Herri kultura eta plaza ikusgarriak Ipar Euskal Herrian: zertan gira?
- Data
- 2024-05-30 - 2024-05-31
- Herria
- Baiona (Amphi 100 gela)
- Tenorea
18:30-20:30 (osteguna)
9:00-20:00 (ostirala)- Hizkuntza
- Euskara | Frantsesa
- Prezioa
- Urririk
Euskal kultur erakundearen partaidetzarekin
Ohidura herrikoiek badute beren historia, eta ekoizten dituzten gizarteen mirailak dira. Modernizazioaren ikuspegi murritxak ukatuz, Euskal Herrian aspaldiko besta batzuek iraun dute gaur arte eta frangotan arraberritu dira.
Pastorala, maskarada, ihauteri, libertimendu, tobera mustra edo kabalkada: plaza publikoa “hartzen” duten ikusgarri horiek sekulan baino biziagoak dira. Haien iraupenak, aldaketak eta arra-deskubritzeak galdera ainitz sorrarazten ditu. Kolokioak hiru helburu dauzka: plaza ikusgarri horieri buruz egina izan diren ikerketetaz pundu baten egitea; gaurko eragileen hitza eta lekukotasunen biltzea eta elkarrizketan jartzea; geroari buruzko gogoeta baten abiaraztea. Ipar Euskal Herriko plaza ikusgarriak dira gogoetaren bihotzean izanen, bertze tokitan iragan esperientzia eta gogoetak gogoan hartuz.
Hiru denboraldi izanen dira kolokio honetan:
Maiatzaren 30ean, arratsaldeko 18:45etan: Elena Bertuzzi antropologo eta film egilearen "Sous la jupe des filles" filmaren proiekzioa
Maiatzaren 31n, 9:30etatik 17:00etara "Ikerleei hitza" izeneko ikerketa eguna
Maiatzaren 31n, arratseko 18:30etan "Gaurko eragile kulturalei hitza" izeneko mahain ingurua
Euskal kultur erakundeak eta Bordeaux Montaigne Unibertsitateak partaidetzan duten Euskal Etnopoloaren zazpigarren kolokioa Baionako Ipar Euskal Herriko goi mailako arte eskolan iraganen da, Amphi 100 gelan.
Xehetasunak
- Terexa Lekumberri (EKE) - lekumberri@eke.eus / 05 59 93 38 74
- Alaia Cachenaut (EKE) - alaia.cachenaut@eke.eus / 05 59 93 06 84
- Egitaraua (PDF)
- Argazki bilduma
Kultura agenda eskuratu emailez
Euskal kulturaren agenda (Astero)
Euskal kultur erakundeak (EKE) bere agendako edukiak edozein momentutan aldatzeko edo eguneratzeko eskubidea du.
Agendan argitaratuak diren informazioak ekitaldien antolatzaileek helarazi dizkigute, edo hainbat komunikazio kanalen bidez bilduak izan dira, hala nola, kultur eragile eta operadoreen sare sozialen bidez. EKEk ezin du zabaldutako informazioaren izaeraren, edota informazio oker edo osatu gabearen erantzule izan. Halaber, agendako ekitaldien azalpen-testuak ekitaldi horien antolatzaile eta egile diren eragileen ardura dira bakarrik.
Ahal den neurrian, antolatzaileek beren ekitaldien komunikazioa egiteko erabiltzen dituzten ilustrazio-irudiak agendan baliatuak dira, irudi horien egilearen kreditua edo, halakorik ezean, antolatzailearen izena aipatuz. Kasu honetan ere, EKE ez da eduki horien izaeraren eta hedapenaren erantzule izanen. Ilustraziorik ez bada, EKEk agendako ekitaldiak berak hautatu irudi kreditatuekin ilustratzeko eskubidea du.
