Euskal etnopoloa
Abiapundua
Hastapen batean ondare naturalaren, kulturalaren, materialaren eta immaterialaren inguruko gaiak tratatzen bazituen ere (1994an ondarearen batzorde iraunkor bat sortu zen, alor ezberdin horietako pertsonez osatua), 2007az geroz, EKEko ondare zerbitzua berezikiago ondare kultural immaterialan ari da eta zehazkiago bi ekintza alorretan :
- Ahozko ondarea
Euskal Herria 2007-2013 Lurralde Hitzarmenari esker, 2007az geroz, EKE ahozko ondarearen bilketari buruzko Eleketa programan sartu da (317 lekukotasun filmatuak izan dira orain arte). Bestalde, 2011n, Pirinio Atlantikoetako Departamenduko Kontseiluak numerizatu euskal soinu eta ikus-entzunezko artxiboen tratatzea onartu du. Horrela, pixkanaka-pixkanaka, erreferentzia bat bilakatzen da soinudun eta ikus-entzunezko ahozko artxiboen alorrean. - Lotura sorkuntza garaikidearekin
Ahozko ondare mailan lan eginez, EKEk galdera hauek egiten ditu : « Jendeek eta bereziki artistek zer egiten dute tradizio horretaz ? Zer atxikitzen dute ? Zer botatzen ? Zergatik ? » 2012an, EKEko administralari eta lankide batzuk elkartzen zituen talde bat biltzen hasi zen, Euskal Herriko kultura sorkuntzaren erronketaz eztabaidatzeko. 2014an, Denis Laborde etnologoaren babes zientifikoarekin, bost sorkuntza egitasmoren behaketa-azterketa bat abiatu zuten. Xedea, horrelako egitasmoetan ari diren kultura eragile guzien arteko eztabaida elikatzea da. Esperientzia horrek jarraipen bat ukan zuen 2015ean, bi egun erdiz, taldeak trukaketa-lekukotasun-lan saio batentzat gomitatuz. Bestalde, 2016an, mintzaldi bat antolatua izan da « Tradizioa, egia hutsa ? » gaiaren inguruan.
Bere ekintza bi norabide horietara bideratuz (ahozko ondarea, sorkuntzari buruzko gogoeta), EKEri aukera berri batzuk agertu zaizkio :
- Memorioaren eta sorkuntzaren laborategi bat bilakatzea
- Kultura ekintza eta ikerketa uztartzen dituzten partaidetzak garatzea - 2017an etnologia alorreko ikerketa eta baliabide gune bat bezala onartua izatea (etnopoloa).
Lan-ardatzak
Euskal etnopoloa, EKEren eta EHESS eskolaren (giza eta sozial zientzien Georg Simmel UMR sailaren bidez) arteko partaidetza zientifiko batean oinarritzen da. Urte batzuetako ikerketa, formakuntza eta hedapen egitarau bat landu behar du, ondoko lau lan ardatzen inguruan :
- Ondarea eta sorkuntza (etnopoloaren gai nagusia)
- Ahozkotasuna
- Euskal kulturari buruzko baliabide numerikoen balorizazioa
- Hizkuntza aniztasunak
2017ko ekainean, hitzarmen bat izenpetua izan da Kultura Ministeritza eta EHESS eskolarekin, lau urteko ekintza egitarau batentzat (2017-2021).
Baliabideak
- Mintegien eta kolokioen bideo-bildumak
- Etnopoloaren baitan eramaten diren gogoetei buruzko dokumentuak
- Ethnopoloaren aktualitatea
- Mintegien eta kolokioen agenda
