Pass Culture: Euskal literatura eta musika garaikidea ikasgeletara helduko dira

Eskaintza horiek hezkuntza eta kulturaren arteko elkarlanean sortuak izan dira, eta ikasgaien edukiekin estuki lotuak daude.

Euskal Literaturaren eta Musikaren Hurbilketa Pedagogikoa "Idazleak ikastetxeetan" dispositiboaren bidez, kolegio eta lizeoetako ikasleek euskal literatura garaikidea ezagutzeko aukera izango dute: eleberriak, komikiak, eleberri grafikoak eta bestelako formatu berritzaileak. Irakurketarako gogoa piztea eta literaturaren bidez hausnarketa bultzatzea da ekimenaren helburu nagusia.

Bestetik, "Musikariak ikastetxeetan" programak ikasleei euskal musika garaikidean barneratzeko aukera emango die: pop, rock, folk, rap… Musikaren bidez, ikasleek sustraien (kultural, sozial, politiko…) eta eraginen (eskualdeko zein nazioarteko) berri izango dute. Helburua da musika entzun, ulertu eta bizitzeko espazio aberasgarri bat eskaintzea.

Bi egitasmoetan, euskararen erabilera eta kultur sorkuntza dira ardatz, adierazpen eta pentsamendu gaitasunak euskaraz garatzeko.

• Eskaintza bakoitza 1 ordu eta 30 minutuko topaketa batean oinarritzen da, non ikasleek idazle garaikide bat edo konpositore-interpretatzaile bat ezagutuko duten zuzenean.
• Sortzaileek euren ibilbidea, praktika artistikoa, sentsibilitatea eta eraginak partekatuko dituzte, eta tailer praktikoak ere eskainiko dira:
• Literatur jokoak edo idazketa ariketak
• Musika entzuketa, kantu saioak, sorkuntza dinamikoak...

Izena eman
Ekimen honetan parte hartu nahi duten ikastetxeek 2025eko irailaren 30a baino lehen izena eman beharko dute. Eskaintza hau aukera paregabea da euskal kulturaren transmisioa eskolaren egunerokoan txertatzeko, eta ikasleekin harreman bizi eta motibatzaile bat sortzeko sorkuntzaren bidez.