arnagan Edmond Rostand idazlea ospatzen

2018/11/07

Edmond Rostand idazle eta antzerkilaria sortu zen duela 150 urte eta hil duela 100 urte. Urte guzian, Kanboko herriko etxeak ospakizun ezberdinak antolatu ditu : mintzaldiak, erakusketak, kontzertuak, sorkuntza artistikoak, etabar. Euskal kultur erakundearekin eraiki partaidetzari esker, ikuskizun horietan bertsulariek ere toki bat ukanen dute, Kanboko Errobi ikastolako 6 ikasle gaztek bertsu batzu prestatu baitituzte artista handi honen ibilbide ezberdinen inguruan. Egin dituzten bertsuak aurkeztuak izanen dira, 2018ko azaroaren 9an, arratsaldeko 17:30etan, Arnagan (Orangerie gelan). 

Gehiago irakurri

Euskal Hitzorduak #3 Biarritzen

Euskal Hitzorduak #3 Biarritzen

2018/11/05

2018ko azaroaren 2tik 11ra, Malandain Ballet Biarritz-ek "Euskal Hitzorduak" izeneko euskal dantzaren inguruko gertakariaren hirugarren edizioa antolatuko du Biarritzen. Lehen bi edizioetan bezala, aniztasun handiko euskal dantzak deskubritzeko parada izanen da, tailer eta ikusgarri ezberdinen bidez. Euskal kultur erakundea partaide da. 

Gehiago irakurri

Nafarroako arteen merkatuaren bigarren edizioa Iruñean

Nafarroako arteen merkatuaren bigarren edizioa Iruñean

"948 merkatua" deitu Nafarroako arteen merkatuaren bigarren edizioa Iruñean eginen da 2018ko azaroaren 21, 22 eta 23an. Kulturaren sektoreko feria profesional honek artista eta profesionalak bildu eta diziplina anitzeko proposamen artistikoak programatuko ditu. Bertan parte hartu nahi duten Akitania Berriko eta ipar Euskal Herriko kultura eragileek izenak oraindanik eman ditzakete. Euskal kultur erakundea partaide da.

Gehiago irakurri

Gordetzen eta zabaltzen ditugun funtsak nola deskribatu? Irauten duena eta aldatzen dena

Gordetzen eta zabaltzen ditugun funtsak nola deskribatu? Irauten duena eta aldatzen dena

Etnopoloak lan sail zabala abiatzea du xede, lurraldeko dokumentazio eragile nagusien artean, numerikoak eskaintzen dituen ahalbideen aztertzeko, euskal kulturari lotuak diren edukiak publikoari zabaltzeko, Iparraldean. Karia hortara tailer bat antolatuko da gaur egun erabiltzen diren funtsen deskribapen metodoei buruz, gerokoak aipatuz. 2018ko abenduaren 6an iraganen da Uztaritzen, 14:00etatik 17:00ak arte, Euskal kultur erakundeko egoitzan, Lota Jauregian.

Gehiago irakurri

Hameka Euskaraz

Hameka Euskaraz

2018/10/23

2018ko azaroaren 1ean, "Hameka" karrikako arteen fabrikak euskal sorkuntzaren inguruko "Hameka Euskaraz" festibalaren edizio berri bat antolatzen du Larresoron. Euskarazko 3 ikusgarri ikusgai izanen dira herriko gelan. Euskal kultur erakundea partaide da.

Gehiago irakurri

Maite Pinto Itzal Aktiboa sariaren irabazle

Maite Pinto Itzal Aktiboa sariaren irabazle

2018ko Arte Garaikidearen alorreko Sorkuntza Gaztearen "Itzal Aktiboa" saria Maite Pinto 25 urteko Bilbotarrari emana izan zaio "The Kindness of Strangers" izeneko proiektuarentzat. Artistak 2.000 euroko saria eskuratu du. Euskal kultur erakundea partaide da.

Gehiago irakurri

KIMU deialdiaren laugarren edizioa

KIMU deialdiaren laugarren edizioa

Donostia Kulturak eta Euskal Kultur Erakundeak KIMU programaren laugarren deialdia martxan ezarri dute. Honen xedea haur eta gazteei zuzendutako arte eszenikoetan formakuntza programa bat eskaintzea da. Euskal Herriko lau artista hautatuak izanen dira. Deialdia zabalik izanen da 2018ko azaroaren 5a arte.

Gehiago irakurri

"SOKA, euskal dantzaren urratsetan" erakusketa Getxon

"SOKA, euskal dantzaren urratsetan" erakusketa Getxon

2018/10/08

2018ko urriaren 4tik azaroaren 4a arte, Euskal kultur erakundeak ekoizturiko "Soka, euskal dantzaren urratsetan" erakusketa ibiltaria Getxoko Erromoko Kultur Etxean izanen da ikusgai. Lau hizkuntzatan, euskal dantzaren inguruko eduki aberats anitz eskaintzen ditu, multimedian oinarrituz. Erakusketa, Getxoko Udalak eta EKEk antolatu "Iparra Galdu Gabe" zikloaren barnean aurkeztua da.

Gehiago irakurri

Nazioarteko Inprobisatzaileen Bira Baionan

Nazioarteko Inprobisatzaileen Bira Baionan

2018/10/07

2018ko urriaren 13an, Nazioarteko Inprobisatzaileen Bira Baionatik iraganen da. Donostia 2016 - Europako Kultur Hiriburuak, Euskal kultur erakundeak, Haizebegi Festibalak, Lankuk eta Mintzola Ahozko Lantegiak antolaturik, Kubako, Argentinako eta Euskal Herriko lau bertsulari arituko dira. Hitzordua 18:00etan emana da Arteen Erdigunean.

Gehiago irakurri

Taldekako Xilaba abian

Taldekako Xilaba abian

2018ko urriaren 12an, lehen taldekako Xilaba bertsu txapelketa hasiko da Gameren. Abenduaren 1.ean Baigorrin iraganen den finalarekin, 14 saio izanen dira Zuberoan, Baxenabarren eta Lapurdin. 11 taldetan banatuak izanen diren 44 parte hartzaile arituko dira, horien artean 20 berri. Euskal kultur erakundea partaide da.

Gehiago irakurri

Euskal kultur erakundeko 2019. urterako partaidetza eskaera txostenak

Euskal kultur erakundeko 2019. urterako partaidetza eskaera txostenak

2018/10/05

Beren urtesaria ordaindua duten Euskal kultur erakundeko elkarte-kideek 2019. urteko kultura egitasmoaren barnean kokatuko diren partaidetza eskaera txostenak postaz eskuratu dituzte. Eskaerak 2018ko azaroaren 12a aitzin itzuli beharko dira.

Gehiago irakurri

Harpidetu kultura agendari

Zure emaila:

Zure helbide elektronikoan atari honetako albisteak eta datozen gertakariak astero eskuratuko dituzu. Zure gustokoa ez bada edozein unetan harpidetza eten dezakezu, nehori azalpenik eman gabe.
Harpidetzaz gehiago jakin [+]